ہندوستان کی 15 ریاستوں میں 12,000 ہیکٹر سے زیادہ پر محیط 17 لاکھ سے زیادہ پام آئل کے پودے لگائے گئے جس سے 10,000 سے زیادہ کسانوں کو فائدہ ہو رہا ہے جو قومی مشن برائے خوردنی تیل- پام آئل کے تحت منعقد کی گئی میگا پام آئل پلانٹیشن مہم  کے ایک حصے کے طور پر شروع کی گئی ہے۔ 15 جولائی 2024 کو شروع کی گئی اس مہم  نے ملک میں پام آئل کی کاشت کو بڑھانے کے لیے حکومت ہند، ریاستی حکومتوں اور پام آئل پروسیسنگ کمپنیوں کی اجتماعی کوششوں کا مظاہرہ کرتے ہوئے پودے لگا کر ایک اہم سنگ میل حاصل کیا ہے۔

یہ مہم جو کہ 15 ستمبر 2024 تک جاری رہے گی، میں آندھرا پردیش، چھتیس گڑھ، گوا، گجرات، کرناٹک، کیرالہ، اڈیشہ، تمل ناڈو، تلنگانہ، اروناچل پردیش، آسام، منی پور، میزورم، ناگالینڈ، اور تریپورہ سمیت ریاستوں سے پرجوش شرکت دیکھنے کو ملی۔

پتنجلی فوڈ پرائیویٹ لمیٹڈ، گودریج ایگرویٹ اور ایف 3 پام آئل لمیٹڈ جیسی سرکردہ پام آئل پروسیسنگ کمپنیوں کے اشتراک سے ریاستی حکومتوں کے ذریعہ منظم، اس پہل میں متعدد بیداری ورکشاپس، شجرکاری مہمات، اور پروموشنل ایونٹس شامل ہیں۔ ان سرگرمیوں نے کامیابی کے ساتھ بیداری پیدا کی ہے اور کاشتکار برادری کو مشغول کیا ہے، جس کی مزید حمایت اہم معززین اور سیاسی رہنماؤں کی موجودگی سے ہوئی جنہوں نے اس مشن کی اہمیت کو اجاگر کیا۔

اگست 2021 میں حکومت ہند کے ذریعہ شروع کیا گیا، قومی مشن برائے خوردنی تیل - پام آئل (این ایم ای او-او پی) کا مقصد پام آئل کی کاشت کو بڑھانا اور تیل کی ترقی کے لیے ایک ویلیو چین ماحولیاتی نظام قائم کرکے کروڈ پام آئل (سی پی او) قابل عمل قیمت کی حمایت سمیت پام سیکٹر کی پیداوار کو بڑھانا ہے۔ میگا پام آئل پلانٹیشن ڈرائیو خوردنی تیل میں خود انحصاری حاصل کرنے، درآمد پر انحصار کو کم کرنے اور ہندوستانی کسانوں کی آمدنی میں اضافہ کرنے کی اس وسیع حکمت عملی کا ایک اہم جز ہے۔

************

ش ح۔ا  م  ۔ م  ص ۔

 (U: 10660)