ভারত সরকারগী লৌউ-শিংউ অমসুং লৌমীশিংগী য়াইফ-থৌরাং মন্ত্রালয়না লৌউ-শিংউ অমসুং লৌমীশিংগী য়াইফ-থৌরাং মন্ত্রালয়গী সেক্রেতরী শ্রী দেভেশ চতুর্ভেদীগী মীৎয়েং মখাদা ঙসি নই দিল্লীদা জাতিগী থাক্কী মীফম অমা পাংথোকখ্রে। থৌরম অসিদা লৈবাক শীনবা থুংনা এগ্রিকলচরেল স্তেতিস্তিক্স ফগৎহন্নবা পান্দম থম্লিবা খ্বাইদগী নৌবা থৌরাংশিংগী মতাংদা খন্ন-নৈন্নবা রাজ্য পুম্নমক্কী মকোক থোংবা ওফিসিএলশিং শরুক য়াখি। মসিগী খোঙথাংশিং অসিনা পোলিসী শেম্বা, ললোন-ইতিক্কী ৱারেপ লৌবা অমসুং লৌউ-শিংউগী থৌরাং তৌবদা মরুওইবা লৌউ-শিংউগী স্তেতিস্তিক্সকী অচুম্বা, থাজবা য়াবা অমসুং ত্রান্সপরেন্সী হেনগৎহন্নবা পান্দম থম্লি।

কনফরেন্স অসিগী মরুওইবা মীৎয়েং অসি লৌউ-শিংউগী পোত্থোক পুথোকপগী চাং হেনগৎহনবা অমসুং দেতাগী অচুম্বা হেনগৎহন্নবা তেক্নোলোজী পুন্সিনবদা ওইখি। চৎলিবা চহি অসিগী বজেৎকী ৱারোলদা লাউথোকখিবা দিজিতেল ক্রোপ সর্ভে অসিনা মহৈ-মরোংগী অকক্নবা এরিয়া এস্তিমেসনগী লম্বী য়াৎলি। মসিনা মহৈ-মরোংশিংগী জিওতেগ তৌরবা মফমশিংগা লোয়ননা প্লোৎ লেবেলগী দেতা ফংহল্লগনি অমসুং অচুম্বা ৱারোলগী সোর্স অমা ওইনা মথৌ তৌগনি। লৈবাক শিনবা থুংনা মরুওইবা মহৈ-মরোং পুম্নমক্কীদমক সাইন্তিফিক ওইনা দিজাইন তৌরবা ক্রোপ কত্তিং এক্সপরিমেন্তশিংদা য়ুম্ফম ওইদুনা মহৈ-মরোংশিং অদু কেলক্যুলেৎ তৌনবা দিজিতেল জেনরেল ক্রোপ ইস্তিমেসন সর্ভে (DGCES) ইনিসিএতিবশিং অসিনা মহৈ-মরোং পুথোকপগী হেন্না চুম্বা এস্তেমেসনশিং তৌবা ঙম্নবা লৌবুক্তগী হকথেংননা রিএল-তাইম অমসুং থাজবা য়াবা দেতা ফংহল্লগনি হায়না পানরি।

কনফরেন্স অসিনা রিমোৎ সেন্সিং, জিওস্পাসিএল এনালাইসিস অমসুং আর্তিফিসিএল ইন্তেলিজেন্সকুম্বা খ্বাইদগী নৌবা তেক্নোলোজীশিং অসি মহৈ-মরোং পুথোকপগী দেতাগী অচুম্বা অমসুং থাজবা হেনগৎহন্নবগী তঙাইফদবা অদু পনখি। লৌউ-শিংউ অমসুং লৌমীশিংগী য়াইফ-থৌরাং বিভাগনা লৌখৎলিবা তোঙান-তোঙানবা খোঙথাংশিংগী মতাংদা নৌনা শেমদোক্লবা FASAL (ফোর্কাস্তিং এগ্রিকলচরেল আউৎপুৎ য়ুজিং স্পেস, এগ্রো-মেতেওরোলোজী, এন্দ লেন্দ-বেজ ওবজর্বেসন্স) গী খুত্থাংদা মহৈ-মরোং পুথোকপগী স্তেতিস্তিক্স পুথোকপদা তেক্নোলোজী শীজিন্নবগী মতাংদা কুপ্না খন্নখি। অনৌবা ভর্জন অসিনা রিমোৎ সেন্সিং তেক্নোলোজী শীজিন্নদুনা মরুওইবা মহৈ-মরোং 10গীদমক অচুম্বা ক্রোপ মেপ অমসুং এরিয়া এস্তিমেসন পুথোক্লি। মহৈ-মরোংগী ফোর্কাস্তকী মতাংদা স্পেস এপ্লিকেসন সেন্তর, ইন্দিয়ন এগ্রিকলচরেল রিসর্স ইন্সতিত্যুৎ, ইন্দিয়ন স্তেতিস্তিকল ইন্সতিত্যুৎ, ইন্দিয়ন এগ্রিকলচরেল স্তেতিস্তিকল রিসর্স ইন্সতিত্যুৎ অমসুং ইকনোমিক গ্রোথ ইন্সতিত্যুৎগুম্বা তোঙান-তোঙানবা অখন্নবা এজেন্সীশিংগা খুৎশম্নদুনা থবক পায়খৎলি। ইন্সতিত্যুসনশিং অসিনা পান ইন্দিয়াগী থাক্তা খনগৎলবা মহৈ-মরোংশিংগী পোত্থোক্কী এস্তিমেৎশিং পুথোক্নবা তোঙান-তোঙানবা মোদেলশিংদা থবক তৌগনি। অসিগুম্বা মোদেলশিং অসিসু রাজ্য কয়া অমনা ক্রোপ ইন্সুরেন্সকী য়েস-তেক ইনিসিএতিবশিংগী মখাদা শীজিন্নরি।

