নেসনেল হ্যুমেন রাইতস কম্মিসন (NHRC), ইন্দিয়ানা ওগস্ত ১৯ অমসুং ২১ ২০২৪দা অন্ধ্র প্রদেশতা ফুদ পোইজনিংনা শাথিবা মওংদা অনা অয়েক থোকহনখিবগী মতাংদা ফোংবা মীদিয়া রিপোর্তশিংগী সু মোতু কোগনিজেন্স লৌখৎখ্রে। ত্থৌদোক অমদা, চিতুর এপোলো হেল্থ য়ুনিভর্সিতীদা মহৈরোই ৭০ গী হকশেলদা শাথিবা মওংদা অনা অয়েক য়াওখি। মখোয় চিতুর গবর্নমেন্ত হোস্পিতালদা লাইয়েং চত্থরি। অতোপ্পা থৌদোক অমদনা, অনাকাপল্লি জিল্লাদা লৈবা ওর্ফানেজ অমদা লৈবা অঙাং অহুম শিবা য়াওনা অঙাং ৩৭না অনা অয়েক য়াওখি। মখোয় অনাকাপল্লি অমসুং বিশাখাপতনমগী তোঙান-তোঙানবা হোস্পিতালশিংদা লাইয়েংলি।

কম্মিসন অসিনা পাউগী মরোলশিং য়েনশিনবগা লোইননা করিগুম্বা চুম্লম্লবদি, ভিক্তিমশিং অসিগী মীওইবগী হক্তা চাউনা খোংগাওনবগী থৌদোক লৈগনি। থৌদোক অনিমক্তা মরী লৈনবা ওথোরিতীশিংনা মতীক চাবা চীঞ্জাক্কী মগুন অমসুং হকশেলশিং ইন্মেতশিংদা পীদবগী মমি তাইরি।

মসিগী মতুং ইন্না, কম্মিসন অসিনা অন্ধ্র প্রদেশকী চীফ সেক্রেতরী অমসুং দিরেক্তর জেনরেল ওব পুলিসতা থৌদোক অনিসিগী মতাংদা চয়োল অনিগী মনুংদা অকুপ্পা মরোল পীখৎলক্নবা নোতিস থোকখ্রে। এফ.আই.আর. অমসুং ফুদ পোইজনিংগী ভিক্তিমশিংগী হকচাংগী ফিভমগী মতাং রিপোর্ত অসিদা পনগদবনি হায়রি। রিপোর্ত অসিদা নুংঙাইতবা থৌদোক অসিবু অমুক হন্না হলহন্দনবা লৌখৎপা য়াবা খোঙথাংশিং পনগদবনি হায়রি।

***