ফুদ এন্দ এগ্রিকলচর ওর্গনাইজেসন (FAO)না ভারত লৈঙাক্কী ফিজরিজ, এনিমেল হজবেন্দ্রী এন্দ দেরীইং মন্ত্রালয়গী দিপার্তমেন্ত ওফ এনিমেল হজবেন্দ্রী এন্দ দেরীইং (DAHD)গা খুৎশম্নদুনা এনিমেল ইনফেক্সিয়স দিজিজ প্রাইওরিতাইজেসনগী মতাঙদা নুমিৎ হুম্নি চুপ্না পাঙথোকখিবা গ্রাউন্দ-ব্রেকিং ৱর্কসোপ ঙরাং নই ইল্লীদা মায় পাক্না লোইশিনখ্রে‍। থৌরম অদুনা ICAR ইন্সতিত্যুৎশিং, ভেতিরিনরী য়ুনিভর্সিতীশিং, স্তেত এনিমেল হজবেন্দ্রী দিপার্তমেন্ত, NIAH, হকশেল অমসুং FW মন্ত্রালয়, NCDC গুম্বা মাঙজিল থাবা ইন্সতিত্যুসনশিং অমসুং WHO, Jhpeigo, ব্রুক্স ইন্দিয়া, USAID, অমসুং FAO ECTAD তীমগুম্বা মালেমগী লুপশিংদগী অখঙ অহৈ ৬৯ পুলহনখি‍।

লোইশিনবগী থৌরম অদু দিপার্তমেন্ত ওফ এনিমেল সজবেন্দ্রী এন্দ দেরীইং (AHD) গী সেক্রেতরী, শ্রীমতী অল্কা উপধ্যায়না ৱাহৌদোক পীদুনা হৌদোকখি‍। মহাক্কী ৱারোলদা, মহাক্না এনিমেল হেল্থকী লমদা ভারতকী মরোমদোম লেপচবা ঙম্বগী থাক ৱাংখৎলক্লিববু পনখি অমসুং ফুত এন্দ মাউথ দিজিজ (FMD), পেস্তে দেস পেতিতস রুমিনেন্তস (PPR), ব্রুসেলোসিস, অমসুং ক্লাসিকেল স্বাইন ফিভর হায়রিবা মরুওইবা লায়না মরি অসিবু নেস্নেল কন্ত্রোল প্রোগ্রামগী মখাদা লাকশিন্বদা দিপার্তমেন্তনা চাউনা মায় পাকপগী ৱাফমসু পনখি‍। প্রোগ্রামশিং অসি ভারত লৈঙাক্না মপুং ফানা শেল থাদবা, লমদমসিদা পুথোকচবা ভেক্সিন শীজিন্নদুনা পাঙথোকপা লৈবাক পুম্বগী ভেক্সিনেসসন দ্রাইবনা চৈঙাক পীবনি‍।

শ্রীমতী উপধ্যায়না এদভান্স ভেক্সিনেসনগী থবক থৌরমশিং পায়খৎলিবা স্তেত নিপান্দা FMD-Wdjh জোনশিং লিংখৎনবা থৌরাংসু থমখি‍। অসিগুম্বা থৌরাং অসিনা ভারতকী শাগী পোত্থোকশিং মপান্দা থাদোক্নবগী খুদোংচাবা পাকথোক চাউথোকহন্নবা, মালেমগী কৈথেলদা লৈবাকসিগী মফম হেনগৎহন্নবা লম্বী য়াৎকনি হায়না পারি‍। এনিমেল হেল্থ ফগৎহন্বদা পান্দম থমদুনা প্রাইওরিতী দিজিজ লিস্ত শেম্বা লোইশিন্বদা পুন্না হোৎনমিন্নখিবা ক্রোস-সেক্তরেল এক্সপর্তশিং অমসুং স্তেকহোল্দর পুম্নমক্কী খোঙফমবু মহাক্না থাগৎখি অমসুং FAO অমসুং USAID গী মফমদা ৱর্কসোপ অসি পাঙথোকপদা মরুওইবা চৈঙাক পীবিবগীদমক তৌবিমল খঙবা ফোঙদোকখি‍।

লোইশিনবগী থৌরম অদুদা দোক্তর অভিজিত মিত্র, এনিমেল হজবেন্দ্রী কম্মিস্নর, শ্রীমতী সরিতা চৌহান, জোইন্ত সেক্রেতরী (লাইবস্তোক হেল্থ), অমসুং মিস্তর তাকায়ুকী হাগিৱারর, ভারত্তা লাকপা FAO গী মীহুৎসু শরুক য়াখি‍।

ৱর্কসোপ অদুগী মরুওইবা মহৈ অমদি শাথিবা, শন্দোক্কনবা, ফংলিবা ইন্তরভেন্সন, শাফু, নাবগী চাং, অমসুং লৈবাক্কী ওইবা মরুওইবগী থাক্তা য়ুম্ফম ওইরগা খনগৎপা মকোক থংবা লৌনগনবা শাগী লায়না ২০গী প্রাইওরিতাইজ লিস্ত শেম্বা লোইশিন্বা অসিনি‍। কোওর্দিনেসসন, কম্ম্যুনিকেসন, মোনিতরিং অমসুং সর্ভিলেন্স, প্রিভেন্সন অমসুং কন্ত্রোল, থেরাপ্যুতিক্স, অমসুং সোসিও-ইকনমিক অমদি কন্তিঞ্জেন্সী প্লান্নিং হায়রিবা মরুওইবা হীরম মঙাসিদা মীৎয়েঙ থম্লগা এক্সন প্লান অমসু শেম্লে‍।

ৱর্কসোপ অদু ভারত শিন্বা থুংনা রিজনেলগী থাক্তা মান্নবা এনিমেল দিজিজ প্রাইওরিতাইজেসন এক্সরসাইজ তৌনবা অকন্বা পাউজোল অমগা লোয়ননা লোইশিনখি‍। থৌওং অসিনা লম-লমগী ওইবা শা-শনগী লায়নাশিংগী পাম্বৈ পুথোক্নবা, মওং মরিল নাইনা শেম্লবা মতিং লৈবা লায়না লাকশিন্নবা অমসুং ঙাকথোক্নবা থৌরাং শেম্বদা পান্দম থম্লি‍।

ৱর্কসোপ অসিনা, ৱন হেল্থ এপ্রোচতা অচৌবা খোঙফম অমগা লোয়ননা শা-শন মশা মউ ফনা থম্নবা ভারতনা হোৎনরিবা থৌরাংগী মশক থোকপা পন্দোল অমা ওইরি‍। মসিগী মপুং ওইবা পান্দমদি: তুংগী মীরোলগীদমক শা-শন, মীওইবা অমসুং অকোয়বগী ফীভম মশা ফনা থম্বা হায়বসিনি‍।

*****