কম্মর্স অমসুং ইন্দস্ত্রী মন্ত্রালয়গী মখাদা এগ্রিকলচরেল এন্দ প্রোসেস ফুদ প্রদক্তস এক্সপোর্ত দিভেলপমেন্ত ওথোরিতী (APEDA) না IRRI সাউথ এসিয়া রিজনেল সেন্তর (ISARC)গা খুৎশম্নরগা ওগস্ত ২৯, ২০২৪দা নই দিল্লীদা “প্রোফাইলিং ওফ পোতেন্সিএল ভেরাইতিজ ওফ নন-বাসমতী রাইস এন্দ ভেল্যু-এদেদ প্রদক্স ওফ রাইস” হায়ববা হীরমদা ৱর্কসোপ অমা পাঙথোকখ্রে‍।

ৱর্কসোপ অদুদা, তোঙান তোঙানবা ভারতকী স্তেতশিংদগী জিওগ্রাফিকেল ইন্দিকেসন (GI) তেগ য়াওবা জর্মপ্লাজমগা লোয়ননা অৱাংবা থাক্কী মনম নুংশিবা, মচি ওইবা মচল মরাঙ কায়না য়াওবা গ্লাইসেমিক ইন্দেক্স (GI) নেম্না য়াওবা চেঙ মখলশিং মশক খঙদোকপদা মীৎয়েঙ থম্বা “কম্প্রিহেন্সিব গ্রেন এন্দ ন্যুত্রস্নেল ক্বালিতী প্রোফাইলিং ওফ নন-বাসমতী রাইস”; অমসুং মচি ওইবা মচল মরাঙ কায়না য়াওবা রাইস মুএস্লি, হোল গ্রেন রাইস কুকিজ পোপ রাইস, রাইস ফ্লেক্স, অমসুং ইন্সতেন্ত উপমানচিংবা ইনোভেতিব ওইবা, হেন্না শাফগদবা চেঙদা য়ুম্ফম ওইবা পোত্থোকশিংদা মীৎয়েঙ থম্লিবা প্রোজেক্ত “ভেল্যু-এদেদ প্রদক্তস ফ্রোম রাইস এন্দ রাইস-বেজ ফুদ সিস্তেম” হায়রিবা মাঙজিল থাবা প্রোজেক্ত অনিসিগী মহৈশিং উৎখি‍।

APEDA না প্রোজেক্তশিং অসি বরানসীদা লৈবা IRRI গী সাউথ এসিয়া রিজনেল সেন্তরদা লৈবা স্তেত-ওফ-দি-আর্ত সেন্তর ওফ এক্সেলেন্স ইন রাইস ভেল্যু এদিসন লেবতা পায়খৎখিবনি‍। থৌরম অদুদা, IRRI না ভারত শিন্বা থুংনা লৈরিবা মতিং লৈবা বাসমতী নত্তবা চেঙগী প্রোফাইলিং পুথোকখি অমসুং মালেমগী কৈথেলদা পুথোকপা য়াগদবা ভেল্যু-এদেদ পোত্থোকশিং উৎখি‍।

দিপার্তমেন্ত ওফ কম্মর্সকী এদিস্নেল দাইরেক্তর, শ্রী রাজেস অগ্রৱালনা মহাক্কী ৱাহৌদোক্তা বাসমতী নত্তবা মতিং লৈবা চেঙ মখলদা মীৎয়েঙ থম্বা রিছর্চ অসি পুন্না পায়খৎমিন্নরকপগীদমক APEDA অমসুং IRRI অনিবু থাগৎখি‍। পুন্না পায়খৎমিন্নবা থৌরাং অসিদা অচৌবা মতিং লৈ অমসুং মশক খঙদোক্লবা বাসমতী নত্তবা চেঙ মখলশিং অসি মপান্দা থাদোকপগী শিংথানিংঙাই ওইবা মতিং চেন্বতা নত্তনা গ্লাইসেমিক ইন্দেক্স চাং নেম্না য়াওবনচিংবা হকচাঙদা কান্নগদবা মচলশিং য়াওই অমসুং অইং-অশাগী খল হোংলকপদা হিংবা ঙম্মি‍ হায়বা ৱাফম মহাক্না থমখি‍। মহাক্না মখা তানা মপান্দা থাদোকপগী মতিং লোকশিন্নবা অমসুং মার্কেতেবিলিতী হেনগৎহন্নবগীদমক হায়রিবা বাসমতী নত্তবা চেঙ মখলশিং অসিদা ভেল্যু এদিসন অমসুং ব্রান্দিং তৌনবা পুক্নিং চিংশিনখি‍।

