লৌউ-শিংউ মন্ত্রালয়
কেন্দ্রগী লৌউ-শিংউ মন্ত্রী, শ্রী শিবরাজ সিং চৌহননা এগ্রিস্যোর ফন্দ লোঞ্চ তৌখ্রে
ভারতকী লৌমীশিংগী মতেং পাংনবা ইনোভেতিব ওইবা বিজনেস মোদেলশিংগীদমক্তা স্তার্তঅপশিং মশক খঙদোকখ্রে: এগ্রিস্যোর গ্রীনাথোনগী ৱিনরশিং খন্নখ্রে
লৌউ-শিংউবনা লৈবাক অসিগী য়াংলেন শরুগুম্না ঙাক্লৌ ওইরিবনি অমসুং লৌমীশিংনা লৈবাক অসিগী হকচাংদা চেল্লিবা ঈগুম্না য়াম্না মরু ওইবা শরুক অমনি: শ্রী চৌহন
ঐখোয়গী ভিজন অসি লৌমী খুদিংমকপু এমপাৱর তৌবনি অমসুং এগ্রিস্যোর ফন্দ লোঞ্চ তৌবা অসিনা লৌউ-শিংউবদা থম্লিবা ঐখোয়গী নিংহন্নবা লৈতবা অচেৎপা ফিরেপ অদুগী খুদম্ননি: শ্রী শিবরাজ সিং চৌহন
সরকারনা লৌমীশিংগী এমপাৱরমেন্ত অমসুং রুরল দদেবেলপমেন্তদা লেপ্লিবা ফিরেপ অদুবু অউক হন্না থাজবা পীরি
Posted On:
03 SEP 2024 7:10PM by PIB Imphal
এগ্রিকলচরগী সেক্তরদা য়াম্না চাউনা অহোংবা পুরক্তুনা, কেন্দ্রগী লৌউ-শিংউ অমসুং লৌমীশিংগী য়াইফ-থৌরাং অমসুং রুরল দেবেলপমেন্তকী মন্ত্রী, শ্রী শিবরাজ সিং চৌহননা ঙসি নই দিল্লীদা এগ্রিস্যোর স্কীম লোঞ্চ তৌখ্রে। এগ্রিস্যোর – এগ্রি ফন্দ ফোর স্তার্তঅপস এন্দ রুরল এন্তরপ্রাইজেস অসি য়াম্না ইনোভেতিব ওইবা ফন্দ অমনি, মসিনা ভারত্তা এগ্রিকলচরগী লৈরিবা শক্তম অদুবু অওনবা পুরকপগী মাইকৈদা অহানবা খোংথাং অমনি। তেক্নোলোজী শিজিন্নবা, রিস্ক ৱাংবা, ইমপেক্ত য়াম্না লৈবা ভেঞ্চরশিংদা অখন্নবা মিৎয়েং থম্বা এগ্রিস্যোর অসি লৌউ-শিংউদা অমসুং রুরল স্তার্তঅপ ইকোসিস্তেমদা শাহৌ পুরক্নবা অমসুং ইনোভেশনবু য়োকখৎনবা শেমখিবনি। সেবি রেজিস্তর তৌরবা কেতেগোরী II, আল্তর্নেতিব ইনভেস্তমেন্ত ফন্দ (AIF)কী লুপা করোর ২৫০গী কেপিতল ফন্দ, ভারত সরকারদগী লুপা করোর ২৫০, NABARDতগী লুপা করোর ২৫০ অমসুং বেঙ্কশিং, ইন্সুরেন্স কমপনীশিং অমসুং প্রাইভেত ইনভেস্তরশিংদগী লুপা করোর ২৫০গী পুনশিল্লবা শেনফম্নি।
