মখোয়গী পর্সনেলশিংগী হৈ-শীংবা অমসুং কেপাসিতী বিল্দিং হেনগৎহন্নবা, ইন্দিয়ন আর্মী অমসুং ইন্দিয়ন এয়র ফোর্সনা সেপ্তেম্বর 09, 2024দা নই দিল্লীদা রেলৱেজ মন্ত্রী শ্রী অশ্বিনী বৈষ্ণব অমসুং ঙাকশেল মন্ত্রী শ্রী রাজনাথ সিংহনা শরুক য়াদুনা গতী শক্তি বিশ্বাবিদ্যলয়, ভাদোদরাগা লোয়ননা মেমোরেন্দম ওফ অন্দর্স্তেন্দিং (MoU) অমা খুৎয়েক পীনখি। MoU অসিনা সর্ভিস অনিমকপু লোজিস্তিক্সকী মতাংদা অৱাংবা থাক্কী এক্সপর্তিস লৈহনবদা মতেং পাংগনি। মসিনা লোজিস্তিক্স ওপরেসনশিংগী তোঙান তোঙানবা হিরমশিংদা ইন-হাউস এক্সপর্তিস লৈহনগনি অমসুং নেস্নেল দিবেলপমেন্ত প্লান- পি.এম. গতি শক্তি নেস্নেল মাস্তর প্লান 2021 অমসুং নেস্নেল লোজিস্তিক্স পোলিসী 2022গী মায়কৈদা ইফেক্তিব ওইনা মতেং পাংগনি।

থৌরম অদুদা ঙাংলদুনা, দিফেন্সতা 'আত্মনির্ভরতা'গী ভিজনগা লোয়ননা আর্মদ ফোর্সেসকী লোজিস্তিক বেকবোনবু হেন্না মপাঙ্গল কনখৎহন্নবা হোৎনবদা মতেং পাংনরিবা অসি য়াম্না মরু ওইবা পার্তনরশিপ অমনি হায়না ঙাকশেল মন্ত্রীনা ফোংদোকখি। মহাক্না অকনবা ৱাফম থমখি মদুদি লোজিস্তিক্স অসি হৌজিক্তি আর্মদ ফোর্সেসকী সপোর্ত ফঙ্কসন অমখক্তং নত্তে, অদুবু মসি মিলিতরী ওপরেসনশিং অমসুং নেস্নেল সেক্যুরিতীদা মরুওইবা ফেক্তর অমা ওইনা থোক্লক্লি। “কান্নরবা লোজিস্তিক্স সিস্তেম অমনা ফোর্সশিংবু খোঙজেল য়াংনা মোবিলাইজ তৌবদা অমসুং রিসোর্সশিংবু অতেনবা মতমগী মনুংদা চুনবা মফমদা য়ৌহনবদা মরুওইবা থৌদাং অমা লৌই। ঐখোয়গী ফোর্সশিংনা মথৌ পাংথোক্লিবা ফিভমশিং অসি য়েংলগা, ঐখোয়না লান্মীশিং, খুৎলায়শিং অমসুং সপ্লাইশিংগী অপনবা লৈতবা মুফমেন্ত অমা মথৌ তাই। MoU অসি ঐখোয়গী ফোর্সশিংগী মথৌ তাবশিং লৌশিং, ইন্নোভেসন অমসুং পুন্না থবক তৌমিন্নবগী থোংদা মতৌ করম্না মপুং ফাহনগনি হায়বগী মতাংদা য়াম্না মরু ওইগনি," হায়না মহাক্না ফোংদোকখি।

শ্রী রাজনাথ সিংহনা হায়খি মদুদি MoU অসিনা দিফেন্স সেক্তরদা মশা-মরোমদোম লেপচবগী সরকারগী মঙলান ফংনবা হোৎনবদা কান্নবা পীগনি। করিগুম্বা ঐখোয়না লোজিতিক্সকী মতাংদা এক্সপর্তিস মথৌ তারবদি, ঐখোয়না মদুগী ত্রেনিং অসি গতি শক্তি বিশ্বাবিদ্যলয়গুম্বা ঐখোয়গী মশাগী রিসোর্সশিংদগী লৌগদবনি। করিগুম্বা ঐখোয়না খুৎলায় অমা মথৌ তারবদি, ঐখোয়না মদু ভারত মশাদা পুথোক্কদবনি। মপাঙ্গল কনবা ভারত অমগী য়ুম্ফম অসি আত্মনির্ভর ওইরবা খক্তদা থোনবা ঙমগনি", হায়না মহাক্না মখা তাখি।

MoU অসিনা রিএল ৱর্ল্দ কেস স্তদীশিংগী খুত্থাংদা এক্সপরিমেন্সিএল লর্নিং পীরগনি হায়বগী মতাংদা, গতি শক্তি বিশ্বাবিদ্যলয়না আর্মদ ফোর্সেস পর্সনেলগী লুচিংবা, মেনেজমেন্ত অমসুং ওপরেস্নেল এক্সপরিয়েন্সকী খুত্থাংদা মোদর্ন ৱারফেয়রগী দাইনামিক ওইবা মথৌ তাবশিং মপুং ফাহনগদবা অনৌবা জেনরেসনগী লোজিস্তিক্স এক্সপর্ত অমসুং মেনেজরশিং শেমগৎপদা মতেং পাংগনি হায়না ঙাকশেল মন্ত্রীনা থাজবা থমখি।

রেলৱেজ মন্ত্রী শ্রী অশ্বিনী বৈষ্ণবনা গতি শক্তি বিশ্বাবিদ্যলয়না অৱাংবা থাক্কী লোজিস্তিক্স এজুকেসন, রিসর্চ অমসুং ইন্নোভেসনগা লোয়ননা আর্মদ ফোর্সেসপু মপাঙ্গল কনখৎহনবদা মরু ওইবা পার্তনর অমা ওইনা থবক তৌগনি হায়না থাজবা থমখি।

থৌরম অদুদা CDS, এয়র ফোর্স চীফ, আর্মী চীফ, দিফেন্স সেক্রেতরী, রেলৱে বোর্দকী চেয়রমেন অমসুং গতি শক্তি বিশ্বাবিদ্যলয়গী ভাইস চাঞ্চেল্লর য়াওনা ঙাকশেল মন্ত্রালয় অমসুং রেলৱে মন্ত্রালয়গী মকোক থোংবা ওফিসরশিং শরুক য়াখি।

****