Ka prokram ban plié paidbah ia ki sienjam / rynsan kum shi bynta Ki Jingjop ha Ki 100 Sngi kan long lashai ka 11 tarik u Nailur, 2024 ha ka Parliament House Annexe, New Delhi.

U Myntri Sorkar Pdeng ba dei khmih ia ka Tnad Parliamentary Affairs, Kiren Rijiju un plié paidbah ia kine ki hynriew tylli ki sienjam / rynsan harum:

1. National e-Vidhan Application-NeVA 2.0
2. NeVA Mobile App version 2.0
3. Subordinate Legislation Management System (SLMS)
4. Consultative Committee Management System (CCMS)
5. NYPS Portal 2.0
6. Eklavya Model Residential Schools (EMRSs)

Ka NeVA 2.0 ba la pynkhlain shuh shuh ka don ki bynta kiba thymmai kiba kynthup ia ka jingsuk ia ki briew ban pyndonkam bad ka jingiasoh kaba kham bha bad ki kam ain jong ki Iing Dorbar Thaw Ain jong ki Jylla. Ki bynta ka kongsan jong ka NeVA 2.0 ki kynthup:

Kine ki jingpynthymmai hapoh ka NeVA 2.0 kin kyntiew shuh shuh ia ka software ba kan pynurlong ka kam thaw ain kaba lait na ka jingpyndonkam ia ki kot bad kyntiew ia ka jingai jingshakri mardor da ka Sorkar

Shuh shuh, katkum ki jingai jingmut ha ka Kaiphod ba 28 jong ka Committee on Subordinate Legislation (COSL), Lok Sabha, kane ka Tnad Sorkar ka la saindur ia ka rynsan ka ban ai ia ka single window interface ka ban wanrah saw tylli kiba iadon bynta ha ki kam kiba long i) Baroh ki Tnad Sorkar hapoh ka Sorkar India ii) Cabinet Secretariat (iii) Legislative Department bad iv) Tnad Parliamentary Affairs hapoh kawei ka rynsan. Kane ka sienjam kan ialam sha ka jingshim rai ba kham bha bad ka jingwanrah kham kloi ia ki Subordinate Legislation hapoh ki Ain bapher bapher.

Ka rynsan kaba iadei bad ka Consultative Committee Management System (CCMS) ka dei kaba la saindur ban wanrah lai tylli kiba iadon bynta ha ka kam kiba long i) Ki Dkhot Parliament ii) Ki Tnad Sorkar India iii) Ka Tnad Parliamentary Affairs, jong ki Consultative Committee ha kajuh ka rynsan. Lyngba kane ka rynsan, baroh ki jingtip / ki kot ki sla jong ki Komiti kin don ha kano kano ka por ban peit da ki Dkhot / Tnad bad kane kan pynthikna ba ki don lut ka jingtip bad ki lah ban iakren hapdeng jong ki lyngba ki lad digital.

Ka NYPS Portal 2.0 ka dei kaba la saindur da ka Tnad khnang ba ka jingiashim bynta ha kane ka rynsan kan kiew bun shah da kaba plié ia kane ka rynsan ia baroh ki briew jong ka ri. Mynta ka jingiashim bynta ha ka skhim ka lah ban wan ruh lyngba ka jingiashim bynta ki jaka trei, ki kynhun bad ki riew shimet. Kane kan iarap ia ka jingpynsaphriang ia ka synshar paidbad bad ki jingngeit hapoh jong kane sha ki samla pule bad ki khynnah bad ka jingiakren kan kiew bun bun shah.

Kumjuh, ka Tnad kan plié paidbah ruh ia ka Scheme of National Youth Parliament Competition kaba thymmai na ka bynta ki khynnah ba pule ha ki Eklavya Model Residential School (EMRS). Ka jingthmu jong kane ka skhim ka dei ban pynkhlain ia ki tynrai jong ka synshar paidbah, wanrah ia ka jingiashah ia ki rukom pyrkhat kiba pher, wanrah ia ka jingskhem jingmut bad pynsngewthuh ha ki samla riewlum ia ki rukom treikam ka Parliament lyngba ka jingpynlong ia ki National Youth Parliament Competition man u snem hapdeng ki EMRS.

***