APEDA গী চেয়রমেন, শ্রী অভিসেক দেবনা ভারতকী চেঙগী ইন্দস্ত্রীগী মরুওইবা, ভেল্যু এদিসন তৌবা, অমসুং সস্তেনেবিলিতী অমসুং মালেমগী হিদান্নবগী চাং হেনগৎহন্নবা থিজিন হুমজিনবগী মথৌ তাবা ৱাফমশিং থমখি‍। চেঙ মপান্দা থাদোকপা হেনগৎহন্নবা অমসুং ভেল্যু চেন্দা লৈরিবা স্তেকহোল্দর পুম্নমক্তা হেন্না কান্নহন্নবা পুন্না হোৎনমিন্নবগী মথৌ তাবা ৱাফমশিংসু মহাক্না ফোঙদোকখি‍। মহাক্না মখা তানা চেঙ অমসুং চেঙদা য়ুম্ফম ওইবা পোত্থোকশিং মপান্দা থাদোকপগী চাং হেনগৎহন্নবা লাল্লোংশিং য়াত্থোক্নবগী অহৌবগী মফম অমা থম্নবা ৱাফমসু ফোঙদোকখি‍। মসিগী মথক্তা, মহাক্কী ৱারোলদা APEDA চেয়রমেন্না ISARCনা হোৎনরিববু থাগৎলদুনা হায়খি, “প্রোজেক্তশিং অসিনা হেন্না শাফবা ফুদ চেন ওপসনগী হেনগৎলক্লিবা দিমান্দগী পাউখুম পীবতা নত্তনা লমদমসিগী ওইবা চেঙ মখলশিং ভেল্যু-এদেদ পোত্থোকশিং শেম্নবগীদমকসু শীজিন্নহনগনি‍‍।"

APEDA গী মায় পাক্লবা থৌরাংশিংদা য়ুম্ফম ওইরগা, ইন্দস্ত্রিএল স্তেকহোল্দরশিংনা মার্কেতিংগী লমদা পান্দম থম্বগা লোয়ননা স্তেকহোল্দরশিংগা নীংথিনা খুৎশম্ননা চৎমিন্নবনা লমদমসিগী অমসুং মালেমগী কৈথেলশিংদা য়ৌশিন্নবা মরুওইবা ৱাফম ওইগনি, অমদি মসিনা প্রিমিয়ম ইকনমী পুরক্কনি অমসুং বাস্মতী নত্তবা কাঙলুপকী মখাদা মপান্দা থাদোকপগী মতিং হেনগৎহনগনি‍।

APEDA গী চৈঙাক্না প্রোজেক্তশিং অসিনা মায় পাকহন্বদা শিংথানিংঙাই ওইনা থৌদাং য়াদুনা, ISARC বু খুমাঙ চাওশিন্বা ঙমহন্দুনা ভারতকী চেঙগী ইন্দস্ত্রীগী তুংলমচৎ লেপকনি‍। GI নেম্না য়াওবা অমসুং মচি ওইবা মচল মরাঙ কায়না য়াওবা মখলশিং শেমগৎনবা পুন্না হোৎনমিন্নরিবা অসিনা ভারতকী মপান্দা থাদোকপগী মতিং হেনগৎহল্লগনি অমসুং লৌউ-শিংউ অ্রমসুং ফুদ প্রোসেসিং সেক্তরদা শেন্মিৎলোন নীংথিনা ফগৎহল্লগনি‍।

***