ریلوے پروٹیکشن فورس کے ڈائرکٹر جنرل جناب منوج یادو نے 3 ستمبر 2024 کو 28 رکنی وفد کے ساتھ لداخ میں ہاٹ اسپرنگ میموریل میں پولیس شہداء کو خراج عقیدت پیش کیا۔ اس دورے کا مقصد بہادر افسران، اور آئی ٹی بی پی، آئی ٹی بی ایف اور بھارتی بری فوج کے سپاہیوں کے ساتھ یکجہتی ظاہر کرنا تھا جو ازحد مشکل حالات میں ایل اے سی پر باز کی طرح چوکسی کر رہے ہیں۔

جناب یادو نے مختلف ریاستی پولیس اور مرکزی مسلح پولیس فورس(سی اے پی ایف) کی نمائندگی کرنے والے پولیس افسران کے 28 اراکین پر مشتمل وفد کی قیادت کی ، ان کے ساتھ تلنگانہ پولیس کے ڈی آئی جی جناب این پرکاش ریڈی بھی تھے جو گروپ کے ڈپٹی لیڈر تھے۔ جناب راجہ بانتھیا ڈی سی پی / ای او ڈبلیو نے پولیس وفد کے ایک رکن کے طور پر دہلی پولیس کی قیادت کی۔

یہ میموریل بھارتی پولیس فورسز کے لیے ایک مقدس مقام رہا ہے جہاں ہر سال، دس سی آر پی ایف افسران/اہلکاروں کی قربانی کی یاد میں خراج عقیدت پیش کیا جاتا ہے، جنہوں نے 21 اکتوبر 1959 کو قوم کا دفاع کرتے ہوئے اپنی جانیں نچھاور کیں۔ تقریب جس کا آغاز 1960 کی یاد کی علامت کے طور پر، پورے ملک میں خدمات انجام دینے والے اور ریٹائر ہونے والے پولیس افسران کے لیے ایک انتہائی قابل احترام روایت بنی ہوئی ہے۔ یہ مقام مشرقی لداخ میں حقیقی لائن آف کنٹرول(ایل اے سی) کے قریب سطح سمندر سے 15,400 فٹ کی بلندی پر اونچائی پر ناہموار اور ناگوار علاقے میں واقع ہے۔

پولیس وفد کو 86 سالہ معمر اور باحیات لیجنڈ اور گشت کرنے والی پارٹی کے رکن جناب سونم دورجے سے ملاقات کا اعزاز حاصل ہوا جو 21 اکتوبر 1959 کے خوفناک واقعے کے دوران چینی فوجیوں کے خلاف بہادری سے کھڑے ہوئے جہاں انہیں گرفتار کر لیا گیا۔ ان کی ہمت اور شجاعت تاریخ کا ایک متاثر کن باب بنی ہوئی ہے۔

اس سال کی یاترا ایک اہم سنگ میل کی حیثیت رکھتی ہے کیونکہ شری منوج یادو وفد کی قیادت کرنے والے ریلوے پروٹیکشن فورس کے پہلے ڈی جی بنے۔ مختلف فورسز کے پولیس افسران کی ایک ٹیم کے ساتھ ان کی شرکت، ہندوستان کی مختلف پولیس فورسز کے درمیان اتحاد، طاقت اور اشتراک کو تقویت دیتی ہے۔

اس یاترا کو ریلوے پروٹیکشن فورس کے 1011 بہادر اہلکاروں کے نام وقف کرتے ہوئے جنہوں نے 1958 میں فورس کے قیام کے بعد سے ڈیوٹی کے دوران اپنی جانوں کا نذرانہ پیش کیا، ڈی جی آر پی ایف نے فرض، بہادری اور قربانی کے جذبے سے آر پی ایف کے عزم کا اعادہ کیا جس کی مثال 1959  کے بہادروں سپاہیوں نے پیش کی ہے، جن کی یادیں پولیس کی تاریخ میں ہمیشہ کے لیے محفوظ رہیں گی۔

شری منوج یادو کا دورہ اور اس پروقار تقریب میں ان کی شرکت قانون نافذ کرنے والے کمیونٹی کے تمام ارکان کے لیے باعث تحریک ہے۔ یہ پولیس افسران کی قوم کی خدمت میں دی گئی قربانیوں کی ایک پُرجوش یاد دہانی ہے اور فرض، بہادری اور عزم کے پائیدار جذبے کو تقویت دیتی ہے جو ہندوستانی پولیس برادری کی تعریف پیش کرتی ہے۔

**********

 (ش ح –ا ب ن)

U.No:10662