وزارت دفاع
بھارتی بحریہ اور جنوبی افریقہ کی بحریہ نے آبدوز بچاؤ کاری میں باہمی تعاون کو فروغ دینے کیلئے تنفیذی معاہدے پر دستخط کیے
Posted On:
04 SEP 2024 5:00PM by PIB Delhi
دو طرفہ بحری تعاون کو فروغ دینے کے لیے ایک اہم سنگ میل طے کرتے ہوئے بھارتی بحریہ اور جنوبی افریقہ کی بحریہ نے ایک تنفیذی معاہدے (آئی اے ) پر دستخط کیے ہیں جو مصیبت یا حادثے کے وقت جنوبی افریقی بحریہ کے آبدوز کے عملے کی حفاظت کو یقینی بناتا ہے۔ اس معاہدے پر بھارتی بحریہ کے سربراہ ایڈمرل دنیش کے ترپاٹھی اور جنوبی افریقی بحریہ کے سربراہ وائس ایڈمرل مونڈے لوبیس نے دستخط کیے۔ تنفیذی معاہدہ سمندری سکیورٹی اور باہمی تعاون کے مشترکہ عزم کی نشاندہی کرتا ہے۔ اس معاہدے کے تحت، بھارتی بحریہ ضرورت پڑنے پر گہرے سمندر میں بچاؤ کاری کرنے والی آبدوز وہیکل (ڈی ایس آر وی) کی تعیناتی کے ذریعے مدد فراہم کرے گی، جس سے دونوں ملکوں کی بحریہ کے درمیان باہمی تعاون کے تعلقات کو مزید مستحکم کیا جا سکے گا ۔ یہ شراکت داری بھارت اور جنوبی افریقہ کے درمیان دیرینہ بحری تعلقات کو تقویت فراہم کرتی ہے۔
GNTG.jpg)
************
ش ح۔ف خ
(U: 10542)
(Release ID: 2051872)
Visitor Counter : 28