সাইন্স অমসুং তেক্নোলোজী মন্ত্রালয়
দ্রগ পীবগী থৌওংনা ফঙ্গেল ইনফেক্সন লাইয়েংবগী থৌওং হেন্না ফগৎহনবা ঙমগনি
Posted On:
20 AUG 2024 1:09PM by PIB Imphal
দ্রগ পীবগী তোপ-তোপ্পা থৌওং অমনা অজমা, সিস্তিক ফাইব্রোসীস, নত্ত্রগা প্রিভিয়স লং দিজিজ, হ্যুমেন ইম্ম্যুনোদিফিসিএন্সী সীন্দ্রোম (ঐচ.আই.ভি.), কেন্সর নত্ত্রগা অশাংবা মতমগী ওইনা কোর্তিকোস্তেরোইদ হিদাক চাবা অনাবশিংদা হেন্না কান্নবা পীবা ঙম্লগনি। দ্রগ অমবু কন্ত্রোল তৌদুনা অমসুং নীংথিনা থাদোকপদা নেনোপার্তিকলশিং অসি য়াম্না কান্নৈ। পোলিমেরিক নেনোপার্তিকল অসিনা দ্রগ দেলিবরীগী খ্বাইদগী থাক ৱাংবা থৌওংনি। এজোল দ্রগশিংনা হৌজিক ফঙ্গেল মেম্ব্রেন্দা এতেক তৌরি অমসুং ফঙ্গাইবু ন্যুত্রেলাইজ তৌহল্লি। অদুবু, হৌজিক লৈরিবা এন্তিফঙ্গেল দ্রগশিং অসিনা মথৌ পাংথোকপা ঙম্লক্তবা অসি পাখৎনীংঙাই ওইরি অমসুং দ্রগ দেলিবরীগী হেন্না ফবা থৌওং অমগী মথৌ তাবা হেনগৎলক্লি, মদু ওইরবদি ইনফেক্সন লাইয়েংবা হেন্না নীংথিনা ঙমগনি। নিক্কোমাইসীন য়াওরবা পোলিমেরিক নানোপার্তিকল পুথোক্নবগীদমক্তা বেক্তরিএল স্ত্রেপ্তোমাইসীস এস.পি.পি.না পুথোকপা নিক্কোমাইসসেন হায়রিবা চিতিন সীন্থেসিস ফঙ্গিসাইদ অমা সাইন্স অমসুং তেক্নোলোজী বিভাগ (দি.এস.তি.)গী ওতোনোমস ইন্সতিত্যুত অমা ওইরিবা অঘার্কর রিসর্চ ইন্সতিত্যুত অসিনা শিজিন্নরি। চিতিন হায়বসি ফঙ্গেল সেলগী মরু ওইবা মচং অমনি অমসুং মসি মীওইবগী হকচাংদা য়াওদে। নেনোপ্রত্তিকল হাপ্লবা দ্রগশিংনা এস্পর্জিল্লস এস.পি.পি. থোকপা থীংই অমসুং এস্পর্জিল্লস ফ্লেবস অমসুং এস্পর্জিল্লস ফ্যুমিগেতস ফঙ্গাইনা থোকহনবা এস্পর্জিল্লোসীস হায়না খঙনবা ফঙ্গেল ইনফেক্সনগী মাইয়োক্তা নীংথিনা মথৌ পাংথোকপা ঙম্লে হায়বা খঙলে। মসিদগী পুথোক্লিবা নেনোফোর্ম্যুলেসন অসি সাইতোতোক্সিক অমসুং হেমোলাইতিক ইফেক্ত য়াওদে হায়বা খঙলে। পলমোনেরী এস্পর্জিল্লোসীসকী মাইয়োক্তা লাইয়েংনবা ইনহেলেসন নেনোফোর্ম্যুলেসন পুথোকহন্নবা হোৎনবদা থৌওং অসি শিজিন্নবদা মতেং পাংবা ঙম্লে হায়বা এ.আর.আই. তীম অসিনা খঙলে। সাইন্তিস্ত দাঃ বন্দনা ঘোর্মান্দে অমসুং পি.ঐচ.দি.গী মহৈরোই কমল মায়ত্তুনা লুচিংদুনা পাংথোকপা রিসর্চ অমবু জৈতক্রিফ ফর নাতুরফোর্চুং সি. জর্নেলদা ফোঙখ্রে। মসিগুম্বা নেনো ফোর্ম্যুলেসনগী থৌওং পাকথোক চাউথোকহনবা অমসুং তুংগী মতমদা মসিবু কম্মর্সিএল ওইহন্নবা পব্লিক-প্রাইভেত পার্ত্নরশিপ অমা লৈরাকপা য়ারগনি হায়না তীম অসিনা থাজবা থম্লি।
পব্লিকেসনগী লিঙ্কঃ https://doi.org/10.1515/znc-2023-0185
![](https://static.pib.gov.in/WriteReadData/userfiles/image/Screenshot2024-08-20131106O92X.png)
নিক্কোমাইসীন য়াওরবা পোলিমেরিক নেনোপার্তিকল য়াওবা মতমদা পোকখায়বগী মতৌ উৎলিবা এস্পর্জিল্লস ফ্যুমিগেতস হাইফেলগী মতোন
***
(Release ID: 2046886)
Visitor Counter : 34