ایڈمرل دنیش کے ترپاٹھی، چیف آف دی نیول اسٹاف، محترمہ ششی ترپاٹھی، نیوی ویلفیئر اینڈ ویلنس ایسوسی ایشن (این ڈبلیو ڈبلیو  اے) کی صدر کے ہمراہ 26 اگست 24 کو سربراہی سنبھالنے کے بعد کوچی کے جنوبی بحریہ کمانڈ (ایس این سی) کے اپنے پہلے دورے پر پہنچے۔

آمد پر، سی این ایس کو آئی این ایس  گرڑ پر ایک رسمی گارڈ آف آنر پیش کیا گیا۔ دورے کے دوران، سی این ایس نے وائس ایڈمرل وی سرینواس، فلیگ آفیسر کمانڈنگ ان چیف، سدرن نیول کمانڈ کے ساتھ بات چیت کی اور انہیں کمانڈ کی طرف سے پیش کردہ  مختلف تربیت، آپریشنل، بنیادی ڈھانچے اور انتظامی سرگرمیوں کے بارے میں اپ ڈیٹ فراہم کیا گیا۔ ہندوستانی بحریہ کی ٹریننگ کمانڈ ہونے کے ناطے، تربیتی کینوس کے ایک جامع جائزہ کے ساتھ  مختلف تربیتی سہولیات میں اضافہ اور جدید کاری کے پروجیکٹ بھی پیش کیے گئے۔ انہیں حالیہ وایناڈ لینڈ سلائیڈنگ کے بعد آفات سے متعلق راحت کی کارروائیوں اور فراہم کردہ امداد کے بارے میں آگاہ کیا گیا۔ سی این ایس نے مختلف امور پر ہونے والی پیش رفت کا نوٹس لیا اور کمانڈ کی کوششوں کو سراہا۔

سی این ایس نے نیول بیس، کوچی میں تزئین و آرائش شدہ کمانڈ اسٹیڈیم کا افتتاح کیا، جو کہ جدید کھیلوں کے بنیادی ڈھانچے کا مظہر ہے، جس میں مختلف قسم کی سہولیات کے ساتھ جدید ترین سہولیات کا امتزاج ہے۔ اسٹیڈیم میں بین الاقوامی معیار کا آٹھ لین کا مصنوعی ٹریک، ایک مرکزی فٹ بال کا میدان اور ایتھلیٹکس کی مختلف سہولیات موجود ہیں جو کھیلوں اور گیموں کا مرکز ہوں گی۔ سی این ایس نے بحریہ کی فٹ بال اور والی بال ٹیموں کے ساتھ بھی بات چیت کی اور انہیں اس سال انٹر سروسز ٹرافی جیتنے پر مبارکباد دی۔ ایک اور تقریب میں، سی این ایس نے نیول شپ ریپیئر یارڈ (کوچی) میں نئے یارڈ یوٹیلٹی کمپلیکس کا افتتاح کیا۔ یہ تکنیکی بنیادی ڈھانچے کی سہولت موبائل اثاثوں کے ایک بڑے بیڑے اور یارڈ کی ماہر یوٹیلیٹی گاڑیوں کی دیکھ بھال اور سروس فراہم کرے گی۔

مزید برآں سی این ایس ایس این سی کے افسروں، ملاحوں، تربیت یافتہ اور دفاعی شہریوں سے خطاب کریں گے اور اپنے وژن اور توقعات کا اشتراک کریں گے۔ وہ اپنے مادر علمی، سگنل اسکول کا بھی دورہ کریں گے جہاں انہوں نے کمیونیکیشن اور الیکٹرانک وارفیئر کے ماہر کے طور پر فراغت حاصل کی۔

 

ش ح۔ا ک ۔ رب

U:10245

 

(Release ID: 2049181) Visitor Counter : 65