মিনিস্ত্রী ওফ লেবর & এমপ্লোইমেন্ত (MoLE)না 2021গী ওগস্ত 26দা eShram পোর্তেল হৌদোকখি। মসি হৌদোকখিবদগী হৌরগা চহি অহুমগী অতেনবা মতমগী মনুংদা eShramনা অনওর্গনাইজ ৱার্কর করোর 30 হেন্না রেজিস্তার তৌরে, মদুনা অনওর্গনাইজ ৱার্করশিংগী মরক্তা মসিবু খোংজেল য়াংনা অমসুং পাক শন্না এদোপ্ত তৌবা অদু খংবা ঙম্লে। এচিবমেন্ত অসিনা সোসিয়েল ইম্পেক্ত অমসুং লৈবাক শিনবা থুংনা অনওর্গনাইজ ৱার্করশিং সপোর্ত তৌনবা সরকারগী ৱাশক অদু উৎলি।

সরকারনা লৈবাক্কী অনওর্গনাইজ ৱার্করশিংগীদমক “ৱান স্তোপ সোলুসন” ওইনা eShram পোর্তেলবু লিংখৎনবা মীৎয়েং থমখি। 2024-25কী বজেতকী ৱারোলদা মসি লাউথোকখি মদুদি “অতোপ্পা পোর্তেলশিংগা লোয়ননা eShram পোর্তেলবু মপুং ফানা পুন্সিনবনা ৱান স্তোপ সোলুসনগুম্বা খুদোংচাবা ফংগনি।” ইনিসিয়েতিব অসিনা eShram পোর্তেলগী খুত্থাংদা অনওর্গনাইজ ৱার্করশিংদা তোঙানবা মন্ত্রালয়শিং/বিভাগশিংনা ইমপ্লিমেন্ত তৌরিবা তোঙান তোঙানবা সোসিয়েল সেক্যুরিতী স্কিমশিং ফংহনবা ঙমহন্নবা পান্দম থম্লি।

‘eShram - ৱান স্তোপ সোলুসন’ প্রোজেক্তকী শরুক ওইনা, মিনিস্ত্রী ওফ লেবর & এমপ্লোইমেন্ত (MoLE)না প্রধান মন্ত্রী জীবন বিমা য়োজনা (PMJJBY), প্রধান মন্ত্রী সুরক্ষা বিমা য়োজনা (PMSBY), আয়ুশ্মান ভারত – প্রধান মন্ত্রী জন অরোগ্যা য়োজনা (AB-PMJAY), প্রধান মন্ত্রী স্ত্রীৎ ভেন্দর্স আত্মনির্ভর নিধি (PM-SVANidhi), মহাত্ম গান্ধী নেস্নেল রুরেল এনপ্লোইমেন্ত গরেন্তী এক্ত (MGNREGA), প্রধান মন্ত্রী অৱাস য়োজনা গ্রামিন (PMAY-G), রেসন কার্দ স্কিম অসিনচিংবা মরুওইবা স্কিমশিং পুন্সিন্নবা থবক তৌরি।

স্কিল ইন্দিয়া দিজিতেল হব (SIDH) অমসুং eShramগী নাকল অনিগী পুন্সিনবসি MoLEগী ৱা-স্তোপ-সোলুসন প্রোজেক্তকী ফোকস এরিয়া অমসুনি অমসুং মশক নাইবা প্রোগ্রেস অমা ওইহল্লি। পুন্সিনবা অসিনা eShram অমসুং SIDH রিজিস্ত্রান্তশিংবু পোর্তেল অমা হেক্তদা অপনবা লৈতনা রেজিস্তার তৌবা অমসুং পোর্তেলশিং অসিনা ওফর তৌরিবা সর্বিসশিং ফাওবা য়ৌহনবদা মতেং ওইগনি।

ৱেলফেয়র স্কিমশিংগী কানবশিং গ্রাসরুত থাক্তা ৱার্কর পুম্নমক্তা শোইদনা য়ৌহন্নবগীদমক অনওর্গনাইজ ৱার্কর পুম্নমক মসিগী মনুং চলহনবা মরু ওই, মদুদা ASHA ৱার্করশিংবু হেল্থ ৱার্করশিং, আঙ্গনৱারী ৱার্করশিং অমদি খুঙ্গংশিং/ গ্রাম পঞ্চায়ৎশিং/ সভাশিং/ পরিশদশিংদা থবক তৌরিবশিং, বিলদিং অমসুং কন্সত্রক্সন প্রোজেক্তশিংদা থবক তৌরিবা MGNREGA ৱার্করশিং অমসুং অতোপ্পা মানবা ৱার্করশিং য়াওরি। পান্দম অসিগীদমক MoLEনা দিপার্তমেন্ত ওফ ফাইনান্সিয়েল সর্বিস (DFS), মিনিস্ত্রী ওফ হাউজিং এন্দ অর্বান এফিয়ার্স (MoHUA), মিনিস্ত্রী ওফ রুরেল দেবেলপমেনম্ত (MoRD), মিনিস্ত্রী ওফ রোদ ত্রান্সপোর্ত & হায়ৱেজ (MoRTH), দিপার্তমেন্ত ওফ ফিসরিজ (DoF), নেস্নেল হেল্থ ওথোরিতী (NHA), স্তেত BOCW বোর্দশিং য়াওনা তোঙান তোঙানবা মন্ত্রালয়শিং/বিভাগশিংগী মকোকথোবা ওফিসরশিংগা লোয়ননা চাং নায়না ইন্তর-মিনিস্ত্রীয়েল মীফমশিং পাংথোকই। অনওর্গনাইজ ৱার্করশিগী মপুংফাবা দেবেলপমেন্তগীদমক মরী লৈনবা মন্ত্রালয়শিং/বিভাগশিংদা মখোয়গী স্কিমশিং eShram পোর্তেলগা পুন্সিন্নবা হায়জৈ।  

লেবর অমসুং এমপ্লোইমেন্ত মন্ত্রালয়না অনওর্গনাইজ ৱার্করশিংবু অথুবা মতমদা eShram পোর্তেলদা রেজিস্তার তৌনবগীদমক মিনিস্ত্রী ওফ পঞ্চায়তী রাজ (MoPR), মিনিস্ত্রী ওফ হেল্থ এন্দ ফেমিলী ৱেলফেয়র (MoHFW), মিনিস্ত্রী ওফ রুরেল দেবেলপমেন্ত (MoRD) অসিনচিংবা তোঙান তোঙানবা মন্ত্রালয়শিংগসু ৱারী শাই।  

*****