جیسے ہی دو سالہ ورلڈ اسکلز 2024 کا 47 واں ایڈیشن شروع ہو رہا ہے، ورلڈا سکلز انڈیا ٹیم کا 60 رکنی نوجوان دستہ آج لیون، فرانس میں اترا، سب سے بڑے بین الاقوامی مہارت کے مقابلے میں حصہ لینے کے لیے دستے کے سبھی اراکین مکمل طورپر تیار ہیں۔

لیون میں ورلڈ اسکلز 2024 میں آج، ہفتہ، 7 ستمبر، مہارت کے انتظام کے منصوبے میں متعین رہنما خطوط پر عمل کرتے ہوئے، مقابلہ کی پیچیدہ تیاری ہوئی۔ منصفانہ اور معیاری مسابقت کے ماحول کو یقینی بنانے کے لیے مختلف مہارتوں کے ماہرین ورک اسٹیشنز کے قیام، ٹولز اور آلات کو حتمی شکل دینے، اور تکنیکی وضاحتیں ترتیب دینے میں پوری طرح مصروف ہیں۔

ہر مہارت کے زمرے میں ماہرین کو حفاظتی پروٹوکولز، مسابقتی کاموں، اور تشخیص کے معیارات پر تفصیلی جانچ پڑتال کرتے ہوئے دیکھا گیا، اس جانچ کے تحت یہ یقینی بنانا تھا کہ سبھی کچھ برموقع اور آسانی سے دستیاب ہے۔ یہ مرحلہ اس بات کی ضمانت دینے کے لیے اہم تھا کہ دنیا بھر کے شرکاء عالمی مہارت اور دیانت کے اعلیٰ معیارات پر عمل کرتے ہوئے ایک سطحی کھیل کے میدان میں مقابلہ کریں۔

لیون میں ورلڈ اسکلز 2024 میں، کمپیٹیشن کمیٹی ڈیلیگیٹس (سی سی ڈی ز) نے بھی احتیاط سے قواعد کی جانچ پڑتال اور کسی بھی ممکنہ مسائل یا تنازعات کو حل کرکے ایونٹ کے ہموار آپریشن کو یقینی بنانے میں اہم کردار ادا کیا۔ یہ مندوبین مسابقت کی سالمیت کو برقرار رکھنے کے ذمہ دار ہیں کہ تمام ضوابط کی پابندی کی جائے، تنازعات کا انتظام کیا جائے، اور مقابلے کے عمل کے دوران پیدا ہونے والے کسی بھی تضاد کو دور کیا جائے۔ بھارت، ٹرننگ اور ملنگ کے لیے سی سی ڈی کے طور پر کام کر رہا ہے، اس نے درستگی پر مبنی مہارت کے زمروں میں ایک اہم کردار ادا کیا۔ ہندوستانی وفد نے اس بات کو یقینی بنایا کہ ٹرننگ اور ملنگ سے متعلق تمام تکنیکی پہلوؤں، جیسے مشین کیلیبریشن، ٹول سیٹ اپ، اور ٹاسک الائنمنٹ، ورلڈا سکلز کے معیارات کے مطابق انجام پائے۔

یہ ہنر مند افراد ہندوستان کے لیے 52 مہارت کے زمروں میں 70 سے زیادہ ممالک کے بہترین افراد سے مقابلہ کریں گے۔ بین الاقوامی مقابلہ 10 سے 15 ستمبر 2024 تک یورو ایکسپو لیون فرانس میں شروع ہونے والا ہے، جس میں 1,400 سے زیادہ حریف اور 1,300 ماہرین شرکت کریں گے۔ یہ عظیم الشان ایونٹ، جسے اکثر اولمپک گیمز ہنر مندی کا تصور کیا جاتا ہے، 2.5 لاکھ سے زیادہ شرکاء کو راغب کرنے کی امید ہے۔

