نیشنل ہیومن رائٹس کمیشن (این ایچ آر سی) ، ہندوستان نے اپنے آن لائن ہیومن رائٹس فوٹوگرافی مقابلہ  2024کے نتائج کا اعلان کیا ہے۔جسے مائی گوکے اشتراک سے منظم کیا گیا ہے۔ قائم مقام چیئرپرسن ، سکریٹری جنرل ، ڈویژنل سربراہان اور ایک بیرونی ماہر پر مشتمل مکمل کمیشن جیوری کو غوروفکر کے بعد پہلے اور دوسرےانعام کا کوئی حقدار نہیں ملا۔ تاہم ، ایک تصویر کا انتخاب تیسرےانعام کے لئے ہوا جس کے لئے انعامی رقم 5000  روپے ہےاور پانچ کو حوصلہ افزائی کے انعام کے لئے منتخب کیا گیا ہے جس کے لئے 2000 روپے کا انعام رکھا گیا ہے۔

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

این ایچ آر سی ، ہندوستان کو مجموعی طور پر 642 درست اندراجات موصول ہوئے جن میں مائی گو (471) اور اس کی ویب سائٹ (171) کے ذریعے موصول شدہ اندراجات شامل ہیں ۔انہیں کمیشن کے اعلیٰ افسران اور باہر سے آئے ہوئے ماہرین پر مشتمل تین ذیلی کمیٹیوں نے دیکھا اور فاتحین کا فیصلہ کرنے کے لئےمکمل کمیشن  جیوری کے زیر غور 20 تصاویر کو فہرست بند کیا۔

کمیشن نے اس آن لائن مقابلہ کو 07 جون سے 07 جولائی 2024 تک  انعقاد کیا۔جس میں سماجی –معاشی ،ثقافتی اور سیاسی اختیارات اور احساسات کے درمیان مختلف انسانی حقوق  سے جڑے پہلوؤں سے متعلق دس موضوعات پراین ایچ آر سی ویب سائٹ کے ساتھ ساتھ مائی گو پورٹل کے توسط سے اندراجات مدعو کی گئیں۔

اس مسابقت کا مقصد ان موضوعات سے متعلق انسانی حقوق کے حالات کے بصری اثرات کو اپنی گرفت میں لینا تھا جس سے لوگوں میں اختیارات کے تعلق سے بیداری ، نا موافق صورتحال میں مثبتیت ، اورسماج کی بہتری کے لئے کام کرنے  کے تصور کو زندہ کیاجاسکے۔

***********

ش ح – ج ق – م ش

U. No.10254

(Release ID: 2049257) Visitor Counter : 35