இந்திய கடற்படை அகாடமியின் கமாண்டன்ட் ஆக,  வைஸ் அட்மிரல் சி.ஆர்.பிரவீன் நாயர், 2024, ஆகஸ்ட் 29  அன்று பொறுப்பேற்றார். அவர் வைஸ் அட்மிரல் வினீத் மெக்கார்ட்டிக்குப் பிறகு இந்தப் பொறுப்பை ஏற்கிறார். கொடி அதிகாரி ஜூலை 01, 1991 அன்று இந்திய கடற்படையில் (IN) நியமிக்கப்பட்டார். மேற்பரப்பு போர் அதிகாரியான இவர், தகவல் தொடர்பு மற்றும் மின்னணு போர் முறைகளில் நிபுணத்துவம் பெற்றவர். அமெரிக்காவின் நியூபோர்ட்டில் உள்ள வெலிங்டன் பாதுகாப்பு சேவைகள் பணியாளர் கல்லூரி மற்றும் அமெரிக்க கடற்படை போர் கல்லூரியின் முன்னாள் மாணவரான கொடி அதிகாரி, மும்பை பல்கலைக்கழகத்தில் பாதுகாப்பு சார்ந்த ஆய்வுகளில் எம்.பில் பட்டம் பெற்றுள்ளார்.

இவர், பல்வேறு கப்பல்களில் சமிக்ஞை தொடர்பாடல் அதிகாரியாகவும், கடற்படை மின்னணு போர் அதிகாரியாகவும், அதன் பின்னர், மேற்கு கடற்படையின் கடற்படை தகவல் தொடர்பு அதிகாரியாகவும் பணியாற்றியுள்ளார். அவர் 2018 - 2019 வரை கிழக்கு கடற்படையின் கடற்படை செயல்பாட்டு அதிகாரியாகவும் இருந்தார்.

ஏவுகணை கொர்வெட் படைப்பிரிவான ஐ.என்.எஸ் கிர்ச், வழிகாட்டப்பட்ட ஏவுகணை அழிப்பு கப்பல் ஐ.என்.எஸ் சென்னை மற்றும் இந்திய கடற்படையின் மிகப்பெரிய விமானம் தாங்கி போர்க்கப்பலான ஐ.என்.எஸ் விக்ரமாதித்யா ஆகியவற்றிற்கு பொறுப்பு அதிகாரியாக இவர் செயல்பட்டுள்ளார். கொடி அதிகாரியின் பணியாளர் நியமனங்களில், கோவா கடற்படை போர் பயிற்சிக் கல்லூரியின், பொறுப்பு அதிகாரி சிக்னல் பள்ளி மற்றும் கடற்படை தலைமையகத்தின் பணியாளர் இயக்குநரகத்தில் கமோடர் (பணியாளர்கள்) ஆகிய பொறுப்புகளை வகித்துள்ளார். அவர் கடற்படையின் முதன்மையான சிந்தனைக் குழுவான இந்திய கடற்படை பாதுகாப்பு உத்தி மற்றும் செயல்பாட்டு கவுன்சிலில் (ஐ.என்.எஸ்.ஓ.சி) மூன்று ஆண்டுகளுக்கும் மேலாக உறுப்பினராக உள்ளார்.

ஜனவரி 2022-ல் ரியர் அட்மிரலாக பதவி உயர்வு பெற்ற பின்னர், அவர் கடற்படை தலைமையகத்தில் கடற்படை ஊழியர்களின் (கொள்கை மற்றும் திட்டங்கள்) உதவித் தலைவராக நியமிக்கப்பட்டார். வைஸ் அட்மிரல் பதவிக்கு உயர்த்தப்பட்ட பின்னர் இந்திய கடற்படை அகாடமியின் தளபதியாக நியமிக்கப்படுவதற்கு முன்பு, கொடி அதிகாரி இந்திய கடற்படையின் மேற்கு கடற்படைக்கு பொறுப்பு வகித்துள்ளார்.

***

MM/KPG/DL