آج نئی دہلی میں سنٹرل ٹریڈ یونین آرگنائزیشن)سی ٹی یو او ز( کے نمائندوں کے ساتھ محنت اور روزگار اور نوجوانوں کے امور اور کھیل کے مرکزی وزیر ڈاکٹر منسکھ مانڈویہ کی صدارت میں ایک گول میز میٹنگ منعقد ہوئی۔ مرکزی وزیر مملکت برائے محنت اور روزگار، محترمہ شوبھا کرندلاجے کے ساتھ وزارت کے سینئر افسران بھی اس موقع پر موجود تھے۔

ٹریڈ یونینوں کے ساتھ اس تعارفی میٹنگ میں بحث کا مرکز، نئی مجوزہ ایمپلائمنٹ لنکڈ انسینٹیو (ای ایل آئی) اسکیم تھی، جس کا اعلان حالیہ یونین بجٹ میں مزدوروں کی بہبود پر مبنی دیگر اقدامات کے علاوہ کیا گیا تھا۔

سی ٹی یو او زسے خطاب کرتے ہوئے، ڈاکٹر مانڈویہنے لیبر فورس کی فلاح و بہبود کے لیے حکومت کے غیر متزلزل عزم کو دہرایا اور اسے ملک کی اقتصادی ترقی میں ریڑھ کی ہڈی کے طور پر تسلیم کیا۔ انہوں نے مزید کہا کہ ٹریڈ یونینز ہمارے کارکنوں کی آواز ہیں، اور ان کی بصیرت ایسی پالیسیوں کی تشکیل کے لیے انمول ہے جو نہ صرف موثر ہوں بلکہ منصفانہ اور جامع بھی ہوں۔

आज ट्रेड यूनियन के सदस्यों के साथ गहन चर्चा हुई। सरकार की ELI योजना के तहत 2 लाख करोड़ के निवेश से 2 करोड़ से अधिक रोजगार के अवसर पैदा होंगे। साथ ही, इंटर्नशिप कार्यक्रम भी शुरू किया जाएगा।

चर्चा में ट्रेड यूनियन के साथियों ने अपने कीमती सुझाव भी रखे। pic.twitter.com/cIZJCe7kUA

— Dr Mansukh Mandaviya (@mansukhmandviya) August 28, 2024

میٹنگ کے دوران مجوزہ ای ایل آئی اسکیم پر ایک پریزنٹیشن بھی دی گئی۔

 

ڈاکٹر منسکھ مانڈویہ نے ای ایل آئی اسکیم کی تشکیل کے سلسلے میں ٹریڈ یونینوں سے تجاویز طلب کیں۔ انہوں نے اس بات پر زور دیا کہ ای ایل آئی اسکیم کو مزید روزگار پیدا کرنے کے ساتھ ساتھ ہمارے ملک کے نوجوانوں کے لیے بامعنی اور پائیدار ملازمتیں فراہم کرنے کے لیے کاروبار کی حوصلہ افزائی کے لیے ڈیزائن کیا گیا ہے۔

میٹنگ کے دوران، ڈاکٹر مانڈویہ نے زور دیا کہ ٹریڈ یونینوں کا ان پٹ اس بات کو یقینی بنانے کے لیے قابل قدر ہے کہ یہ تمام اسٹیک ہولڈرز کے مفادات کو پورا کرتی ہے۔

مختلف سی ٹی یو او زکے نمائندوں نے اس اسکیم کے ساتھ ساتھ حکومت کی طرف سے اٹھائے جانے والے مزدوروں کی بہبود کے دیگر اقدامات کے بارے میں اپنے نقطہ نظر کا اظہار کیا۔ ڈاکٹر مانڈویہ نے ٹریڈ یونینوں کو یقین دلایا کہ اس طرح کی میٹنگیں ایک مسلسل عمل ہوں گی اور حکومت اس بات کو یقینی بنانے کے لیے ٹریڈ یونینوں سے قیمتی معلومات حاصل کرنے کی منتظر ہے کہ پالیسیاں اور اسکیمیں اس انداز میں وضع کی جائیں جس سے انصاف، شمولیت اور مساوی ترقی کو فروغ ملے۔

************

ش ح ۔ ا  م    ۔  م  ص

 (U: 10289)

(Release ID: 2049564)