লৌউ-শিংউ অমসুং লৌমীশিংগী য়াইফ-থৌরাং মন্ত্রালয়না নই দিল্লীগী কৃষী ভাৱন্দা ঙসি ভেজিতেবল ক্লস্তরশিংগী মতাংদা অকন্নবা মিৎয়েং থমদুনা ওর্তিকলচর ক্লস্তরশিং অমসুং ভেল্যু চেন দেবেলপমেন্তকী মতাংদা স্তেকহোল্দর কন্সলতেশন অমা মাইপাক্না পাংথোকখ্রে। থৌরম অদুনা ভারত্তা লৌউ-শিংউগী তুংলমচৎকী মতাংদা খন্ন-নৈননবা লৌমীশিংগী কাংলুপশিং, সরকারগী এজেন্সীশিং, মন্ত্রালয়শিং, স্তার্ত-অপশিং অমসুং প্রাইভেত সেক্তর প্লেয়রশিং য়াওনা তোঙান-তোঙানবা স্তেকহোল্দরশিংবু পুন্না শরুক য়ামিন্নখি।

কেন্দ্রগী লৌউ-শিংউ অমসুং লৌমীশিংগী য়াইফ-থৌরাংগী মন্ত্রী, শ্রী রাম্নাথ থাকুরনা FPOশিংগী খুত্থাংদা স্মোলহোল্দর ফার্মরশিংবু সপোর্ত তৌবা  অমসুং তঙাইফদনা মথৌ তাবা ইনফ্রাস্ত্রকচর অমসুং মার্কেত এক্সেস পীবা ক্লস্তরশিং শেম্বগী মরু ওইবা অদুগী মতাংদা য়াম্না মরু ওইনা পনখি, মসিনা লোং-তর্ম সস্তেনেবিলিতী অমসুং গ্রাসরুতশিংদা ইমপেক্ত লৈহনগনি। মহাক্না পোস্ত-হারভেস্ততা থোকপা অমাং-অতা অমসুং তোঙান-তোঙানবা সিজনশিংদা মমলগী অৱাং-অনেম লৈবা অদু হন্থহন্নবা স্তোরেজ ইনফ্রাস্ত্রকচর হেনগৎপগি তঙাইফদবা অদুগী মতাংদা য়াম্না মরু ওইনা পনখি। লৈবাক অসিগী তোঙান-তোঙানবা মফমশিংদা চপ মান্নবা পোৎকী তোঙান-তোঙানবা মমল থেংনৈ, মসি সেক্তর অসিনা ময়োক্নরিবা য়াম্না অচৌবা অৱাবা অমনি। মহাক্না লৈবাক শিন-থুংনা অঙাংশিংদা থেংনরিবা মালন্যুত্রিশনগী অৱাবা অদুবু মায়োক্নবা ঙম্নবা ‘নো চাইল্দ ৱিতাউত এক্সেস তু ফ্রুতস এন্দ ভেজিতেবলস’ হায়বা অসিদা সেক্তর অসিনা মিৎয়েং থমগদবনি হায়রদুনা ৱারোইশিন তাখি।

লৌউ-শিংউ অমসুং লৌমীশিংগী য়াইফ-থৌরাং মন্ত্রালয়গী সেক্রেতরী, শ্রী দেভেশ চতুর্বেদিনা ক্লস্তর দেবেলপমেন্ত প্রোগ্রাম (CDP)গী হোলিস্তিক এপগরোচকী মতাংদা মরুওইবা ৱাফম থমখি। মহাক্না ভেল্যু চেন দেবেলপমেন্ততা স্তেকহোল্দর প্লেয়রশিংবু শরুক য়াহন্নবা পোস্ত-হারভেস্ত মেনেজমেন্তকীদমক্তা ইন্সেন্তিবতা য়ুমফম ওইবা পোলিসী অমগীদমক্তা তঙাইফদবা অদুগী মতাংদা মরু ওইবা মিৎয়েং থমখি। মহাক্না পনখি মদুদি CDP অসি হোর্তিকলচরগী পোত্থোক হেনগৎহনবা খক্তা নত্তনা ভেল্যু চেন পুম্নমকপু ইন্তিগ্রেত তৌবা হায়বদি প্রি-প্রোদক্সনদগীনা মার্কেতিং ফাওবা ইন্তিগ্রেত তৌবনি, মসিনা মালেমগী থাক্তা কমপেতিতিব ওইবা হেনগৎহনবা অমসুং রিজনশিংদা স্কেলেবিলিতী লৈহনগনি। মহাক্না প্রোদ্যসরশিংবু অর্বান মার্কেতশিংগা লিঙ্ক তৌবা অমসুং সেক্তরদুদা লৈরিবা দেবেলপমেন্ত পুম্নক্কী সেন্তরদা থমগদবনি হায়না য়াম্না মরু ওইনা হায়খি। হৌজিক ফাওবদা খুমাং চাউশিনখিবশিং অদুদা ফুদ প্রোসেশিং মন্ত্রালয়না হাপখিবা ইনোৎ অদুনা য়াম্না চাউবা থৌদাং লৌখি অমসুং মখাতানা শাহৌ পুরক্নবগীদমক্তা রাজ্য সরকারশিংনা মতেং পাংগদবনি।

