সাইন্স অমসুং তেক্নোলোজী মন্ত্রালয়
পার্কিন্সন্স’ দিজীজ লায়েংবদা দ্রগ দোজেজ এদজস্ত তৌনবা অনৌবা স্মার্ত সেন্সর
Posted On:
27 AUG 2024 2:44PM by PIB Imphal
সাইন্তিস্তশিংনা পার্কিন্সন্স’ দিজীজ লায়েংবদা মতেঙ ওইগদবা মমল হোঙবা, শীজিন্নবদা নুংঙাইবা, পোর্তেবল ওইবা স্মার্তফোন্দা য়ুম্ফম ওইবা ফ্লুওরেসেন্স তর্ন-ওন সেন্সর সিস্তেম অমা শেম্লে। সেন্সর অসিনা হকচাঙদা য়াওরিবা L-dopaগী চাং চপ চানা খঙদোকপদা মতেঙ পাংদুনা লায়না অসি নীংথিনা লাকশিন্দুনা থম্বদা মথৌ তাবা চপ চাবা দোজ লেপথোকপদা মতেঙ ওইগনি।
পার্কিন্সন্স দিজীজ অসিনা ন্যুরোন সেলশিংদা লেপ্পা লৈতনা হন্থরক্তুনা ঐখোয়গী হকচাঙদা দোপামাইন (ন্যুরোত্রান্সমিতর)গী চাং মশক থোক্না হন্থহল্লকই। L-dopa হায়বসি ঐখোয়গী হকচাঙদা দোপামাইন্দা ওন্থোকখিবা কেমিকেল অমনি অমসুং এন্তি-পার্কিন্সন্স দ্রগ ওইনা মথৌ তৌই।
মসিনা দোপামাইনগী চাং ৱাৎলিবদু মেনখত্তুনা মতেঙ পাংই। L-dopaগী চুনবা দোজ কাপ্লিবমখৈ, লায়না অসি লাকশিন্দুনা থম্বা ঙম্মি। অদুম ওইনমক, পার্কিন্সনগী থুনা শোকচিনগনবা মতৌনা মরম ওইরগা, নারিবা মীওইদুনা চহি য়ামশিল্লকপগী মতুং ইন্না, ন্যুরোন মাঙশিল্লক্লিবদু মেনখৎনবা L-dopa দোজ হেন্না মথৌ তাই।
অদুম ওইনমক, L-dopa কা হেন্না শীজিন্নবনা দিসকাইনেসিয়া, গেস্ত্রিতিস, পাইকোসিস, পেরানোয়া, অমসুং ওর্থোস্তেতিক হায়পোতেন্সনগুম্বা শাথিবা সাইদ ইফেক্তশিং থোকহন্বা য়াই, অদুগা চাং ৱাৎলগনা পার্কিন্সনগী লায়ওংশিং হঞ্জিনহল্লক্কনি।
লায়েং পথাপ অসিদা L-dopaগী চাং চানা শীজিন্নবগী মরুওইবা থৌদাংগী য়েংলগা, বাইওলোজিকেল মহীশিংদা য়াওবা L-dopa গী চাং য়েংনবা অচম্বা, মমল ৱাংদবা, সেন্সিতিব ওইবা অমসুং অথুবা থৌওং অমা শেমগৎপা মরু ওইহল্লি।
হন্দক্তা, দিপার্তমেন্ত ওফ সাইন্স এন্দ তেক্নোলোজীগী ওতোনোমস ইন্সতিত্যুৎ অমা ওইরিবা ইন্সতিত্যুৎ ওফ এদভান্স স্তদী ইন সাইন্স এন্দ তেক্নোলোজী (IASST)না বাইওলোজিকেল সেম্পলশিংদা ফ্লুওরেসেন্স তর্ন-ওন মেকানিজম শীজিন্নদুনা L-dopa চাং নেম্না য়াওবা খুদক্তা খঙদোক্নবা মমল হোঙবা, শীজিন্নবদা নুংঙাইবা, পোর্তেবল ওইবা স্মার্তফোন্দা য়ুম্ফম ওইবা ওপ্তিকেল সেন্সর সিস্তেম অমা শেমগৎলে।
