কেন্দ্রগী লৌউ-শিংউ অমসুং লৌমীশিংগী য়াইফ-থৌরাং অমসুং রুরেল দিবেলপমেন্ত মন্ত্রী, শ্রী শিবরাজ সিংহ চৌহাননা ঙসি পুসাগী আই.এ.আর.আই. কেম্পস্তা #एक_पेड़_मां_के_नाम #Plant4Motherগী শরুক অমা ওইনা উ-চারা থাখ্রে। শ্রী চৌহান্না মন্ত্রালয়না একর অমগী লমদা 'মাত্রী বন' লিংখৎলগনি হায়খ্রে। থৌরম অদুদা রাজ্য মন্ত্রী শ্রী রামনাথ থাকুর, দি.এ.আর.ই.গী সেক্রেতরী অমসুং আই.সি.এ.আর.গী দি.জি., দাঃ হিমানশু পাথক্না লৌউ-শিংউ অমসুং লৌমীশিংগী য়াইফ-থৌরাং অমসুং রুরেল দিবেলপমেন্ত মন্ত্রালয়গী ওফিসর/স্তাফ 200 রোম অমসুং স্কুলগী মহৈরোইশিংসু শরুক য়াখি। লৈবাক অসিদা লৈরিবা দি.এ. অমসুং এফ.দবল্যু., আই.সি.এ.আর. ইন্সতিত্যুসন, সি.এ.য়ু., কে.ভি.কে. অমসুং এস.এ.য়ু.শিংগী মখাদা লৈবা ওফিস পুম্নমক্না মখোয় মশাগী মফমশিংদা উ থাবগী চপ মান্নবা প্রোগ্রাম অমা পাংথোক্লি হায়না মন্ত্রীনা হায়খি। শ্রী চৌহাননা হায়খি মদুদি ঙসিগী থৌরম পরেং অসিদা লৌউ-শিংউ অমসুং লৌমীশিংগী য়াইফ-থৌরাং মন্ত্রালয়গী মখাদা লৈবা ইন্সতিত্যুসন 800 হেন্না শরুক য়াখি অমসুং থৌরম অদুদা মহৈরোই 3000-4000গী মরক্তা পাম্বী থাখি হায়না পানরি।

প্রধান মন্ত্রী শ্রী নরেন্দ্র মোদীনা জুন 5, 2024দা পাংথোকপা মালেমগী ইনভাইরনমেন্ত নুমিত্তা #एक_पेड़_मां_के_नाम #Plant4Mother হায়বা মালেমগী কেম্পেন অমা হৌদোকখি অমসুং প্রধান মন্ত্রীগী ৱারেপ অসি শোইহন্দনবা হায়দুনা ঐখোয়গী মন্ত্রালয়না ঙসি #एक_पेड़_मां_के_नाम #Plant4Mother অসিবু মীয়াম পুন্না শরুক য়ানবা কেম্পেন অমা ওইনা হৌদোক্লি হায়না কেন্দ্র মন্ত্রীনা হায়খি। ঙসিগী থৌরম শরুক য়ারিবা ওফিসর/ইমপ্লোয়ী অমসুং স্কুলগী মহৈরোইশিংনা মীয়ামগী কেম্পেন অসিদা শরুক য়াদুনা উ-চারা থাদুনা মখোয়গী মমা অমদি ইমা লৈবাক্কী মফমদা ইকায় খুম্নবা উৎসি হায়না শ্রী চৌহান্না হায়খি।

মালেমগী কেম্পেনগী শরুক অমা ওইনা, সেপ্তেম্বর 2024 ফাওবদা লৈবাক শিনবা থুংনা উ-চারা করোর 80 অমসুং মার্চ 2025 ফাওবদা উ চারা করোর 140 থাবগী থবক পায়খৎনবা এনভাইরনমেন্ত, ফোরেস্ত অমসুং ক্লাইমেৎ চেঞ্জ মন্ত্রালয়না হোৎনরি। এনভাইরনমেন্ত, ফোরেস্ত অমসুং ক্লাইমেৎ চেঞ্জ মন্ত্রালয়না 2024গী জুনগী তাং 20দা অসোলা ভাতি ৱাইল্দলাইফ সেঙ্কচুঅরীদা ত্রী প্লান্তেসন এক্তিবিতী হৌদোকখি। মসিদা মীওইশিংনা মখোয়গী মমাশিংগী ইকায় খুম্নবা ওইনা ত্রী প্লান্তেসন তৌখি। লৈঙাক্না হৌদোকখিবা মিসন লাইফকী পান্দমসু লৈরগা উ পাম্বী থাবনা মপুং ফাহল্লি। মসি এনভাইরনমেন্তেল কন্সয়স লাইফস্তাইলগী মাস মুভমেন্ত অমনি। লৌউ-শিংউদা, থারিবা উশিং অসি তুং কোইনা চৎনবা য়াবা লৌউ-শিংউবা ফংনবগী মরুওইবা খোংথাং অমনি। ত্রীশিংনা লৈহাও, ঈশিংগী মগুন ফগৎহন্দুনা অমসুং বাইওদাইবর্সিতী হেঙ্গৎহন্দুনা ফার্মগী প্রদক্তিবিতী ফগৎহনবদা মতেং পাংই। উশিং অসিনা লৌমীশিংদা উ অমসুং নন-তিম্বরগী পোত্থোকশিংদগী অহেনবা শেন্থোক ফংহল্লি। কেম্পেন অসিনা লমগী ফীভম হন্থহনবা অমসুং লৈকংলা ওইরকপা থিংনবা অমসুং ওন্থোক্নবা অচৌবা খুদোংচাবা লৈ।

***