কনফরেন্স অসিগী অতোপ্পা মরুওইবা হীরম অমা হায়রগদি UPAg পোর্তেল শীজিন্নদুনা লৌউ-শিংউগী দেতা ত্রাইএঙ্গুলেত তৌবা অমসুং ভেলিদেত তৌবা অসিনি। প্লেতফোর্ম অসিনা লৌউ-শিংউগী স্তেতিস্তিক্সকী মপাঙ্গল কনখৎহন্নবা, সোর্স ময়ামদগী দেতা ক্রোস-ভেরিফিকেসন তৌবা য়াহনগনি। মসিদা অকক্নবা মহৈ-মরোংগী এস্তিমেৎশিং পুথোক্নবা তোঙান-তোঙানবা সোর্সশিং পুনশিন্নবা এদভান্স দেতা মেনেজমেন্ত সিস্তেম অমা লৈ। মসিনা ইভিদেন্সতা য়ুম্ফম ওইবা ৱারেপ লৌবদা মতেং পাংই অমসুং পোলিসী শেম্বা মীওইশিং অমসুং স্তেকহোল্দরশিংনা লৌউ-শিংউগী দেতা ফংনবগী সেন্ত্রেল হব অমা ওইনা মথৌ তৌই।

নেস্নেল সেম্পল সর্ভে ওফিসনা CCEগী ক্বালিতী অমসুং ইন্দিপেন্দেন্ত এজেন্সীনা রাজ্যগী থাক্তা মহৈ-মরোং থাবগী চাংদম্নবগীদমক তাঙ্কক নাইবা প্লানগা লোয়ননা মহৈ-মরোং থাবগী এক্সপরিমেন্তশিং য়েংশিনবা হেনগৎহন্নবা এগ্রিকলচর অমসুং ফার্মর্স ৱেলফেয়র দিপার্তমেন্তনা MoSPI গা খুৎশম্নখিবা অদুসু কনফরেন্সনা পনখি।

কনফরেন্স অদুদা অনৌবা থৌরাংশিং অসিগী কান্নবশিং অদু শন্দোক্না তাকপা অকুপ্পা প্রজেন্তেসন অমসু য়াওখি। দিজিতেল সর্ভেশিং অমসুং অৱাংবা থাক্কী তেক্নোলোজীশিং শীজিন্নবনা মতৌ করম্না হেন্না কান্নবা দেতা খোমজিনবদা, খেন্নবা হন্থহনবদা, অমসুং অরোইবদা লৌউ-শিংউগী সেক্তরদা হেন্না ফবা পোলিসী শেমবদা মতেং পাংগদগে হায়বদু প্রজেন্তেসন অদুদা ফোংদোকখি।

শ্রী দেভেশ চতুভেদীনা লৌউ-শিংউগী স্তেতিস্তিক্সকী ক্বালিতী হেনগৎহন্নবগী অপুনবা পান্দম অসি ফংনবা কেন্দ্র অমসুং রাজ্য সরকারশিংগী মরক্তা লেপ্পা লৈতনা খুৎশম্নবা মথৌ তাবগী মতাংদসু অকনবা ৱাফম থমখি। মহাক্না রাজ্যশিংদা অনৌবা খোংথাংশিং অসি অথুবা মতমদা লৌখৎনবা অমসুং মখোয়বু মপুং ফানা চৎনহন্নবা পুক্নিং থৌগৎখি।

কনফরেন্স অসি রিফোর্মশিং অসিগী মরুওইবা অমসুং ভারতকী লৌউ-শিংউগী সেক্তরগী অপুনবা চাউখৎপদা য়াম্না মরু ওইরিবা এগ্রিকলচরেল স্তেতিস্তিক্স ফ্রেমৱার্ক অসি মপাঙ্গল কনখৎহন্নবা পুন্না থবক তৌমিন্ননবা রাজ্য পুম্নমক্কী অচেৎপা ৱাফমগা লোয়ননা লোইশিনখি।

***