গুদস এন্দ সর্ভিসেস তেক্স নেৎৱার্ক (GSTN)না প্রিদিক্তিব এনালাইতিক্সকী খুত্থাংদা তেক্স কম্প্লায়েন্সতা ইন্নোভেসন তৌনবা ইনিসিএতিব অমা ওইরিবা GST এনালাইতিক্স হেকাথোন পাংথোক্লি। চেলেঞ্জা অসিনা GST এনালাইতিক্স ফ্রেমৱার্ক্কীদমক প্রিদিক্তিব মোদেল অমা দিবেলপ তৌনবা ভারতকী মহৈরোয়শিং, রিসর্চরশিং অমসুং স্তার্তঅপশিং অমদি কম্পনীশিংদগী প্রোফেস্নেলশিং ইনভাইৎ তৌরি। হেকাথোন অসি অসি রেজিস্ত্রেসন হৌবদগী দিবেলপ তৌরবা প্রোতোতাইপশিং পীশিনবগী অরোইবা তাং ফাওবা নুমিৎ 45 পাংথোক্কনি।

GST এনালাইতিক্স হেকাথোনগী ইলিজিবিলিতী, মনা অমসুং অতৈ অকুপ্পা ৱারোলশিং:

ইলিজিবিলিতী: একাদেমিক ইন্সতিত্যুসনশিং নত্ত্রগা বিজিনেস ওর্গনাইজেসনশিংদা এফিলিএৎ তৌবা ইন্দিয়ন নেস্নেলশিংগীনা য়াওবা য়াই।

মনাশিং: শরুক য়ারিবশিংনা লুপা লাখ 50গী অপুনবা প্রাইজ পুলগীদমক কম্পিতি তৌগনি, মসিদা লুপা লাখ 25গী অহানবা মনা, লুপা লাখ 12গী অনিশুবা মনা, লুপা লাখ 7গী অহুমশুবা মনা অমসুং লুপা লাখ 1গী কন্সোলেসন প্রাইজশিং য়াওরি। অহেনবা ওইনা নুপী ঙাক্তা ওইবা বেস্ত পর্ফোরমিং তীমদা লুপা লাখ 5গী অখন্নবা মনা য়াওরি।

রেজিস্ত্রেসন অমসুং শরুক য়াবা: tশরুক য়াগদৌরিবশিংনা রেজিস্তর তৌবা অমসুং দেতা সেৎশিং অমসুং কম্পিতিসন গাইদলাইনশিং য়াওনা অকুপ্পা ৱারোলশিং মসিদা ফংগনি:

https://event.data.gov.in/event/gst-analytics-hackathon/

ইলিজিবল ওইবা ইন্নোভেতর পুম্নমক্না GSTদা এদভান্স এনালাইতিক্স মোদেল অমা শেম্নবা শরুক য়ানবা ইনভাইৎ তোখি। GSTNগী ইনিসিএতিব অসিনা পর্সনেল রিৱার্দশিংগী স্কোপকা লোয়ননা জাতি শেমগৎনবগী মাইকৈদা ইন্নোভেৎ তৌনবা অমদি শরুক য়ানবা অফবা খুদোংচাবা অমা পীগনি।

****