লোঞ্চ তৌবগী থৌরম অদুশক্নাইরবা মীথুংলেনশিং, কেন্দ্রগী লৌউ-শিংউ অমসুং লৌমীশিংগী য়াইফ-থৌরাংগী রাজ্য মন্ত্রী, শ্রী ভাগিরথ চৌধরী অমসুং শ্রী রাম নাথ থাকুর অমসুং লৌউ-শিংউ অমসুং লৌমীশিংগী য়াইফ-থৌরাং মন্ত্রালয়গী সেক্রেতরী, দা. সেভেসশ চাতুরবেদীনা শরুক য়াখি। মীতিন অদুদা লৌউ-শিংউ মন্ত্রালয়, শেল-থুম মন্ত্রালয়দগী সেনিয়র ওফিসিয়েলশিং, অচৌবা বেঙ্কশিংদগী মীহুৎশিং, সরকারগী ওফিসিয়েলশিং অমসুং এগ্রিকলচরেল কম্যুনিতীদগী মরু ওইবা স্তেকহোল্দরশিংশু মসিদা শরুক য়াখি।
মহাক্কী কীনোত এদ্রেসতা , শ্রী শিবরাজ সিং চৌহননা নৌনা হৌদোকখিবা অনৌবা থৌরাং অসিগী অহোংবা পুরকপা ঙম্বগী মতিক অদুগী মতাংদা হায়খি। মন্ত্রী অসিনা পনখি মদুদি এগ্রিস্যোর ফন্দ হৌদোকখিবা অসি ভারত্তা লৈরিবা লৌমীশিংনা হিংবা ঙম্নবগীদমক্তা তঙাইফদনা মথৌ তাবা তেক্নোলোজিকেল সপোর্ত ফংহন্নবা সরকারনা মমাংদা হোৎনখিবশিং অদুগী মখা চথবা ওইনা পাইখৎপনি। মহাক্না মখাতানা পনখি মদুদি লৌমীশীংগী নুংঙাই-য়াইফবনা অমসুং শেন্মিৎলোন চাউখৎহল্লগনি, মরমদি লৌমীশিংনা মখোয়গী মরলশিং অদু পোৎ-চৈ লৈবদা শিজিন্নবা হৌরগনি অমসুং লৌউ-শিংউবনা লৈবাক অসিগী য়াংলেন শরুগুম্না ঙাক্লৌ ওইরিবনি অমসুং লৌমীশিংনা লৈবাক অসিগী হকচাং চেল্লিবা ঈগুম্না য়াম্না মরু ওইবা শরুক অমনি।
শ্রী চৌহননা লৌউ-শিংউবগী কম্যুনিতীবু সপোর্ত তৌবদা সরকারনা লেপ্লিবা ফিরেপশিং অদুগী মতাংদা শন্দোক্না হায়খি, মহাক্না হায়খি মদুদি, “ঐখোয়গী ভিজন অসি লৌমী খুদিংমকপু এমপাৱর তৌবনি অমসুং এগ্রিস্যোর ফন্দ লোঞ্চ তৌবা অসিনা লৌউ-শিংউবদা থম্লিবা ঐখোয়গী নিংহন্নবা লৈত্রবা অচেৎপা ফিরেপ অদুগী খুদম্নি। সরকার অসিনা পোত্থোক হেনগৎহন্নবা, লৌমীশিংগীদমক্তা পোত্থোক পুথোকপদা চংবা শেল হন্থহনবা, লৌমীশিংদা কান্নগদবা মমলশিং, মহৈ-মরোং মখল মখল থাহনবা, মহৈ-মরোং লোক্লবা মতুংদা অমাং-অতা থোকপা হন্থহনবা অমসুং ক্রোপ ইন্সুরেন্সকী খুত্থাংদা মহৈ-মরোংদা অমাং-অতা থোকপদগী ঙাক-শেনবীনবগী মাইকৈদা হালেংবা লৈতনা কন্না হোৎনরি।”
