ہندوستان کی ٹیکسٹائل انڈسٹری کے 2030 تک 350 بلین امریکی ڈالر تک بڑھنے اور 3.5 کروڑ ملازمتوں کے اضافے کی توقع ہے۔ یہ بات ٹیکسٹائل کے مرکزی وزیر جناب گری راج سنگھ نے آج نئی دہلی میں ‘بھارت ٹیکس 2025’کے نقاب کشائی  تقریب  کے دوران کہی۔ انہوں نے مزید امید ظاہر کی کہ عالمی سطح پر ہندوستان کو اس کے 'بھارت' برانڈ اور سبز پائیدار ٹیکسٹائل مصنوعات سے پہچانا جائے گا۔ ٹیکسٹائل اور امور خارجہ کے مرکزی وزیر مملکت جناب پبیترا مارگریتا، ٹیکسٹائل سکریٹری محترمہ رچنا شاہ اور وزارت کے دیگر سینئر افسران نے بھی اس تقریب میں شرکت کی۔

جناب سنگھ نے زور دے کر کہا کہ ٹیکسٹائل کے لیے مرکزی حکومت کی پی ایل آئی اسکیم ملبوسات کی صنعت کو پیداوار کو بڑھانے اور اپنی برانڈنگ کو فروغ دینے کے قابل بنائے گی۔ وزیر نے یہ بھی کہا کہ پی ایل آئی اسکیم ٹیکسٹائل ویلیو چین کو جوڑنے اور ملک میں ایف ڈی آئی کو راغب کرنے کے قابل بنائے گی۔

جناب  سنگھ نے اس بات پر زور دیا کہ ہندوستانی ڈیموگرافک ڈیویڈنڈ چین سے آگے ہندوستان کی ترقی میں مدد کرے گا اور ریاستی حکومتوں پر زور دیا کہ وہ اس تقریب میں برابر کے شریک ہوں۔ انہوں نے مزید کہا، ‘‘جدت، تعاون، اور میک ان انڈیا کے جذبے کے ساتھ، یہ تقریب عزت مآب وزیر اعظم کے ایف 5  ویژن - فارم ٹو فائبر ٹو فیکٹری ٹو فیشن ٹو فارن، کا ایک مجسمہ ہے ’’ ۔

بھارت ٹیکس 2025 ٹیکسٹائل کی ایک عالمی تقریب ہے جس کا اہتمام ٹیکسٹائل ایکسپورٹ پروموشن کونسلز (ای پی سیز) کے کنسورشیم کے ذریعے کیا جا رہا ہے اور اسے وزارت ٹیکسٹائل کی حمایت حاصل ہے۔ 14 سے 17 فروری 2025 تک منعقد ہونے والا بھارت ٹیکس  2025 عالمی سطح پر ٹیکسٹائل تجارتی میلے اور علمی پلیٹ فارم کے طور پر رکھا گیا ہے۔

یہ تقریب بیک وقت دو جدید ترین مقامات، بھارت منڈپم، نئی دہلی اور انڈیا ایکسپو سینٹر اور مارٹ، گریٹر نوئیڈا میں منعقد کی جائے گی۔ جبکہ مرکزی تقریب 14 سے 17 فروری 2025 تک بھارت منڈپم میں منعقد ہوگی اور اس میں ٹیکسٹائل کی پوری ویلیو چین کا احاطہ کیا جائے گا، دستکاری، گارمنٹس مشینری، نسلی ملبوسات سے متعلق نمائشیں 12 سے 15 فروری 2025 تک انڈیا ایکسپو سینٹر اور مارٹ، گریٹر نوئیڈا میں لگائی جائیں گی۔

بھارت ٹیکس 2025 کا مقصد 2024 میں آخری ایڈیشن کی شاندار کامیابی پر استوار کرنا ہے۔ لچکدار عالمی ویلیو چینز اور ٹیکسٹائل کی پائیداری کے جڑواں موضوعات پر بنایا گیا، اس سال کا شو پہلے ایڈیشن سے بھی زیادہ متحرک اور پرکشش ہونے کا وعدہ کرتا ہے، جو اعلیٰ پالیسی سازوں ، عالمی سی ای اوز، بین الاقوامی نمائش کنندگان اور عالمی خریداروں کو اپنی طرف متوجہ کرتا ہے۔

200,000 مربع میٹر پر محیط اس ایونٹ میں 5,000 سے زیادہ نمائش کنندگان، 110 سے زائد ممالک کے 6,000 بین الاقوامی خریداروں اور 1,20,000 سے زائد زائرین کی اس سال کی تقریب میں شرکت متوقع ہے۔ تقریب میں 100 کے قریب بین الاقوامی مقررین بھی شرکت کرنے جا رہے ہیں۔

بھارت ٹیکس نمائش میں ملبوسات، گھریلو فرنشننگ، فرش کورنگ، ریشے، دھاگے، کپڑے، قالین، سلک، ٹیکسٹائل پر مبنی دستکاری، تکنیکی ٹیکسٹائل اور بہت کچھ پیش کیا جائے گا۔ اس میں ایک ریٹیل ہائی اسٹریٹ بھی ہوگی جو ہندوستان کے فیشن ریٹیل مارکیٹ کے مواقع پر توجہ مرکوز کرے گی۔ اس کے علاوہ دستکاری اور ملبوسات کی مشینری پر نمائشیں، نسلی لباس کی نمائش انڈیا ایکسپو سینٹر اور مارٹ، گریٹر نوئیڈا کے مقام پر منعقد کی جائے گی۔

ٹیکسٹائل اسرافگنزا مختلف سرگرمیاں جیسے عالمی سائز کا تجارتی میلہ اور ایکسپو، عالمی سطح پر ٹیکسٹائل کانفرنس، سیمینارز، سی ای او گول میزیں، اور بی ٹو بی  اور جی ٹوجی  میٹنگز پیش کرے گا۔ اس میں اسٹریٹجک سرمایہ کاری کے اعلانات، مصنوعات کے اجراء، اور عالمی ٹیکسٹائل انڈسٹری کو نئی شکل دینے کے لیے تیار کردہ تعاون بھی پیش کیا جائے گا۔ شرکاء لائیو مظاہروں، ثقافتی تقریبات، اور فیشن پریزنٹیشنز، ڈیزائنر اور برانڈ کی نمائشوں اور پائیداری کی ورکشاپس، اور ماہرانہ گفتگو کا انتظار کر سکتے ہیں۔

بھارت ٹیکس 2025 کے لیے پردہ اٹھانے والی تقریب میں صنعتی انجمنوں، ٹیکسٹائل سیکٹر کے رہنماؤں، اور مختلف وزارتوں کے سینئر عہدیداروں کا ایک معزز اجتماع ہوا۔ بھارت ٹیکس 2024 ایکسپو کے بارے میں مزید معلومات www.bharat-tex.com پر دستیاب ہے۔

************

ش ح۔ا  م  ۔ م  ص ۔

 (U: 10553)