خزانہ اور کارپوریٹ امور کی مرکزی وزیر محترمہ نرملا سیتا رمن نے آج راجستھان کے اُدے پور شہر میں سنٹرل بورڈ آف  اِ ن ڈائریکٹ ٹیکس اینڈ کسٹمز (سی بی آئی سی)کے تحت سی جی ایس ٹی، اُدے پور کمشنریٹ کے ایک سرکاری کمپلیکس جی ایس ٹی بھون کا افتتاح کیا۔

رکن پارلیمنٹ (لوک سبھا)جناب منا لال راوت؛ رکن پارلیمنٹ (راجیہ سبھا)جناب چننی لال گراسیہ،سی بی آئی سی کے چیئرمین جناب سنجے کمار اگروال؛ سی بی آئی سی کے رکن جناب  ششانک پریہ؛ سی بی آئی سی کے رکن جناب راجیو تلوار؛  سی بی آئی سی کے رکن جناب سرجیت بھوجبل؛ سی جی ایس ٹی جے پور زون کے چیف کمشنر جناب مہندر رنگا؛ سی بی آئی سی کے سینئر افسران اور سی جی ایس ٹی اُدے پور کمشنریٹ اور جے پور زون کے افسران کے ساتھ عملہ بھی اس موقع پر موجود تھا۔

اپنے کلیدی خطاب میں مرکزی وزیر خزانہ محترمہ نرملا سیتا رمن نے اُدے پور کمشنریٹ کی اقتصادی اہمیت کو تسلیم کیا ،کیونکہ یہ ایک ایسے مرکز میں کام کرتا ہے،جہاں زنک، سیسہ، چاندی، سیمنٹ، فرٹیلائزر اور ٹائر جیسی اشیاء تیار کی جاتی ہیں اور کووڈ-19 عالمی وباء کی وجہ سے پیدا ہونے والے چیلنجوں کے باوجود بجٹ اور شیڈول کے اندر اس اہم پروجیکٹ کی تکمیل کی ستائش کی۔

محترمہ سیتا رمن نے ٹیکس دہندگان کے لیے سہولیات اور عملے کے لیے کافی کام کی جگہ فراہم کرنے میں پروجیکٹ کے معیار اور دور اندیشی پر روشنی ڈالی اور پروجیکٹ کے انتظام اور بڑے پیمانے پر بنیادی ڈھانچے کی ترقی کی تیاری میں افسران اور ایجنسیوں کی کوششوں کا اعتراف کیا۔ مرکزی وزیر نے جی ایس ٹی زونز اور کمشنریٹس کے لیے بنیادی ڈھانچے کو بڑھانے کے لیے2019 سے حکومت کے عزم  کے بارے میں بتایا۔

محترمہ سیتارمن نے تجارت اور ٹیکس افسران کے درمیان مثبت مذاکرات کے ذریعے سولیوشنز کو ہم آہنگ کرنے کے لیے باقاعدہ بات چیت کی بھی حوصلہ افزائی کی اور جی ایس ٹی سے متعلق شکایات کے فوری ازالے کے لیے زور دیا اور مزید اصلاحات کی ضرورت والے علاقوں کی  شناخت کے لیے سیکٹر وار آؤٹ ریچ پروگراموں کی سفارش کی۔ مرکزی وزیر خزانہ نے آخری حربے کے طور پر سخت اقدامات کے ساتھ جی ایس ٹی قانون کے نرم نفاذ کی وکالت کی۔

مرکزی وزیر خزانہ نے آئس ٹیب2.0 کا بھی آغاز کیا، جو کہ کسٹمز کے کاموں کے لیے ایک دستی ڈیوائس ہے اور امید ظاہر کی کہ یہ ریئل ٹائم  جانچ رپورٹس کو اَپ لوڈ کرنے اور کارگو کی جلد کلیئرنس میں مدد کرے گا۔

اس سے پہلے اپنے استقبالیہ خطاب میں سی بی آئی سی کے چیئرمین جناب سنجے اگروال نے بتایا کہ سی جی ایس ٹی اُدے پور کی عمارت جدید، توانائی کی بچت کرنے والی اور سبز عمارتوں کے لیے حکومت ہند کے اصولوں کے مطابق ہے۔

یہ کمپلیکس اُدے پور کے پسندیدہ ترین مقامات میں سے ایک پر واقع ہے۔ یہ پروجیکٹ اُدے پور کمشنریٹ میں آنے والے بڑے اضلاع سے رابطے کے چوراہے پر ہے اور جی ایس ٹی ٹیکس دہندگان کے لیے آسان اور فوری طور پر قابل رسائی ہے۔ یہ اُدے پور ریلوے اسٹیشن سے تقریباً 2.5 کلومیٹر اور بس اسٹینڈ سے 3.5 کلومیٹر کے فاصلے پر بھی واقع ہے۔

****

ش ح۔ا گ۔ن ع

U:10160