புதுதில்லியில் உள்ள இந்தியா சர்வதேச மையத்தின் சி.டி.தேஷ்முக் அரங்கில் "பசுமை எஃகு: நிலைத்தன்மைக்கான பாதை" என்ற நிகழ்ச்சியை எஃகு அமைச்சகம் இன்று வெற்றிகரமாக நடத்தியது. இந்த நிகழ்ச்சியில் பல்வேறு அமைச்சகங்கள், மத்திய பொதுத் துறை நிறுவனங்கள், சிந்தனைக் குழுக்கள், கல்வியாளர்கள், நிறுவனங்கள் மற்றும் எஃகு தொழில்துறையின் முக்கிய நபர்களின் பிரதிநிதிகள் கலந்து கொண்டனர். தலைமை விருந்தினரான மத்திய எஃகு மற்றும் கனரகத் தொழில்கள் துறை அமைச்சர் திரு எச்.டி.குமாரசாமி, "இந்தியாவில் எஃகுத் துறையை பசுமையாக்குதல்: செயல்திட்டம்" என்ற தலைப்பிலான அறிக்கையை வெளியிட்டார்.

இந்த நிகழ்ச்சியின் சிறப்பம்சமாக மத்திய எஃகு மற்றும் கனரக தொழில்கள் துறை அமைச்சரால் வெளியிடப்பட்ட "இந்தியாவில் எஃகு துறையை பசுமையாக்குதல். செயல் திட்டம்" என்ற அறிக்கை வெளியிடப்பட்டது. எஃகு அமைச்சகத்தால் அமைக்கப்பட்ட 14 பணிக்குழுக்களின் பரிந்துரைகளின் அடிப்படையில் இந்த அறிக்கை தயாரிக்கப்பட்டுள்ளது. இது இந்திய எஃகு துறையை கார்பன் நீக்கம் செய்வதற்கான ஒரு விரிவான உத்தியை உள்ளடக்கியது.

இந்தியாவில் எஃகுத் துறையில் கார்பன் உமிழ்வு தொடர்பான பல்வேறு அம்சங்களுக்கு இந்த அறிக்கை அர்ப்பணிக்கப்பட்டுள்ளது.

தேசிய அளவில் தீர்மானிக்கப்பட்ட உறுதிப்பாடுகளில் கோடிட்டுக் காட்டப்பட்டுள்ளபடி, நிகர பூஜ்ஜிய உமிழ்வை அடைவதற்கான இந்தியாவின் இலக்குக்கு ஏற்ப, கார்பன் உமிழ்வைக் குறைப்பதற்கான அறிக்கையில் குறிப்பிடப்பட்டுள்ள உத்திகள் மற்றும் செயல் திட்டத்தை பின்பற்ற எஃகு அமைச்சகம் உறுதிபூண்டுள்ளது. குறைந்த கார்பன் கொண்ட எதிர்காலத்தை நோக்கி இந்திய எஃகுத் தொழிலை மாற்றியமைப்பதிலும், வழிகாட்டுவதிலும் இந்த அறிக்கை முக்கிய பங்கு வகிக்கும்.

எஃகு அமைச்சகத்தின் இணைச் செயலாளர் திரு. வினோத் கே. திரிபாதி அவர்களின் அறிமுக உரையுடன் நிகழ்ச்சி தொடங்கியது. அதைத் தொடர்ந்து எஃகு அமைச்சகத்தின் இயக்குநர் திருமதி நேஹா வர்மாவின் அறிக்கை மீதான விளக்கக்காட்சி நடைபெற்றது.

"தலைமைப் பண்பு மற்றும் புதுமை: பசுமை எஃகு மாற்றத்தை ஊக்குவித்தல்" என்ற தலைப்பில் எஃகுத் துறையின் முன்னாள் செயலாளர் திரு சஞ்சய் சிங் தலைமையில் ஒரு தொழில்நுட்ப அமர்வும் நடத்தப்பட்டது. இந்த அமர்வு நிலையான எஃகு உற்பத்தியை முன்னெடுப்பதில் தொலைநோக்கு தலைமை மற்றும் புதுமையின் முக்கிய பங்கை ஆராய்ந்தது. இந்த குழுவில் நிதி ஆயோக்கின் திட்ட இயக்குநர் டாக்டர் அன்ஷு பரத்வாஜ், என்ஜிஎச்எம் திட்ட இயக்குநர் திரு அபய் பக்ரே, செயில் நிறுவனத்தின் தொழில்நுட்ப இயக்குநர் திரு அரவிந்த் கே சிங், டாடா ஸ்டீல் நிறுவனத்தின் தலைமை அலுவலக அதிகாரி டாக்டர் சவுரப் குண்டு, ஜேஎஸ்டபிள்யூ தலைமை அலுவலக அதிகாரி திரு பிரபோதா ஆச்சார்யா மற்றும் ஏஎம்என்எஸ் நிறுவனத்தின் நிலைத்தன்மை பிரிவின் மூத்த தலைவர் திரு வைபவ் பொகர்னா ஆகியோர் கலந்து கொண்டனர்.

இந்த நிகழ்ச்சியின் போது, பணிக்குழுக்களின் தலைவர்கள் எஃகு மற்றும் கனரக தொழில்துறை அமைச்சரால் பாராட்டப்பட்டனர். எஃகு அமைச்சகத்தின் இயக்குநர் திருமதி நேஹா வர்மாவின் நன்றியுரையுடன் நிகழ்ச்சி நிறைவுற்றது.

அறிக்கையில் கோடிட்டுக் காட்டப்பட்டுள்ள உத்திகளை செயல்படுத்த எஃகு அமைச்சகம் உறுதிபூண்டுள்ளது, இது இந்திய எஃகு தொழிலுக்கு நிலையான எதிர்காலத்தை இயக்குவதையும், நாட்டின் தேசிய நிர்ணயிக்கப்பட்ட உறுதிப்பாடுகளின் (என்.டி.சி) ஒரு பகுதியாக நிகர பூஜ்ஜிய உமிழ்வை அடைவதற்கு பங்களிப்பதையும் நோக்கமாகக் கொண்டுள்ளது.

----

PKV/KPG/ DL