লৌউ-শিংউ অমসুং লৌমীশিংগী য়াইফ-থৌরাং মন্ত্রালয়গী জোইন্ত সেক্রেতরী, শ্রী সম্যুএল প্রবীন কুমারনা ক্লস্তরাইজেশন অমসুং প্রোদক্সন হেনগৎহন্নবা মসিগী তঙাইফদবা, পোত্থোকশিং অদুবু কঞ্জুমরশিংদা ফংহনবা, অমসুং লৌমীশিং অমসুং মখোয়গী ইনকমশিং অদুবু হেন্না ফগৎহনবগী মতাংদা ঙাংখি। মহাক্না পেকেজ নিংথিনা তৌবা অমসুং পোত্থোক হেনগৎহনবা, ভেল্যু চেনশিং দেবেলপ তৌনবা ইনফ্রাস্ত্রকচর সেমগৎপা, অমসুং দোমেস্তিক অমসুং ইন্তর্নেস্নেল দিমান্দগীদমক্তা লোজিস্তিক্সকী নেতৱার্ককী মতাংদা থবক তৌবা হায়রিবা মাইকৈ অহুম অসিদা মিৎয়েং থম্নবা হায়খি। মহাক্না ভেল্যু এদিশন, ত্রান্সপোর্তেশন অমসুং পোত্থোক্কী স্তোরেজকীদমক্তা ইনফ্রাস্ত্রকচর মতিক চানা লৈতবা অদুগী মতাংদা পনখি।

অহোবগী সেসন অদুগী মতুংদা, কন্সলতেশন অদুদা ওর্তিকলচর ক্লস্তরশিং অমসুং ভেল্যু চেন দেবেলপমেন্তকী মরু ওইবা মচংশিংগী মতাংদা থিমেতিক সেসনশিং য়াওখি। অহানবা সেসন, “স্ত্রেতেজিক, ক্লস্তর দেবেলপমেন্ত এন্দ প্রোদক্সন ওপ্তিমাইজেশন,” মফমগী লৈবাক লৈহাও, ঈশিং-নুংশিৎ অমসুং অইং-অশা অমসুং মার্কেত নকপা অদুদা য়ুমফম ওইরগা ক্লস্তর লোকেশনশিং খনবা, অমসুং  FPOশিং, কোওপরেতিবশিং, অমসুং এগ্রি-তেক স্তার্তঅপশিংনা লৌরিবা থৌদাংশিং অদুগী মতাংদা খন্নখি। স্পীকরশিং খুদম ওইনা পদ্ম শ্রী ভারত ভুশন ত্যাগি অমসুং ITC অমসুং সাহয়াদ্রি ফার্মগী মীহুৎশিংনা কেপাসিতী বিল্দিং অমসুং এদভান্স ওইরবা প্রোদক্সন তেক্নিংকশিংগী মরু ওইবা অদুগী মতাংদা পনখি। মখোয়না ব্লোক্কী থাক্তা FPOগুম্বা কম্যুনিতী ইনস্তিত্যুশনশিং অসিবু সপোর্ত তৌবগী তঙাইফদবা অমসুং ইনফোর্ম তৌরবা দিসিজনশিং লৌবা ঙম্নবা হাই-তেক নর্সরীশিং, এদভান্স নোলেজ সিস্তেমশিং অমসুং মার্কেত ইকোসিস্তেমগুম্বা বাকৱার্দ অমসুং ফোর্ৱার্দ লিঙ্কেজশিংদা লিঙ্ক তৌহনবগী মতাংদা মরুওইবা থমখি। সস্তেনেবল ক্লস্তরশিং শেমগৎনবগী মরুওইবা মচাক অমা ওইনা লৌমীশিংগী থাজবা হেনগৎহন্নবগী মতাংদা খন্নখি। 

