ৱাহৌদোক.

ভারতকী দিজিতেল রিভোলুসন অসিনা দিজিতেল আইদেন্তিতীশিং, সেক্যুর পেমেন্তশিং অমসুং ত্রাঞ্জেক্সনশিং শেমগৎতুনা হৌখিবা চহিশিংদা গভর্নান্স অমসুং সর্বিস দেলিভরীদা চাউনা অহোংবা পুরকখ্রে। মসিগী খুমাং চাউশিনবা অসিনা শেল-থুম, হকশেল, এজুকেসন অমসুং রিতেল য়াওনা তোঙান তোঙানবা সেক্তরশিংদা দিজিতেল ইকোসিস্তেম চাউখৎহন্নবা লম্বী য়াৎলি। মসিনা ভারতপু সিতিজন-সেন্ত্রিক দিজিতেল সোলুসনশিংদা লুচিংবা অমা ওইহল্লি।

লৌউ-শিংউগী সেক্তরদা মান্নবা অহোংবা পুরক্নবা, প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলগী কম্মিতীনা সেপ্তেম্বর 2, 2024দা  লুপা করোর 2,817গী অচৌবা ফাইনান্সিএল আউৎলেগা লোয়ননা 'দিজিতেল এগ্রিকলচর মিসন'দা অয়াবা পীখ্রে। মসিগী মনুংদা কেন্দ্র সরকারগী শরুক লুপা করোর  1,940 য়াওখি।

দিজিতেল এগ্রিকলচর মিসন অসি তোঙান তোঙানবা দিজিতেল এগ্রিকলচর ইনিসিএতিবশিং শৌগৎনবগীদমক্তা অম্ব্রেলা স্কিম অমা ওইনা দিজাইন তৌবনি। মসিগী মনুংদা দিজিতেল পব্লিক ইনফ্রাস্ত্রকচর (DPI) শেম্বা, দিজিতেল জেনরেল ক্রোপ ইস্তিমেসন সর্ভে (DGCES) ইমপ্লিমেন্ত তৌবা, অমসুং কেন্দ্র সরকার, রাজ্য সরকারশিং অমসুং একাদমিক অমসুং রিসর্চ ইন্সতিত্যুসনশিংনা IT ইনসিসিএতিবশিং শৌগৎপা য়াওরি।

স্কিম অসি য়ুম্বী অনিদা য়ুম্ফম ওইরি:

• এগ্রি স্তেক
• কৃশি দিসিজন সপ্পোর্ত সিস্তেম

মসিগী মথক্তা, মিসন অসিদা "সোইল প্রোফাইল মেপ্পিং"সু য়াওরি অমসুং ফার্মর-সেন্দ্রিক দিজিতেল সর্ভিসশিংনা লৌউ-শিংউগী সেক্তরগীদমক মতম চানা অমসুং থাজবা য়াবা ই-পাউ ফংহনবদা মতেং পাংনবা পান্দম থম্লি।

1. এগ্রিস্তেক: কিসান কী পেহচান

এগ্রিস্তেক অসি লৌমীশিংদা সর্বিসশিং অমসুং স্কিম দেলিভরী স্ত্রীমলাইন তৌনবা ফার্মর-সেন্ত্রিক দিজিতেল পব্লিক ইনফ্রাস্ত্রকচর (DPI) ওইনা দিজাইন তৌখি। মসিদা মরু ওইবা মচাক অহুম য়াওরি:

1. লৌমীশিংগী রেজিস্ত্রী

2. জিও-রিফরেন্স ভিলেজ মেপশিং

3. ক্রোপ সোন রেজিস্ত্রী

এগ্রি স্তেক্কী মরুওইবা ফীচর অমা হায়রগদি লৌমীশিংগী থাজবা য়াবা দিজিতেল আইদেন্তিতী অমা ওইনা আধার কার্দকা মান্নবা 'ফার্মর আই.দি.' অমা হৌদোকপা অসিনি।

