ভারত সরকারনা গিগ অমসুং প্লেৎফোর্ম ৱার্করশিংদা সোসিএল সেক্যুরিতীগী খুদোংচাবশিং ফংহন্নবা লেপ্লি হায়না কেন্দ্রগী লেবর অমসুং ইমপ্লোইমেন্ত মন্ত্রী দা. মন্সুখ মান্দবিয়ানা ঙসি নৈ দিল্লীদা পাঙথোকপা হন্না য়েংশিনবগী মীফম অমদা তাঙবল লৌরদুনা লাউথোকখ্রে।

গিগ অমসুং প্লেৎফোর্ম ৱার্করশিংগী য়াইফনবা পান্দমদা লৌখৎপা অচৌবা খোংথাং অমা ওইনা দা. মান্দবিয়ানা ফোংদোকখি মদুদি লৈঙাক অসিনা ৱার্করশিংবু সোসিএল সেক্যুরিতীগী মখাদা কোনশিন্নবা তোঙান-তোঙানবা এভিন্যুশিং থিনবা কন্না হোৎনরি। "ঐখোয়গী লৈঙাক অসিনা গিগ অমসুং প্লেৎফোর্ম ৱার্করশিংগী নুংঙাই য়াইফনবগীদমক লেপ্লি, মখোয়না ঐখোয়গী ৱার্কফোর্সকী মরুওইবা মফম অমা কল্লি," হায়না মন্ত্রীনা হায়খি।

ঐখোয়না মখোয়না পাম্লিবা সোসিএল সেক্যুরিতী পীনবা মপুং ওইনা থৌরাং অমা পায়খৎলি হায়না মহাক্না ফোংদোকখি।

ঈ শ্রম পোর্তেলদা মিং চনবা

সোসিএল সেক্যুরিতীগী খোংথাংশিং ফংহন্নবগীদমক দা. মান্দবিয়ানা ফোংদোকখি মদুদি ৱার্করশিং অসিগী মিং চনবগী থবক অসি ঈশ্রম পোর্তেলদা পায়খৎকনি।

মহাক্না ফোংদোকখি মদুদি গিগ অমসুং প্লেৎফোর্ম ৱার্করশিংবু থবক পীরিবা কম্পেনীশিং ওইরিবা এগ্রেগেতরশিংদা মখোয়গী ৱার্করশিংবু পোর্তেল অসিদা মিং চনবগী থবক পায়খৎহন্নবা খঙহনগনি। "এগ্রেগেতরশিং অসিনা লায়না অমসুং নুংঙাইনা মিং চন্নবগী থবক পায়খৎনবা ওনলাইন ৱিন্দো অমা হাংদোক্লগনি," হায়না দা. মান্দবিয়ানা হায়খি।

সোসিএল সেক্যুরিতীগী কোদকী মখাদা ইহান হানবা ওইনা শকখঙবা

কেন্দ্রগী মন্ত্রীনা মসিমসু ফোংদোকখি মদুদি সোসিএল সেক্যুরিতী কোদ অসিনা ইহান হানবা ওইনা গিগ অমসুং প্লেৎফোর্ম ৱার্করশিং অসি ভারত্তা শকখঙলে হায়বনি। "মসিনা ঐখোয়গী শেন্মিৎলোনদা গিগ অমসুং প্লেৎফোর্ম ৱার্করশিং অসিগী থৌদাংশিং শকখঙনবা অমসুং ফোর্মেলাইজ তৌনবা মশক থোকপা খোঙথাং অমনি," হায়না মহাক্না ফোংদোকখি।

ইনক্লুসিব গ্রোথকী ফিরেপ

লৈঙাক্না গিগ অমসুং প্লেৎফোর্ম ৱার্করশিং য়াওনা ৱার্কফোর্সকী সেক্সন খুদিংমক্তা মপুং ওইবা চাউখৎপা অমসুং শক্তি পীনবগী ফিরেপ দা. মান্দবিয়ানা হন্না ফোঙদোকখি। "ঐখোয়না ভারত্তা লৈরিবা শিন্মী খুদিংমকপু মখোয়গী থবক্কী থাক খাইদনা সোসিএল সেক্যুরিতী ফংহন্নবগী অধিকার পীনবা লেপ্লি," হায়না মহাক্না হন্না ফোংদোকখি।

লেবর অমসুং ইমপ্লোইমেন্ত মন্ত্রালয়না গিগ অমসুং প্লেৎফোর্ম ৱার্করশিংবু ঙাকপী শেনবীনবা অমসুং হৌগৎলক্লিবা থবক্কী মওং অসিদা চুশিন্ননবা মতীক চাবা ফ্রেমৱার্ক অমা শেমগৎনবা স্তেকহোল্দর খুদিংমক্কা নক্ননা হোৎনরি।

লেবর অমসুং ইমপ্লোইমেন্ত মন্ত্রালয়গী সেক্রেতরী অমসুং মন্ত্রালয় অসিগী মকোক থোংবা ওফিসিএলশিংনা মীফম অদুদা শরুক য়াখি। 

***