நடைபாதை மற்றும் செயலித் தொழிலாளர்களுக்கு சமூக பாதுகாப்பு பலன்களை வழங்க அரசு உறுதிபூண்டுள்ளது என்று மத்திய தொழிலாளர் மற்றும் வேலைவாய்ப்புத் துறை அமைச்சர் டாக்டர் மன்சுக் மாண்டவியா அறிவித்துள்ளார்.

 புதுதில்லியில் இன்று ஓர் ஆய்வுக் கூட்டத்திற்கு தலைமை தாங்கிய அவர்,  இந்தத் தொழிலாளர்கள் சமூக பாதுகாப்புத் திட்டங்களின் கீழ் இருப்பதை உறுதி செய்ய பல்வேறு வழிவகைகளை அரசு தீவிரமாக ஆராய்ந்து வருகிறது என்றார். "எங்கள் பணியாளர்களின் முக்கிய அங்கமாக இருக்கும் செயலி மற்றும் நடைபாதை தொழிலாளர்களின் நல்வாழ்வுக்கு எங்கள் அரசு முழுமையாக உறுதிபூண்டுள்ளது" என்று அமைச்சர் கூறினார்.

சமூக பாதுகாப்பு நடவடிக்கைகளை செயல்படுத்த வசதியாக, இஷ்ரம் போர்ட்டலில் தொழிலாளர்களின் பதிவு மேற்கொள்ளப்படும் என்று டாக்டர் மாண்டவியா தெரிவித்தார்.

செயலி  மற்றும் நடைபாதை தொழிலாளர்களை வேலைக்கு அமர்த்துவோர் தங்கள் தொழிலாளர்களை இந்த போர்ட்டலில் பதிவு செய்வதில் முன்னிலை வகிக்குமாறு கேட்டுக் கொள்ளப்படுவார்கள் என்று அவர் கூறினார். "சுமூகமான மற்றும் திறமையான பதிவு செயல்முறையை உறுதி செய்வதற்காக அவர்களுக்கு ஆன்லைன் சாளரம் கிடைக்கும்" என்று டாக்டர் மாண்டவியா அறிவித்தார்.

இந்தியாவில் கிக் மற்றும் பிளாட்ஃபார்ம் தொழிலாளர்களை முதன்முறையாக வரையறுக்கும் சமூக பாதுகாப்பு குறியீட்டின் முக்கியத்துவத்தையும் மத்திய அமைச்சர் அடிக்கோடிட்டுக் காட்டினார். "இது நமது பொருளாதாரத்திற்குள் கிக் மற்றும் பிளாட்ஃபார்ம் தொழிலாளர்களின் பாத்திரங்களை ஒப்புக்கொள்வதற்கும் முறைப்படுத்துவதற்கும் ஒரு குறிப்பிடத்தக்க படியாகும்," என்று அவர் குறிப்பிட்டார்.

அனைவரையும் உள்ளடக்கிய வளர்ச்சியிலும்  செயலி  மற்றும் நடைபாதை  தொழிலாளர்கள் உட்பட அனைத்துப் பிரிவு தொழிலாளர்களுக்கும் அதிகாரம் அளிப்பதிலும் அரசின் உறுதிப்பாட்டை டாக்டர் மாண்டவியா வலியுறுத்தினார். "இந்தியாவில் உள்ள ஒவ்வொரு தொழிலாளிக்கும், அவர்களின் வேலைவாய்ப்பு நிலையைப் பொருட்படுத்தாமல், சமூக பாதுகாப்புக்கான உரிமை வழங்கப்படுவதை உறுதி செய்வதில் நாங்கள் உறுதியாக இருக்கிறோம்," என்று அவர் தெரிவித்தார்.

தொழிலாளர் மற்றும் வேலைவாய்ப்பு அமைச்சகத்தின் செயலாளர் மற்றும் அமைச்சகத்தின் மூத்த அதிகாரிகள் இந்த கூட்டத்தில் கலந்து கொண்டனர்.

***

SMB/KV