রাজ্য সরকারশিং/য়ুনিয়ন তেরিতোরীশিংনা শেম্বা অমসুং য়েংশিল্লিবা আই.দি.শিং অসি লৌমীগা মরী লৈনবা দেতা কয়াগা লিঙ্ক তৌগনি। মসিগী মনুংদা লমগী রেকোর্দশিং, শা-শনগী মপু ওইবা, থারিবা মহৈ-মরোংশিং অমসুং কান্নবা লৌখিবা য়াওরি।

এগ্রিস্তেক অসি কেন্দ্র অমসুং রাজ্য সরকারশিংগী মরক্তা পার্তনরশিপকী খুত্থাংদা ইমপ্লিমেন্ত তৌবদা খুমাং চাউশিল্লি। রাজ্য 19না লৌউ-শিংউগী মন্ত্রালয়গা MoU সাইন তৌনখ্রে। ফার্মর আই.দি.শিং শেম্বা অমসুং দিজিতেল ক্রোপ সর্ভে তৌনবা রাজ্য তরুক্তা পাইলোৎ প্রোজেক্তশিং পাংথোকখ্রে।

রাজ্য তরুক অসিদা উত্তর প্রদেশ (ফারুখবাদ), গুজরাত (গান্ধীনগর), মহারাস্ত্র (বিদ), হরিয়ানা (য়মুনা নগর), পঞ্জাব (ফতেগর সাহিব), অমসুং তামিল নাদু (ভিরুধনগর) য়াওরি।

মরু ওইবা পান্দমশিংদা য়াওরিবশিং:

- চহি অহুমগী মনুংদা লৌমী করোর 11গীদমক দিজিতেল আইদেন্তিতীশিং শেমগৎপা (FY 2024-25দা করোর 6, FY 2025-26দা করোর 3 অমসুং FY 2026-27দা করোর 2)।

-চহি অনিগী মনুংদা লৈবাক শিনবা থুংনা দিজিতেল ক্রোপ সর্ভে হৌদোকপা, FY 2024-25 দা জিলা 400 অমসুং FY 2025-26দা জিলা পুম্নমক কোনশিল্লগনি।

2. কৃশি দিসিজন সপ্পোর্ত সিস্তেম

দিসিজন সপ্পোর্ত সিস্তেম (DSS) না মহৈ-মরোংশিং, লৈহাও, ৱেদর অমসুং ঈশিংগী রিসোর্সশিংগী রিমোৎ সেন্সিং দেতাবু পাক-শন্না জিওস্পেসিএল সিস্তেম অমদা পুনশিনগনি।

3. সোইল প্রোফাইল মেপ্পিং

মিসন অসিগী মখাদা চাউরাক্না হেক্তর মিলিয়ন 142গী লৌউ-শিংউগী লমগীদমক 1:10,000 স্কেলদা দিতেল সোইল প্রোফাইল মেপশিং শেম্নবা খন্নখ্রে লোয়ননা হেক্তর মিলিয়ন 29গী সোইল প্রোফাইল ইনভেন্তরী মেপ তৌবগী থবক চত্থরি।

মখা তানা দিজিতেল এগ্রিকলচর মিসনগী মখাদা, দিজিতেল জেনরেল ক্রোপ ইস্তিমেসন সর্ভে (DGCES) অসি লৌউ-শিংউগী পোত্থোক পুথোকপদা এক্যুরেসী হেনগৎহন্নবা মরিক চুম্বা য়িল্দ এস্তিমেৎশিং ফংহন্নবা ক্রোপ-কত্তিং এক্সপরিমেন্তশিংগীদমক শীজিন্নগনি।

মিসন অসিনা লৌউ-শিংউদা হকথেংননা অমসুং নাকোইননা থবক ফংহল্লগনি হায়না পানরি। মসিনা ত্রেন তৌরবা লোকেল নহারোল অমসুং কৃশী সাখী চাউরাক্না 2,50,000 দা খুদোংচাবা পীগনি।

