સંરક્ષણ મંત્રાલય
સિંધુદુર્ગના રાજકોટ કિલ્લામાં છત્રપતિ શિવાજી મહારાજની પ્રતિમાને થયેલા નુકસાનની તપાસ સંયુક્ત સમિતિ કરશે
Posted On:
29 AUG 2024 12:51PM by PIB Ahmedabad
મહારાષ્ટ્ર સરકારના પ્રતિનિધિઓ અને તકનીકી નિષ્ણાતો સાથે ભારતીય નૌકાદળના નેતૃત્વ હેઠળની સંયુક્ત તકનીકી સમિતિની રચના કરવામાં આવી રહી છે, જે પ્રદેશમાં અસાધારણ હવામાન પરિસ્થિતિઓને કારણે રાજકોટના કિલ્લા, સિંધુદુર્ગમાં સ્થાપિત છત્રપતિ શિવાજી મહારાજની પ્રતિમાને થયેલા દુર્ભાગ્યપૂર્ણ ક્ષતિની તપાસ કરશે.
આ પ્રતિમાનું અનાવરણ 04 ડિસેમ્બર 23ના રોજ નૌકાદળ દિવસની ઉજવણીના ભાગ રૂપે કરાયું હતું, જે સિંધુદુર્ગમાં પ્રથમ વખત કરવામાં આવ્યું હતું, જેનો હેતુ સમુદ્રી રક્ષા અને સુરક્ષા પ્રત્યે મરાઠા નૌકાદળ અને છત્રપતિ શિવાજી મહારાજના વારસા અને આધુનિક ભારતીય નૌકાદળની સાથે ઐતિહાસિક જોડાણને સન્માનિત કરવાનો હતો. આ પ્રોજેક્ટની કલ્પના અને સંચાલન ભારતીય નૌકાદળ દ્વારા કરવામાં આવ્યું હતું, રાજ્ય સરકારની સાથે સંકલન કરીને જેણે તેના માટે ભંડોળ પૂરું પાડ્યું હતું.
ભારતીય નૌકાદળ વહેલી તકે પ્રતિમાના સમારકામ, પુનરુદ્ધાર અને પુનઃસ્થાપિત કરવાના તમામ પગલાંમાં મદદ કરવા માટે પ્રતિબદ્ધ છે.
AP/GP/JT
સોશિયલ મીડિયા પર અમને ફોલો કરો :
@PIBAhmedabad
/pibahmedabad1964
/pibahmedabad
pibahmedabad1964[at]gmail[dot]com
(Release ID: 2049679)
Visitor Counter : 48