جناب جینت چودھری، وزیر مملکت (آزادانہ چارج)، ہنرمندی کی ترقی اور انٹرپرینیورشپ کی وزارت، اور ریاستی وزیر، وزارت تعلیم، حکومت ہند، ٹیم انڈیا کی حوصلہ افزائی کرنے کے لیے بین الاقوامی مقابلے کا دورہ کریں گے۔ اپنے دورے کے دوران وہ شراکت دار ممالک کے نمائندوں سے بھی ملاقات کریں گے تاکہ عالمی سطح پر ہنر پر بات چیت کو آگے بڑھایا جا سکے۔

ورلڈا سکلز کے 52 سے زیادہ ماہرین اور 100+ صنعت اور تعلیمی شراکت داروں کی تربیتی معاونت ہندوستانی دستے کی تربیت اور تیاری میں شامل ہے، جو ورلڈ اسکلز لیون میں اپنے ملک کی نمائندگی کرنے والے سب سے بڑے گروپوں میں سے ایک ہے۔

مقابلہ کرنے والوں نے سرکردہ کمپنیوں جیسے کہ ٹویوٹا کرلوسکر، ماروتی، لنکن الیکٹرک اور بہت سی دیگر کے تعاون سے بھرپور تربیتی پروگراموں میں حصہ لیا، جس میں ملک بھر سے صنعت کے مختلف رہنماؤں اور اداروں کی مہارت سے بھرپور تربیت حاصل کی گئی۔ اس کے علاوہ، فیشن ٹیکنالوجی کے لیے فیسٹو انڈیا سے این آئی ایف ٹی  دہلی تک انڈسٹری 4.0 میں اور ایل اینڈ ٹی  میں برک لیئنگ اور کنکریٹ کی تیاری کے لیے تربیت حاصل کی۔

اس سال کی ٹیم ایک پیش رفت کے لمحے کی بھی نمائندگی کرتی ہے، خواتین روایتی طور پر مردوں کے زیر تسلط شعبوں جیسے ویلڈنگ، پلمبنگ اور ہیٹنگ میں حصہ لے رہی ہیں۔ یہ ٹیم ہندوستان کے ناقابل یقین تنوع کی عکاسی کرتی ہے، جس میں دور دراز کے مقامات جیسے— میزورم سے جموں و کشمیر، شمال سے جنوب، مشرق سے مغرب، اور یہاں تک کہ انڈمان اور نکوبار کے جزیرے وغیرہ جیسے  ہر علاقے کے شرکاء شامل ہیں۔

ورلڈا سکلز مقابلہ مختلف شعبوں بشمول تعمیرات، مینوفیکچرنگ، انفارمیشن ٹکنالوجی اور تخلیقی فنون میں مہارتوں میں بہترین کارکردگی کا مظاہرہ کرتا ہے۔ حریف، عام طور پر 23 سال سے کم عمر، سخت جانچ میں مشغول ہوتے ہیں، ایسے کاموں کو مکمل کرتے ہیں جو عصری صنعت کے معیارات کی عکاسی کرتے ہیں۔ پہلی بار، بین الاقوامی ٹرینرز کو ملک میں مدعو کیا گیا اور حریفوں کو بھی بین الاقوامی نمائش اور سخت تربیت کے لیے سوئٹزرلینڈ کے ساتھ جنوبی کوریا، جاپان، آسٹریا، تھائی لینڈ اور دبئی جیسے ممالک میں بھیجا گیا۔

ہندوستانی دستے نے تربیت کا آخری مرحلہ شروع کیا جس میں 1-3 ستمبر 2024 کے درمیان نئی دہلی میں یوگا سیشن، ذہنی قوت  کو بہتر بنانے کے لیے نفسیاتی ٹیسٹ، غذائیت سے متعلق مشورے اور مختلف دیگر رہنمائی شامل تھی۔

----------

ش ح ۔ ا م  ۔  م ص۔

U NO: 10737