ঙাকশেল মন্ত্রালয়
ঙাকশেল মন্ত্রী শ্রী রাজনাথ সিংহনা অনৌবা আই.সি.জি. মেরিতাইম রেস্ক্যু কোওর্দিনেসন সেন্তর বিল্দিং চেন্নৈদা শঙ্গাখ্রে
চেন্নৈদা রিজনেল মেরিন পোলুসন রেস্পোন্স সেন্তর অমসুং পুদুচেরীদা কোস্ত গার্দ এয়র এনক্লেব ভর্চুএল ওইনা হৌদোকখ্রে
লিংখৎলিবশিং অসিনা মেরিতাইম সেক্যুরিতী মপাঙ্গল হেনগৎহল্লগনি অমসুং এমর্জেন্সী লাকপদা মতম চানা পাউখুম পীবা ঙম্লগনি
Posted On:
18 AUG 2024 6:48PM by PIB Imphal
ঙাকশেল মন্ত্রী শ্রী রাজনাথ সিংহনা ওগস্ত ১৮, ২০২৪দা তমিল নাদুগী চেন্নৈদা নৌনা শাগৎপা ইন্দিয়ন কোস্ত গার্দ (আই.সি.জি.) মেরিতাইম রেস্ক্যু কোওর্দিনেসন সেন্তর বিল্দিং শঙ্গাখ্রে। মহাক্না চেন্নৈ পোর্ত্তা রিজনেল মেরিন পোলুসন রেস্পোন্স সেন্তর অমসুং পুদুচেরীদা কোস্ত গার্দ এয়র এনক্লেব ভর্চুএল ওইনা হৌদোকখি। বিল্দিংশিং অসি লৈবাক অসিনা মেরিতাইম সেফতী অমসুং অকোইবগী ফিভম ঙাকশেনবা হেনগৎহন্দুনা মেরিতাইম সেক্যুরিতী মপাঙ্গল হেনগৎনবা অমসুং এমর্জেন্সী লাকপদা মতম চানা পাউখুম পীবা ঙম্নবা লিংখৎপনি।
মেরিতাইম রেস্ক্যু কোওর্দিনেসন সেন্তর
অসিগুম্বা ইনৌ নৌবা ফেসিলিতী অসিনা শমুদ্রদা অৱাবা তারবা মেরিনর অমসুং ঙামীশিংদা মেরিতাইম রেস্ক্যু ওপরেসন চত্থবদা মতেং পাংনবা অমসুং খুদোংচাবা হেনগৎনবা পান্দম থম্লি। মসিনা লৈঙাক অসিনা অরুবা ফিভমশিংদা খোঙলৈ থুনা পাউখুম পীনবা অমসুং মীওইবগী পুন্সি কন্নবা হোৎনরি হায়বা তাক্লে। সেন্তর অসিদা তেরেস্ত্রিএল অমসুং সেতলাইত সিস্তেমগী খুত্থাংদা দিস্ত্রেস মোনিতরিং তৌনবা খ্বাইদগী নৌবা খুৎলাইশিং লিংখৎলে অমসুং আই.সি.জি.গী সর্চ অমসুং রেস্ক্যুগী থবকশিংদা নীংথিনা ত্রেন তৌরবা পার্সনেলশিংনা রেস্ক্যু এয়রক্রাফ শিপ অমসুং অতৈ ফেসিলিতীশিংগা লোইননা রিএল তাইম মেনেজমেন্ত এলর্তশিংগীদমক খুমাং চাউশিল্লবা খুৎলাইশিং হাপ্লি।
রিজনেল মেরিন পোলুসন রেস্পোন্স সেন্তর
মসি মেরিন পোলুসন, মরুওইনা ইন্দিয়ন ওসিন রিজনগী কোস্তেল ওইবা রাজ্যশিংদা থাউ অমসুং কেমিকেল পোলুসন লাকপদা মতেং পাংননবা ইনৌ নৌবা মখলগী ফেসিলিতীনি। হায়রিবা সেন্তর অসি শেম্বসি ঙাকশেল মন্ত্রী রাজনাথ সিংহনা কেম্বোদিয়াদা নবেম্বর ২২, ২০২২দা ইহান হানবা ওইনা পাঙথোকপা ইন্দো-এসিন মীফমদা লাউথোকখি।
হায়রিবা সেন্তর অসি লিংখৎপগী থবক অসি কোস্ত গার্দ রিজনেল হেদক্বার্তর ইস্তনা চেন্নৈ পোর্ততা লৈবা মখোয়গী জগাদা হৌখি। মসিদা আই.সি.জি. পার্সনেলশিংনা মেরিন ওইল পোলুসন ইন্সিদেন্তশিং ২৪X৭ মোনিতর তৌনবা এমর্জেন্সী রেস্পোন্স সেন্তর অমা লৈ। সেন্তর অসিনা তোঙান-তোঙানবা ওর্গানাইজেসনশিং হায়বদি পোর্ত, ওইল হেন্দলিং এজেন্সীশিং, লৈঙাক্কী ওর্গানাইজেসনশিং অমসুং প্রাইবেত পার্তিসিপেন্তশিংদা পোলুসন রেস্পোন্স তেক্নিকশিংগী ত্রেনিং পীরি। মসিনা মরুপ মপাং শানরিবা লৈবাকশিংদগী পার্সনেলশিংসু শমুদ্রদা থোকপা থাউগী পোলুসন থেংননবা ত্রেনিং পীরি। প্রেক্তিকেল ত্রেনিংদা তোঙান-তোঙানবা থাউ হেন্দল তৌনবা খুৎলাইশিং রিএল তাইম ওইল স্পিল সিনারিওশিংদা থেংননবা য়াওরি।
কোস্ত গার্দ এয়র এনক্লেব
ফেসিলিতী অসিনা আই.সি.জি.গী ওইনা য়াম্না মশক থোকপা মায় পাকপা অমনি অমসুং মসিনা পুদুচেরী অমসুং খা তমিল নাদু কোস্তদা মেরিতাইম সেক্যুরিতী পীবদা মরুওইবা থৌদাং লৌগনি। এয়র এনক্লেব অসিদা চেতক অমসুং এদভান্স লাইত হেলিকোপতর স্ক্বাদ্রোনশিং থমগনি। হায়রিবা হেলিকোপতর অনিমক অসি লমদম অসিদা শাজবা অমসুং মেরিতাইম পেত্রোল, সর্চ এন্দ রেস্ক্যু অমসুং অতৈ অসিগুম্বা মিসনশিং কংফাল অমসুং শমুদ্রদা পেত্রোলিং চত্থরিবা কোস্ত গার্দ শিপশিংদগী পায়খৎপা ঙম্মি।
ঙাকশেল মন্ত্রালয়, আই.সি.জি. অমসুং আর্ম্দ ফোর্সেসতগী মকোক থোংবা ওফিসরশিং, রাজ্য সরকারশিংদগী শক্নাইরবা মীওইশিং, অমসুং মরুপ মপাং শানরিবা লৈবাকশিংদগী মীথুংলেনশিংনা থৌরম অদুদা শরুক য়াখি।
***************
(Release ID: 2046482)
Visitor Counter : 32