پارلیمانی امور کی وزارت کی 100 دن کی حصولیابیوں کے حصے کے طور پر مختلف اقدامات/پورٹلز کے آغاز کا پروگرام کل یعنی 11 ستمبر 2024 کو پارلیمنٹ ہاؤس انیکسی، نئی دہلی میں منعقد کیا جائے گا۔

پارلیمانی امور کے مرکزی وزیر جناب کرن رجیجو مندرجہ ذیل چھ پہل/پورٹل کا افتتاح کریں گے۔

قومی ای-ودھان ایپلی کیشن-این ای وی اے  2.0

این ای وی اے   موبائل ایپ ورژن 2.0

ذیلی قانون سازی کے انتظام کا نظام(ایس ایل ایم ایس)

 مشاورتی کمیٹی مینجمنٹ سسٹم(سی سی ایم ایس)

این وائی پی ایس پورٹل 2.0

ایکلویہ ماڈل رہائشی اسکول(ای ایم آر ایس ایس)

 این ای وی اے    2.0 کا اپ گریڈ شدہ ورژن، کئی جدید خصوصیات متعارف کراتا ہے، اس میں  زیادہ صارف دوست انٹرفیس اور ریاستی مقننہ کے قانون سازی کے عمل کے ساتھ بہتر انضمام شامل ہے۔ این ای وی اے    2.0 کی اہم خصوصیات میں درج ذیل امور  شامل ہیں:

این ای وی اے     2.0 کے تحت یہ اپ گریڈ ایک کاغذ کے بغیر قانون سازی کے ماحول کو حاصل کرنے اور حقیقی وقت کی حکمرانی کو فروغ دینے کے لیے سافٹ ویئر کو مزید بہتر بنائیں گے۔

مزیدبرآں، ذیلی قانون سازی کی کمیٹی(سی او ایس ایل) ، لوک سبھا کی 28 ویں رپورٹ میں سفارش کی بنیاد پر،  وزارت نے ایک پورٹل تیار کیا ہے، جو چار شراکت داروں کو لانے کے لیے سنگل ونڈو انٹرفیس فراہم کرے گا، یعنی (i) حکومت ہند کی تمام وزارتیں/ محکمے ، ( ii) کابینہ سکریٹریٹ (iii) قانون ساز محکمہ اور iv) پارلیمانی امور کی وزارت تمام وزارتوں کو ایک پلیٹ فارم پرلائے گا۔ یہ اقدام بہتر فیصلہ سازی اور مختلف ایکٹ کے تحت ذیلی قانون سازی کی جلد تشکیل کا باعث بنے گا۔

مشاورتی  کمیٹی مینجمنٹ سسٹم (سی سی ایم ایس) سے متعلق پورٹل کا تصور اور ڈیزائن کیا گیا ہے تاکہ مشاورتی کمیٹیوں کے تین شراکت داروں یعنی i) معزز اراکین پارلیمنٹ ii) حکومت ہند کی وزارتیں ،وزارت پارلیمانی امورکو ایک ہی پلیٹ فارم پر لایا جاسکے۔ اس پورٹل کی مدد سے، کمیٹیوں کی تمام معلومات/دستاویزات متعلقہ ممبر/وزارت کو حقیقی وقت پر دستیاب ہوں گے اس طرح یہ یقینی بنایا جائے گا کہ سبھی اچھی طرح سے باخبر رہیں اور وہ ایک دوسرے کے ساتھ ڈیجیٹل طور پر بات چیت کر سکیں۔

این وائی پی ایس پورٹل 2.0 کو وزارت نے تیار کیا ہے تاکہ تسلیم شدہ تعلیمی اداروں کے طلباء سے قطع نظر ملک کے تمام شہریوں کے لیے پورٹل کھول کر پورٹل میں لوگوں کی تعداد میں تیزی سے اضافہ کیا جا سکے۔ اب، اسکیم میں شرکت ادارہ کی شرکت، گروپ کی شرکت اور انفرادی شرکت کے ذریعے بھی کی جا سکتی ہے۔ یہ بالآخر طلباء اور نوجوانوں میں جمہوری اخلاقیات اور اقدار کو پھیلانے میں مدد کرے گا اور رسائی کئی گنا بڑھ جائے گی۔

اسی طرح پارلیمانی امور کی  وزارت ایکلویہ ماڈل رہائشی اسکولوں(ای ایم آر ایس ایس) کے طلباء کے لیے نیشنل یوتھ پارلیمنٹ مقابلے کی ایک نئی اسکیم بھی شروع کر رہی ہے۔ اس اسکیم کے اغراض و مقاصد جمہوریت کی جڑوں کو مضبوط کرنا، مختلف نظریات کی رواداری کو فروغ دینا، نظم و ضبط کی صحت مند عادات پیدا کرنا اور ای ایم آر ایس ایس کے درمیان سالانہ نیشنل یوتھ پارلیمنٹ مقابلوں کے انعقاد کے ذریعے قبائلی طلباء کو پارلیمنٹ اور پارلیمانی اداروں کے کام سے واقف کرانا ہے۔ .

 ش ح ۔ م ع۔ ج

Uno-10741