অনিশুবা সেসন, “ইনফ্রাস্ত্রকচর এন্দ ইনভেস্তমেন্ত ফোর স্ত্রেন্থনিং ভেল্যু চেন” হায়রিবা অসিনা পব্লিক-পরআইভেত কম্যুনিতী পার্তনরশিপশিং (PPCPশিং) অমসুং ভাম এগ্রো ফার্মর প্রোদ্যুসর কমপনী লিমিতেদ, মোন্দেলজ, ন্যুত্রি ফ্রেস অমসুং দিহাতগুম্বা ওর্গনাইজেশনশিং অসিনা শিজিন্নবা মতম অসিগী অনৌবাকল্তিভেশন মেথদশিং অদুগী মতাংদা খন্নবগা লোইননা তঙাইফদনা মথৌ তাবা ইনফ্রাস্ত্রকচরগী মথৌ তাবা অদুবু য়েংশিনখি। ভেল্যু চেন পুম্নমক্তা হায়বদি ফার্মদগী মার্কেত ফাওবদামহৈ-মরোংশিংই অমং-অতা থোকপা হেন্থহন্নবা পোস্ত-হার্ভেস্ত ইনফ্রাস্ত্রকচরগী হব-েএন্দ-স্পোক মোদেল অমগী তঙাইফদবা অদুগী মতাংদা খন্নখি। পোস্ত-হার্ভেস্ততা থোকপা অমাং অতা অমসুং মনা-মশিংগী মমলদা পন্থাগী ওইনা অনেম-অৱাং নাইবা অদু হন্থহন্নবা খুদক্কী ওইবা তঙাইফদবা অদুবু কোকহন্নবা স্তোরেজ, পোলীহাউসশিং অমসুং প্রাইমরী প্রোসেসিং ইনফ্রাস্ত্রকচর হায়বশিং অসিদা খন্ন-নৈনবা অদুগী মরুোইবা মিৎয়েং থমখি। 

অরোইবা সেসন, “মার্কেত এক্সেস এন্দ প্রাইস ভোলাতিলিতি ইন এগ্রিকলরেল মার্কেতস,”  অসিদা  কন্ত্রেক্ত ফার্মিং, লৌমীশিং নোলেজ এক্সেস লৈহনবা, অমসুং স্মোলহোল্দর ফার্মরশিংদা সপোর্ত তৌনবা ই-মার্কেতপ্লেসশিংগী মতাংদা মিৎয়েং থমদুনা পেপসিকো, ক্রিমিকা, নিঞ্জাকার্ত, অমসুং আনিভৱ ফারমর্স ক্লবতগী ইনপুৎশিংগা লোইননা ক্লস্তরশিংবু মার্কেতকা শম্নহনবা অমসুং প্রাইস ভোলাতিলিতী মেনেজ তৌবা হায়বসিগী মতাংদা খন্নখি। পোৎ-চৈগী মমলদা খেৎনবা লৈহনদনবা লৈবাক শিন-থুংনা পোত্থোকশিং অদুবু য়েন্থোকপা ঙম্নবা অখন্নবা ফ্রৈত কোরিদোর অমা শেম্বা। পন্দমগী মতুং ইন্না ক্লস্তরশিং অদুবু খাইদোকপা খুদম ওইনা ওর্গানিক ক্লস্তরশিং, প্রোসেসিং ক্লস্তরশিং, ফ্রেস প্রোদ্যুস ক্লস্তরশিং, মসিনা মরু অমসুং ইনপুত সেলেক্সন নিংথিনা তৌবদা মতেং পাংগনি লোইন-লোইননা তার্গেত তৌরিবা মার্কেত অদুবুশু খনবদা মতেং পাংগনি।

সেসনশিং অদুদা হোর্তিকলচর ক্লস্তরশিং অমসুং তুংগী লম্বি হায়রিবশিং অসিগী মতাংদা করম্না য়েংশিনগননি হায়বসিগী মতাংদা পেনেলিস্ত পুম্নমক্না মশা-মশাগী ওইবা ৱাখল্লোনশিং অদুবু শিয়র তৌরদুনা হোলিস্তিক ওইবা দিসকসন অমা পাংথোক্তুনা লোইশিনখি। খন্ন-নৈনবা অদুদা হোর্তিকলচর সেক্তরগী মতিক অদুবু মপুং ফানা উৎথোকপা ঙম্নবা ইনফ্রাস্ত্রকচর শেমগৎপা, তেক্নোলোজী শিজিন্নবা অমসুং মার্কেতকা শম্নবা হায়রিবা অসিবু পুনশিন্নবা ইন্তিগ্রেতেদ এপ্রোচকীদমক্তা তঙাইফদবা লৈবা অদুগী মতাংদা য়াম্না মরু ওইনা পনখি। পোলিসীশিং অমসুং স্কীমশিংবু ইনক্লুসিব অমসুং ইফেক্তিব ওইহন্নবগীদমক্তা লেপ্তনা লৌমীশিংগী কেপাসিতী হেনগৎহনবা অমসুং স্তেকহোল্দরশিংগী কন্সলতেশন তোইনা পাংথোকপা হায়রিবশিং অসি য়াম্না মরু ওই হায়না পনখি।