থৌরম অদু লৌমীশিংনা এগ্রি-ভেল্যু চেনগী তাঙ্কক কয়া অমদা মায়োক্নরিবা অৱাবশিং, ইনপুত সেলেক্সনদগী হৌরগা মার্কেতিং অমসুং ভেল্যু এদিসনদা থেংনরিবা অৱাবশিং অদুবু কোকহন্নবা তেক-সেন্ত্রিক সোল্যুশনশিং দেবেলপ তৌরিবা খ্বাইদগী হেন্না ইনোভেতিব ওইবা স্তার্তঅপশিংদা এগ্রিস্যোর গ্রীনাথোন এৱার্দশিং পীদ্রঙৈগী মাংওইননা পাংথোকখি। গ্রীনাথোন অসি মুম্বাইদা ২০২৪গী জুলাই ১২দা হৌদোকখি অমসুং মসিগী গ্রান্দ ফিনালেদা ফাইনেলিস্ত ১০গা লোইননা লোঞ্চ তৌদ্রঙৈদা পাংথোকখি। নৌনা ফাওগৎলক্লিবা এগ্রি স্তার্ত-অপ ২০০০গী মনুংদা, প্রোতোতাইপ ৫০০গী মথক্তা স্ক্রীন তৌখি, মদুদা ফাইনেলিস্ত ১০না মখোয়গী আইদিয়াশিং অদু পীখৎলকখি। মকোক থোংবা স্তার্ত-অপ অহুম – গ্রীনসাপিও, ক্রুশিকান্তি অমসুং এম্ব্রোনিক্স- অসিবু ফাইনেলিস্ত ১০গী মনুংদা মথংশিৎনা ৱিন্নর, রন্নর-অপ, অমসুং সেকেন্দ রন্নর-অপ ওইনা খনখি। লুপা লাখ ৬কী প্রাইজ পুলগা লোইননা, গ্রীনাথোন অসিনা অথোই-অহেন অমসুং মতিক চাবশিংবু মনা পীবদা নত্তনা স্তার্ত-অপশিংনা তুংদা খুৎশম্নদুনা থবক তৌমিন্ননবগীদমক্তা স্তেকহোল্দরশিংগী চাউরবা নেতৱার্ক্তা মখোয়গী আইদিয়াশিং অদুবু উৎনবগী প্লেৎফোর্ম অমা পী।
থৌরম অদুদা, শ্রী দেভেশ চতুরবেদিনা লৌমীশিংগী অৱাবশিং অদুবু কোকহন্নবা লৌউ-শিংউদা স্তার্ত-অপশিংগী য়াম্না তঙাইফদবা অদুগী মতাংদা য়াম্না মরু ওইনা পনখি।
থৌরম অদু স্তেকহোল্দর কয়া অমা, রাজ্য সরকারশিংদগী মীহুৎশিং, বেঙ্কশিং, ইনভেস্তমেন্ত কম্যুনিতী অমসুং স্তার্ত-অপশিং য়াওনা ময়াম্না পুন্দুনা এগ্রিস্যোরগী লোঞ্চ তৌবগী থৌরমদা শরুক য়ানবা অমত্তা ওইনা পুনখি, স্তার্ত-অপশিংগীদমক্তা ময়াম পুনশিল্লবা কেপিতল ফন্দ অমসুং রুরল এন্তরপ্রাইজশিং, হায়রিবা অসিমক ভারতকী লৌউ-শিংউগী স্তার্ত-অপ ইকোসিস্তেমদা অসিগুম্বা প্রোদক্ত অমত্তা ঙাইরবা মখল অমনি।
এগ্রিস্যোর ফন্দ হৌদোক্লদুনা সরকারনা এক্সেসিবল ওইবা অমসুং এফোর্দেবল ওইবা ইনোভেতিব সোল্যুশনশিংবু হেনগৎহন্দুনা লৌমীসিংবু এমপাৱর তৌগদবা অমসুং খুঙ্গংগী ইকোনোমীবু ইনোৎ হাপকদবা এগ্রিকলচর সেক্তরদা ইভেস্তমেন্ত তৌবা হেনগৎহন্নবগী পান্দম থম্লি।
*****
(Release ID: 2051568)
Visitor Counter : 3