দেতা এনালাইতিক্স, AI  অমসুং রিমোৎ সেন্সিংগুম্বা মোদর্ন তেক্নোলোজীশিং শীজিন্নদুনা মিসন অসিনা সরকারগী স্কিমশিং, মহৈ-মরোংগী লোনশিং অমসুং রিএল-তাইম এদভাইজরীশিং ফংহনবা য়াওনা লৌমীশিংদা সর্ভিস পীবা হেনগৎহনগনি।

মিসনগী মরু ওইবা মচাকশিং

দিজিতেল এগ্রিকলচর মিসন অসিনা লৌমীশিংবু মরুওইবা বেনিফিসরীশিং ওইনা তার্গেৎ তৌদুনা গ্রাসরুৎ ইমপ্লিমেন্তেসন তৌবদা মীৎয়েং থম্লি।

মিসন অসিগী মরুওইবা কান্নবা খরগী মনুংদা মখাগীসি য়াওরি:

1. সর্ভিসশিং অমসুং কান্নবশিং ফংনবগীদমক্তা দিজিতেল ওথেন্তিকেসন তৌবা, পেপরৱার্ক হন্থহনবা অমসুং ফিজিকেল ভিজিৎশিং মথৌ তাবা।

 2. মহৈ-মরোংগী লম অমসুং মহৈ-মরোংগী মতিক চাবা দেতাগী খুত্থাংদা সরকারগী স্কিমশিং, মহৈ-মরোংগী ইন্সুরেন্স, অমসুং লোনগী পথাপশিংদা ইফিসিএন্সী অমসুং ত্রান্সপরেন্সী হেনগৎহনবা।

3. দিজাস্তর রেস্পোন্স অমসুং ইন্সুরেন্স ক্লেম হেন্না ফগৎহন্নবা ক্রোপ মেপ জেনেরেসন অমসুং মোনিতরিং।

4. ভেল্যু চেনশিং ওপ্তিমাইজ তৌনবা দিজিতেল ইনফ্রাস্ত্রকচর শেমগৎপা অমসুং মহৈ-মরোং থৌরাং, হকশেল, পেস্ত মেনেজমেন্ত, অমসুং ইরিগেসনগীদমক্তা মশাগী ওইবা এদভাইজরি সর্ভিসশিং পীবা।

লৌউ-শিংউগী দিজিতেল পব্লিক ইনফ্রাস্ত্রকচর

কেন্দ্রগী শেল-থুম মন্ত্রী নির্মলা সিতারমননা 2024-25 গী কেন্দ্রগী বজেৎতা সরকারনা রাজ্যশিংগা খুৎশম্নদুনা লাক্কদৌরিবা চহি অহুম অসিদা লৌউ-শিংউগীদমক দিজিতেল পব্লিক ইনফ্রাস্ত্রকচর (DPI) ইমপ্লিমেন্ত তৌগনি।

 খারিফকীদমক্তা দিজিতেল ওইবা মহৈ-মরোং য়েংশিনবা চহি অসিদা জিলা 400দা থৌরাং তৌদুনা লৌমীশিং অমসুং মখোয়গী লমশিং অসি মসিগী খোংথাং অসিনা কোনশিনগনি। লৌমী কোতি ৬ অমসুং মখোয়গী লমগী অকুপ্পা মরোলগা লোইননা রেজিস্তরশিং অপদেৎ তৌনবা পান্দম থম্লি।

