261. National Statistical Office (NSO), Tnad Statistics and Programme Implementation (MoSPI) ka dang pyllait ha u kyrwoh ia ki jingantad ia ka Gross Domestic Product (GDP) na ka bynta ki lai bnai naduh u Iaiong-Jylliew Quarter (Q1) jong u snem mang tyngka 2024-25 ha ryngkat ki bynta jong ki jingpynlut pisa ha ki dor ba Constant (2011-12) bad ki Dor ba Mynta. Ki jingantad ia ka Gross Value Added (GVA) ha ki dor Basic ha ryngkat ki jingpher ki percent na u snem sha u snem bad ki bynta ka jinglut jingsep jong ka GDP ha ki lai bnai ba nyngkong jong ki snem 2022-23, 2023-24 bad 2024-25 ha ki dor Constant bad Current ki dei kiba la ai ha ki Statement 1 haduh 4 jong ka Annexure A.

Ki mat ba kongsan:

• La antad ba ka Real GDP kan kiew da 6.7% ha ki lai bnai jong u snem mang tyngka 2024-25 haba ianujor bad ka jingkiew kaba 8.2% ha ki lai bnai ba nyngkong jong u snem mang tyngka 2023-24.
• Ka Nominal GDP ka la kiew da 9.7% ha ki lai bnai ba nyngkong jong u snem mang tyngka 2024-25 haba ianujor bad ka jingkiew kaba 8.5% ha ki lai bnai jong u snem mang tyngka 2023-24.
• Ka Real GVA ka la kiew da 6.8% ha ki lai bnai ba nyngkong jong u snem mang tyngka 2024-25 haba ianujor bad ka jingkiew kaba 8.3% ha ki lai bnai ba nyngkong jong u snem mang tyngka ba la dep. Kane ka jingkiew ka GVA ha ki lai bnai ba nyngkong jong u snem mang tyngka 2024-25 ka wan namar ka jingkiew ha ka Secondary Sector (8.4%), kaba kynthup ia ki kam jingtei (10.5%), Bording Elektrik, Gas, Ka jingpynbiang ia ka um bad kiwei kiwei ki jingshakri (10.4%) bad ka kam pynmih mar (7.0%).
• La antad ba ka jingkiew ka Nominal GVA na ka bynta ki lai bnai ba nyngkong jong u snem mang tyngka 2024-25 kan long 9.8% haba ianujor bad ka jingkiew kaba 8.2% ha ki lai bnai ba nyngkong jong u snem mang tyngka 2023-24.
• Ka Private Final Consumption Expenditure (PFCE) bad Gross Fixed Capital Formation (GFCF), ha ki dor Constant, ki la kiew da 7.4% bad 7.5% ha ki lai bnai ba nyngkong jong u 2024-25.
• Ki khajna Net Taxes, ha ki dor Current, ki la kiew da 8.0 % ha ki lai bnai ba nyngkong jong u snem mang tyngka 2024-25 kaba la wanrah ia ka 0.1% point gap hapdeng ka jingkiew ka GVA bad GDP.

I. Ki jingantad ha ki lai bnai bad ki jingkiew

            La antad ba ka Real GDP lane GDP ha ki dor Constant ha ki lai bnai ba nyngkong jong u 2024-25 kan long T 43.64 la klur haba ianujor bad ka T 40.91 lak klur ha ki lai bnai ba nyngkong jong u 2023-24, kaba long ka jingkiew kaba 6.7%. La antad ia ka Nominal GDP lane GDP ha ki dor Current ha ki lai bnai ba nyngkong jong u 2024-25 kan long T 77.31 lak klur haba ianujor bad ka T 70.50 lak klur ha ki lai bnai ba nyngkong jong u snem mang tyngka 2023-24, kaba long ka jingkiew kaba 9.7%.

La antad ba ka Real GVA ha ki lai bnai ba nyngkong jong u snem 2024-25 kan long T 40.73 lak klur haba ianujor bad ka T 38.12 lak klur ha ki lai bnai ba nyngkong jong u snem mang tyngka 2023-24 kaba long ka jingkiew kaba 6.8%. La antad ba ka Nominal GVA ha ki lai bnai ba nyngkong jong u 2024-25 kan long T 70.25 lak klur, haba ianujor bad ka T 63.96 lak klur ha ki lai bnai ba nyngkong jong u 2023-24, kaba long ka jingkiew kaba 9.8%.

Dur. 1: Ka jingantad ia ka GDP bad GVA ha ki lai bnai bad ki jingkiew na u snem sha u snem na ki lai bnai ba nyngkong jong u snem mang tyngka 2021-22 sha ki lai bnai ba nyngkong jong u snem mang tyngka 2024-25 ha ki dor Constant

Dur. 2: Ki bynta jong ki kam bad ki jingkiew ka GVA ha ki lai bnai

Dur. 3: Ki bynta bad ki jingkiew ka GVA ha ki lai bnai ha ki kam

[Primary Sector: Kam rep, kam ri jingri, ki kam khlaw bad ki kam ri dohkha bad ki kam tih mar poh khyndew bad ki quarry

Secondary Sector: Ki kam shna mar, kam bording elektrik, gas, kam pynbiang um bad kiwei kiwei ki jingai jingshakri bad ki kam tei jingtei

