செப்டம்பர் 11 முதல் 13, 2024 வரை செமிகான் இந்தியா 2024 ஐ நடத்தத் தயாராகி வருவதால் இந்தியாவின் குறைக்கடத்தி சூழல் ஒரு எழுச்சிக்குத்  தயாராக உள்ளது. இந்த மதிப்புமிக்க நிகழ்வு உலகளாவிய குறைக்கடத்தி சூழலியலில்  இந்தியாவின் நிலையை வலுப்படுத்துவதை நோக்கமாகக் கொண்ட முக்கியமான விவாதங்களில் ஈடுபட உலகளாவிய குறைக்கடத்தி தொழில்துறை தலைவர்கள், கொள்கை வகுப்பாளர்கள், கண்டுபிடிப்பாளர்கள் மற்றும் கல்வியாளர்களை ஒன்றிணைக்கும். உற்பத்தி, விநியோகச் சங்கிலி மேலாண்மை, நிலைத்தன்மை மற்றும் தொழிலாளர் மேம்பாடு போன்ற முக்கிய பகுதிகளில் புதுமைகள் மற்றும் போக்குகள் குறித்த மதிப்புமிக்க நுண்ணறிவுகளை இந்த நிகழ்வு வழங்கும்.

செமி மற்றும் இந்திய செல்லுலார் மற்றும் மின்னணு அமைப்பு (ஐ.சி.இ.ஏ) ஏற்பாடு செய்திருந்த கூட்டு செய்தியாளர் சந்திப்பில், இந்திய குறைக்கடத்தி இயக்கத்தின்  (ஐ.எஸ்.எம்) தலைமை நிர்வாக அதிகாரி திரு ஆகாஷ் திரிபாதி, செமிகான் இந்தியா ஒரு உத்திசார் நிகழ்வாக  விளங்குகிறது, இது அனைத்து முக்கிய குறைக்கடத்தி விநியோக சங்கிலி நிறுவனங்களுக்கும் ஒரு தளத்தை வழங்குகிறது என்று கூறினார். 24 வெவ்வேறு நாடுகளைச் சேர்ந்த 250-க்கும் மேற்பட்ட நிறுவனங்கள் பங்கேற்கும் இந்த நிகழ்வு, இந்த முக்கியமான துறையில் இந்தியாவின் வளர்ந்து வரும் இருப்பை வெளிப்படுத்தும்."இந்தியாவில், ஐந்து குறைக்கடத்தி திட்டங்களின் கட்டுமானம் நடந்து வருவதால், அனைத்து சுற்றுச்சூழல் கூறுகளின் தேவை மிக முக்கியமானது. வணிகங்களுக்கு இடையிலான தொடர்புகள் மற்றும் கூட்டாண்மைகள் நடைபெறுவதற்கான சரியான சூழலை செமிகான் இந்தியா வழங்குகிறது" என்று திரு திரிபாதி எடுத்துரைத்தார்.

செமிகான் இந்தியா 2024, ஒரு நிகழ்வு மட்டுமல்ல; குறைக்கடத்தி உற்பத்திக்கான உலகளாவிய மையமாக மாறுவதை நோக்கிய இந்தியாவின் லட்சிய முன்னேற்றத்தின் பிரதிபலிப்பாகும். வலுவான அரசுக் கொள்கைகள், அதிகரித்து வரும் முதலீடுகள் மற்றும் உத்திசார் கூட்டாண்மை மூலம், உலகளாவிய அளவில் குறைக்கடத்தி உற்பத்தியின் எதிர்காலத்தை வடிவமைப்பதில் இந்தியா குறிப்பிடத்தக்க ஊடுருவல்களைச் செய்து வருகிறது.

மேலும் விவரங்களுக்கு இந்த செய்திக்குறிப்பை ஆங்கிலத்தில் இங்கே காணவும்: https://pib.gov.in/PressReleasePage.aspx?PRID=2053280

***

BR/RR