2023-24গী য়ুনিয়ন বজেৎনা মমাংদা লৌউ-শিংউগীদমক DPI হৌদোকখি। মসিগী পান্দমদি লৌমীশিংগী দেমোগ্রাফিক দেতা, লমগী মশিং অমসুং লৌউ-শিংউগী মহৈ-মরোংশিং য়াওনা মপুং ফাবা দেতা ফংহনবনি। DPIনা রাজ্য অমসুং সেন্ত্রেল দিজিতেল ইনফ্রাস্ত্রকচরশিংগা পুনশিন্নদুনা লৌমী-কেন্দ্রিক ওইবা সর্ভিসশিংগী রেঞ্জ অমা পীগনি। মসিদা শা-শন, ঙা য়োকপা, লৈহাওগী হকশেল অমসুং ফংলিবা কান্নবশিংগী ইনফোর্মেসন য়াওরি।

ৱারোইশিন

কেন্দ্রগী মন্ত্রীমন্দলনা দিজিতেল এগ্রিকলচর মিসনগা লোয়ননা লুপা করোর 14,235.30 গী অপুনবা শেনফমগা লোইননা মরুওইবা স্কিম তরুকসু অয়াবা পীখ্রে।

2047 ফাওবগী মনুংদা ফুদ সেক্যুরিতী অমসুং ক্লাইমেৎ রেসিলিয়েন্স ফংহন্নবা পান্দম থমদুনা ক্রোপ সাইন্সকীদমক লুপা করোর 3,979 অমসুং মহৈরোইশিং অমসুং রিসর্চ তৌরিবশিংদা মতেং পাংনবা এগ্রিকলচরেল এজুকেসন, মেনেজমেন্ত অমসুং সোসিএল সাইন্স মপাঙ্গল কনখৎহন্নবা লুপা করোর 2,291গী খোংথাংশিং অসি য়াওরি। শা-ষশন অমসুং দাইরীদগী ফংবা শেন্থোক হেনগৎহন্নবা সস্তেনেবল লাইভস্তোক হেল্থ এন্দ প্রদক্সনগীদমক লুপা করোর 1,702, অদুগা হোর্তকলচরদগী ফংবা শেন্থোক হেনগৎহন্নবা সস্তেনেবল দিবেলপমেন্ত ওফ হোর্তিকলচরগীদমক লুপা করোর 1129.30 কাইথোকখ্রে। মসিগী মথক্তা, শ্রী মোদীনা শ্রীলঙ্কাগী লৌউ-শিংউগী কেন্দ্রশিং মপাঙ্গল কনখৎহন্নবা লুপা করোর 1,202 অমসুং নেচরেল রিসোর্স মেনেজমেন্তকীদমক লুপা করোর 1,115 থাদগনি।

অসিগুম্বা অপুনবা থৌওংশিং অসিনা দিজিতেল তেক্নোলোজীশিং অসি ভারতকী লৌউ-শিংউগী সেক্তরদা পোত্থোক পুথোকপা, ইফিসিএন্সী অমসুং সস্তেনেবিলিতী হেনগৎহন্নবা শীজিন্নরি। মসিনা লৈবাক অসিগী লৌমী মিলিয়ন কয়াগী পুন্সিদা অহোংবা পুরকপা ঙমগনি। দিজিতেল রিভোলুসন অসি লৌউ-শিংউদা য়ৌহন্দুনা, ভারতনা ইকনোমীগী মরুওইবা সেক্তরশিংগীদমক ইন্নোবেতিব, তেক্নোলোজী-দাইরেন্ত সোলুসনশিংদা মালেমগী লুচিংবা অমা ওইনা মসিগী থাক অসি হেন্না চেৎশিলহন্নবা পান্দম থম্লি।

রিফরেন্সশিং

https://pib.gov.in/PressReleasePage.aspx?PRID=2050966
https://pib.gov.in/PressReleasePage.aspx?PRID=2050900 https://pib.gov.in/PressReleaseIframePage.aspx?PRID=2035586
https://x.com/pib_india/status/1830613517717921886?s=46
https://x.com/mib_india/status/1830569571428061198?s=46

pdf ফাইল মসিদা ফংগনি

*****