Tertiary Sector: Ka Khaii pateng, ki Hotel, ki kam ai jingtip bad kiwei kiwei ki jingai jingshaki kiba iadei bad kane, ki jingai jingshakri ha ki kam pisa, kam jaka puta bad ki jingai jingshakri da kito kiba la pyntbit, ki kam pyniaid ia ki kam paidbah, ki kam iada ri bad kiwei kiwei ki jingai jingshakri]

II. Ka Rukom Treikam bad ki Tyllong Data ba heh:

            Ki jingantad ha ki lai bnai ia ka GDP ki long katkum ki dak bad la pynbiang ia kine da kaba pyndonkam ia ka rukom treikam benchmark-indicator lane ki jingantad kiba don na ka bynta ki juh ki lai bnai jong u snem ba la dep (2023-24) bad la pyndonkam ia kine da kaba pyndonkam ia ki dak kiba iahap kiba pyni ia ki jingseisoh jong ki kam. Ka data kaba ioh na ki Tnad Sorkar / Kynhun Shimet ki iarap ha ka jingpynbiang ia kine ki jingantad.

            Ki jingantad katkum ki kam ki dei kiba la pynkhreh da kaba pyndonkam ia ki dak / ki data kum ka (i) Index of Industrial Production (IIP), (ii) Ka jingseisoh ki kam pisa jong ki Kompani ba la ioh jingithuh na ka Sorkar bad ki Kam Kompani Shimet kiba don nongrim ha ki jingseisoh ha ki lai bnai ha ki kam pisa jong kine ki kompani na ka bynta ki lai bnai ba nyngkong jong u 2024-25, (iii) Ki Thong Pynmih Mar Rep na ka bynta u 2024-25, (iv) Ki Thong Jingpynmih jong ki Mar kiba mih na ki Jingri na ka bynta u 2024-25; (v) Ka Jinglah Pynmih Dohkha, (vi) Ka Jingpynmih / Jingpyndonkam ia ka Dewbilat bad ki Nar, (vii) Net Tonne Kilometre bad Passenger Kilometre na ka bynta ki Lynti Rel, (viii) Ka jingpynkit briew bad jingpynkit mar ki liengsuin paidbah, (ix) Ka mar ba iaid lyngba ki Kad lieng ba her bad kiba rit, (x) Ka jingdie ia ki kali kamai, (xi) Ka Jingkynshew pisa ha ki bank bad ki jingshim ram, (xii) Ki jingkhein jingdiah pisa jong ka Sorkar Pdeng bad ki Sorkar Jylla ha ryngkat kiwei kiwei ki jingtip kiba don na ka bynta ki lai bnai ba nyngkong jong u 2024-25. Ka jingkiew na u snem sha u snem (%) kiba don ha kine ki dak kiba pyndonkam ha ki jingantad ki dei kiba la pynbiang ha ka Annexure B.

            Baroh ka jingioh na ki khajna ba la pyndonkam ban pynkhreh ia ka GDP ka kynthup ia ka jingioh ba lait na ka GST bad ka jingioh na ka GST. La pyndonkam ia ki jingtip ba khatduh ha ki website jong u Controller General of Accounts (CGA) bad Comptroller and Auditor General of India (CAG) ban antad ia ki khajna na ka bynta ki mar katkum ki dor Current. Ban pynkhreh ia ki khajna na ka bynta ki mar ha ki dor current, la peit ia ka jingkiew ki mar bad ki jingai jingshakri ba lum khajna bad la pyniasoh lang ban sngewthuh ia baroh ki khajna. Baroh ki subsidy ha ki dor Current la pynkhreh da kaba pyndonkam ia ki jingtip shaphang ki subsidy ba heh kiba iadei bad ki mar bam, Urea, Petroleum bad ka subsidy ha ki Nutrient na ka bynta ka Sorkar Pdeng bad ki jinglut jingsep jong ki Jylla na ka bynta ki Subsidy na ka bynta ki lai bnai hapdeng u Iaiong – Jylliew jong u snem mang tyngka 2024-25. La pyndonkam ia ki jingtip ba khatduh ha ki website CGA bad CAG na ka bynta ka jinglut jingsep ki khajna, jingsiew ki sut, ki subsidy bad kiwei kiwei da ka Sorkar Pdeng bad ki Jylla ban antad ia ka Government Final Consumption Expenditure (GFCE).

Ka jingkiew ka jingdon ka data bad ka jingpeit biang ia ka data ba la pynbiang da ki kynhun kiba long ki tyllong jong kine kin don bynta ha ki jingpynkylla ia kine ki jingantad. Kumta lah ban don ki jingkylla ha ki jingantad namar kine katba dang iaid ka por bad katkum ka por ba la buh ban pyllait ia kine ki jingtip. Ki briew ki dei ban sngewthuh ia kane haba ki peit ia kine ki jingantad. Ka jingpyllait ban wan ia ki jingantad ia ka GDP ha ki lai bnai naduh u Naitung-Nailur jong u 2024-25 (Q2 2024-25) kan dei ha ka 29.11.2024.

***********

Annexure A

Annexure B

Nion hangne ban download ia u kyrwoh ha ka pdf

***