সেন্সর অসি বোম্বীক্স মোরি সিল্ক কোকুন্দগী শেম্বা সিল্ক-ফাইব্রোইন প্রোতীন নেনো-লেয়র অমা রিদ্যুস গ্রাফীন ওক্সাইদ নোনাপার্তিকলগী মথক্তা তৈশিল্লগা শেম্বনি। সিস্তেম অসিনা মতিক লৈবা ফোতোলুমিনেসেন্স প্রোপর্তীশিং য়াওবা কোর-সেল গ্রাফীন-বেজ ক্বান্তম দোতশিং শেমদুনা ঈগী প্লাজমা, হুমাং, অমসুং হক্কী ঈশিংনচিংবা তশেংবা সেম্পলশিংদা 5 μM দগী 35 μM ফাওবগী লিনিয়র রেঞ্জকী মনুংদা L-dopa গী চাং খঙদোক্নবা মতিং লৈবা ফ্লুএরেসেন্স তর্ন-ওন সেন্সর প্রোব অমা ওইহল্লি। হায়রিবা সেম্পলশিংদুগী দিতেক্সন লিমিত অসি মথঙশিৎনা 95.14 nM, 93.81 nM, অমসুং 104.04 nM নি।
রিছর্চরশিংনা 5V স্মার্তফোন চার্জরনা মৈ পীবা 365nm LED অমগা শম্নবা ইলেক্ত্রিক সর্কিত অমগা লোয়ননা স্মার্তফোন-বেজ ইলেক্ত্রোনিক দিভাইস অমা শেমখিবনি। সেতঅপ পুম্বসি মপানগী মঙাল চঙহন্দনবা অমম্বা চেম্বর অমদা হাপচিল্লি। সেন্সর প্রোব অদু 365nm LED অমনা ঙালহন্দুনা য়েংদুনা অমসুং স্মার্তফোন কেমেরানা মমি অদু লৌদুনা সেন্সিং প্রোসেস মনুংদা মচু হোংলক্লিবদু য়েংই। মমিশিং অদুদগী RGB ভেল্যুশিং অদু মোবাইল এপ অমা শীজিন্নদুনা L-dopa কন্সেন্ত্রেসনগী চাং লেপথোকপদা শীজিন্নৈ। হায়রিবা অচম্বা, মমল চঙদবা, অমসুং থুনা স্ক্রীন তৌনবা খুৎলায় অসি খুমাঙ চাওশিন্বা খুৎশু-খুৎলায়শিং লৈতবা মনুং হঞ্জিন্বা মফমশিংদা ওন-স্পোত এনালাইত দিতেক্সন তৌবদা য়াম্না মরু ওই।
অনাবা মীওইদুগী বাইওলোজিকেল সেম্পলশিং অদুদা L-dopa চাং নেম্না য়াওবরা হায়বদু খঙদোক্তুনা, সেন্সর অসিনা লায়না অসি নীংথিনা লাকশিনবদা মথৌ তাবা দোজেজ লেপথোকপদা মতেঙ পাংই।
পব্লিকেসন লিঙ্ক: https://doi.org/10.1016/j.pneurobio.2006.11.009
![](https://static.pib.gov.in/WriteReadData/userfiles/image/image001QFVR.png)
ফিগর ১: সিল্ক ফাইব্রোইন নপ্পা এস্পার্তিক এসিদ-রিদ্যুস গ্রাফীন ওক্সাইদ কোর-সেল ক্বান্তম দোতশিং শেমগৎনবগী অচম্বা, বাইও-ফ্রেন্দলীঈঈ ওইবা সিস্থেসিস রুত। হায়রিবা ফ্লুরেসেন্স নেনোপ্রোব অসি এক্যুয়স মীদিয়া অমসুং রিএলদা L-dopa য়াওবগী চাং য়েংনবা স্মার্তফোন-বেজ রেপিদ সেন্সিংদা শীজিন্নৈ।
***
(Release ID: 2049126)
Visitor Counter : 23