নেস্নেল সেন্তর ফোর গুদ গবর্নেন্স (এন.সি.জি.জি.)না শ্রী লঙ্কাগী মিদ-কেরিয়র সিভিল সর্ভেন্তশিংগী 5শুবা কেপাসিতী বিলদিং প্রোগ্রাম হৌদোকখ্রে। চয়োল অনি চত্থগদবা প্রোগ্রাম অসি ওগস্ত 19, 2024দগী ওগস্ত 30, 2024 ফাওবা পাংথোক্কনি অমসুং মসিদা শ্রী লঙ্কাগী সেনিয়র এসিস্তেন্ত সেক্রেতরী, এসিস্তেন্ত সেক্রেতরী, এদিস্নেল দিবিজনেল সেক্রেতরী, জোনেল দেপ্যুতী কম্মিস্নর অমসুং নুপীশিংগী য়াইফ য়ুম্বাল মন্ত্রালয়, শেল থুম মন্ত্রালয়, ঙাক শেল মন্ত্রালয়, পব্লিক সেক্যুরিতী মন্ত্রালয়, শ্রী লঙ্কা ইন্সতিত্যুত ওফ দিভেলপমেন্ত এদমিনিস্ত্রেসন (এস.এল.আই.দি.এ.) অমসুং সরকারগী অতোপ্পা বিভাগশিংগী দাইরেক্তর কয়াগা লোয়ননা মিদ-কেরিয়র সিভিল সর্ভেন্ত 39না শরুক য়ারি।

নেস্নেল সেন্তর ফোর গুদ গবর্নেন্স (এন.সি.জি.জি.)গী দাইরেক্তর জেনেরেল অমসুং দিপার্তমেন্ত ওফ এদমিনিস্ত্রেতিব রিফর্ম অমসুং পব্লিক গ্রাইভেন্স (দি.এ.আর.পি.জি.)গী সেক্রেতরী, শ্রী ভি. শ্রিনিভাসনা থৌরম অসিগী হুম্নিশুবা নুমিত্তা থৌরম অসিদা শরুক য়ারিবা সিভিল সর্ভেন্তশিংগা ৱারী শাখি। মহাক্কী ৱারোলদা, এদমিনিস্ত্রেতিব প্রেক্তিস কয়াদা অৱাংবা থাক অমা শেম্বা ঙমখ্রবা ভারতকী মশক থোক্লবা গবর্নেন্স মোদেল কয়াদা মহাক্না অহেনবা মিৎয়েং চঙখি। মিলিয়ন 3.7 হেনবা ফাইল কয়া দিজিতেলদা প্রোসেস তৌবা ই-ওফিস, অমদি দিজিতেল ইন্দিয়াগী খোঙথাং মখাদা আধার ইন্তিগ্রেসন তৌবগুম্বা খোঙথাং কয়ানা মায় পাকখিবগী খুদম কয়া পীরদুনা, শ্রী ভি. স্রিনিভাসনা আধারগুম্বা ইন্নোভেসনশিং অসিনা লৈঙাকপগী থৌওংদা কয়া য়াম্না তেংবাংবগে হায়বগী খুদম উৎখি। মীয়ামগী য়াইফ য়ুম্বালদা হেল্থকেয়র স্কিমশিংনা শাফু কয়া য়াম্না পীখ্রবগে হায়বশু মহাক্না পাউদমখি।

চৎনবী খেন্নবা অমসুং অমত্তা ওইনা শিজিন্নমিন্নবা লৈঙাকপগী থৌওং কয়াবু পাক চাউনা খঙহন্নবা শেম শারবা প্রোগ্রাম অসিগী দিজাইন্দা মহাক্না মখা তানা মীয়ামগী পুক্নিং চীংশিনখি। মসিগুম্বা এক্সপোজর অসিনা শরুক য়ারিবা মীওইশিংগী মফমদা মখোয়গী মীয়ামগী কান্নবা পীনবা লৈঙাকপগী অফবা মোদেলশিং খঙবা অমসুং থবক ওইনা পায়খৎপদা মমল নাইদ্রবা পাউতাক কয়া পীগনি হায়না মহাক্না হায়খি।

চয়োল অনিগী প্রোগ্রাম অসিনা গবর্নেন্সকী ৱাহন্থোক হোংলক্লিবা, দিজিতেল ইন্দিয়া, দি রাইত তু সর্ভিস – ইজ ওফ লিভিং, স্বামিত্ব স্কিমগী মখাদা লেন্দ রেকোর্দ শেন্নবা, এপ্সিরেস্নেল দিস্ত্রিক্ত প্রোগ্রাম, ইং 2030 ফাওবদা এস.দি.জি. ফংনবা খোঙথাং, আয়ুশমান ভারত প্রধান মন্ত্রী জন আরোগ্য য়োজনা অমদি ওতোপ্পগুম্বা হীরম কয়াগী কোনগনি। শরুক য়ারিবশিংনা ফোরেস্ত রিসর্চ ইন্সতিত্যুত (এফ.আর.আই.), উত্তর প্রদেশকী শাম্লিগী দিস্ত্রিক্ত এদমিনিস্ত্রেসন, ফোরেস্ত, ইনভাইরনমেন্ত অমদি ক্লাইমেত চেঞ্জ মন্ত্রালয়, প্রধান মন্ত্রী ম্যুজিয়ম অমসুং তাজ মহলগী ফিল্দ ভিজিত চৎকনি।

পনবা য়াবা ৱাফমদি, এন.সি.জি.জি.না হৌজিক ফাওবদা শ্রী লঙ্কাগী সেনিয়র অমসুং মিদ কেরিয়র ওফিসর 174দা ত্রেনিং পীখ্রবনি। ইং 2014দা লিংখৎখিবা নেস্নেল সেন্তর ফোর গুদ গবর্নেন্স অসি ভারত অমসুং অতোপ্পা লৈবাক্কী সিভিল সর্ভেন্তশিংদা ত্রেনিং পীনবা লিংখৎপনি। সেন্তর অসিনা চহি কয়া অসিদা বাঙ্গলাদেশ, কেনয়া, তাঞ্জানিয়া, তুনিসিয়া, সেচেল্স, গেম্বিয়া, মালদিব, শ্রী লঙ্কা, অফঘানিস্তান, লাওস, ভিএতনাম, নেপাল, ভুতান, ম্যান্মার, ইথিওপিয়া, ইরিত্রিয়া, সোমালিয়া, খা অফ্রিকা, ইন্দোনেসিয়া, মদাগাস্কর, ফিজি, মোজাম্বিক অমসুং কম্বোদিয়াগুম্বা লৈবাক কয়াগী ওফিসর মশিং কয়া অমদা ত্রেনিং পীখ্রে।

এন.সি.জি.জি.গী এসোসিএত কোর্স কো-ওর্দিনেতর অমসুং ফেকলতী ওইরিবা দাঃ এ.পি. সিং, দাঃ এম.কে. ভন্দারী, শ্রী সঞ্জয় দত পন্ত, প্রোগ্রাম এসিস্তেন্ত, মোনিশা, ৱাই.পি. অমসুং এন.সি.জি.জি. তীম্না প্রোগ্রাম অসিবু য়েংশিল্লি।

*********