অরোইবা সেসনদা, ফুদ প্রোসেসিং ইন্দস্ত্রীজ মন্ত্রালয়গী সেক্রেতরী, শ্রীমতি অনিতা প্রবীননা ইরেদিয়েশন য়ুনিৎ ৫০গী হন্দক্তা থাদোকখিবা এক্সপ্রেসন ওফ ইন্তরেস্ত (EoI)কী মতাংদা পনখি, মসিনা ফ্রেস প্রোদ্যুসশিংগী শেল্ফ-লাইফ হেনগৎহনবদা য়াম্না মরু ওইবা থৌদাং লৌগদবা ওইবনা কন্সলতেশনদা খন্ন-নৈনবা হিরমশিং অদুদা মতেং পাংগনি।

সেসন অদু ফুদ প্রোসেসিং ইন্দস্ত্রীজ মন্ত্রালয়গী এদিস্নেল সেক্রেতরী, শ্রী মিনহাজ আলমনা শম্লপনা হায়রকখি, মহাক্না হোর্তিকলচর ক্লস্তরশিংগী শাহৌদা মতেং পাংনবা পব্লিক-প্রাইভেত পার্তনরশিপ তৌবা অমসুং মোদর্ন তেক্নোলোজীশিং শিজিন্নবগী তঙাইফদবা অদুগী মতাংদা পনখি। লৈবাক শিন-থুংনা হোর্তিকলচর ক্লস্তরশিংগী দেবেলপমেন্ত মাইপাক্না পাংথোক্নবগীদমক্তা মল্তি-স্তেকহোল্দর কোলাবোরেশন তৌবা হায়বসি য়াম্না মরু ওই হায়না মহাক্না হায়খি।

লৌউ-শিংউ অমসুং লৌমীশিংগী য়াইফ-থৌরাং মন্ত্রালয়গী এদিস্নেল সেক্রেতরী, শ্রীমতি মনিন্দর কোর দ্বিবেদিনা পনখি মদুদি ভারতনা প্রোদক্সনদা মকোক থোংবা ওইরবশু হৌজিক্তি হোর্তিকলচর প্রোসেসিংদা মকোক থোংবা হায়বসি তঙাইফদে। ক্লস্তরবু মথংগী থাক্তা পুখৎনবগীদমক্তা প্রোদক্সন লৈরিবা মফম অদুদা ইনফ্রাস্ত্রকচর দেবেলপমেন্ত তৌবা মথৌ তাই। ফ্রেস প্রোদ্যুসকী স্তেবিলিতী অমসুং পেরিসেবিলিতীগী মতাংদা অখন্নবা মিৎয়েং থম্বা স্তএতেজীশিং দেবেলপ তৌবা হায়বসিনা হোর্তিকলচরগী ভেল্যু চেন দেবেলপমেন্ততা য়াম্না মরু ওইগদৌরিবনি।

স্তেকহোল্দর কন্সলতেশন অসিনা ভারত্তা লৌউ-শিংউগী তুংলমচতকী মতাংদা ৱাহন্থোক লৈনা খন্ন-নৈনবগী প্লেতফোর্ম অমা পীরি। হোর্তিকলচর ক্লস্তরশিং অমসুং ভেল্যু চেন দেবেলপমেন্ততা মরু ওইবা থম্বা অসিনা লৌউ-শিংউগী লৈরিবা শক্তমদা অহোংবা পুরক্নবা সরকারনা লৌরিবা ফিরেপ অদুবু ময়েক শেংনা উৎলি, মসিনা ভারতপু মালেম অসিগী হোর্তিকলচর প্রোদক্সনদা লুচিংবা অমা ওইহনবদা নত্তনা লৌমীশিংগী য়াইফবা হেনগৎহল্লি অমসুং খুঙ্গংগী ইকোনোমীবু হেন্না হেনগৎহল্লগনি। মরু ওইবা স্পীকরশিংনা পনখিবা অদুগুম্না, হোর্তিকলচর ক্লস্তরশিং চাউখৎহনবা হায়বা অসি সেক্তর অসিদা তুং-কোইনা শাহৌ পুরক্নবগীদমক্তা তঙাইফদ্রবা খোংথাংনি।

লৌউ-শিংউ অমসুং লৌমীশিংগী য়াইফ-থৌরাং মন্ত্রালয়না লৌউ-শিংউ অমসুং হোর্তিকলচর সেক্তরশিংদা লৈরিবা স্তেকহোল্দর পুম্নক্তা পুক্নিং থৌগৎকদবা পোলিসীশিং অমসুং স্কীমশিং দেবেলপ তৌনবা অসিগুম্বা স্তেকহোল্দর কন্সলতেশনশিং অসিবু য়াম্না তোইনা পাংথোক্নবা খোংফম চেৎনা লেপ্লি।

*****