কমর্স অমসুং ইন্দস্ত্রী মন্ত্রালয়
এপেদানা থৈবোং মহী পোলেন্দদা ইহান হানবা ওইনা থাখ্রে
Posted On:
17 AUG 2024 9:29AM by PIB Imphal
এগ্রিকলচরেল অমসুং প্রোসেস ফুদ প্রদক্ত এক্সপোর্ত দিবেলপমেন্ত ওথোরিতী (এপেদা)না ভারতকী ইহান হানবা থকপা য়ারবা জি.আই. তেগ তৌরবা পুরান্দর থৈবোং থৈবোং মহী পোলেন্দতা থাখ্রে। এপেদাগী চীয়রমেন শ্রী অভিশেক দেবনা স্তেকহোল্দর কয়াগা লোইননা লমথাখিবা অসিগুম্বা ইহান হানবা শিপমেন্ত অসি জর্মনিগী হেম্বর্গ পোর্তকী খুত্থাংদা ওগস্ত ১, ২০২৪দা থাদোকখি। থৌরম অসিনা ভারতকী অখন্নবা লৌউশিংউগী পোত্থোকশিং মালেমগী ফম্বাক্তা চলাইবগী মায় পাকপা পুরকখ্রে।
অসিগুম্বা অনৌবা থৈবোং মহীগী খোঙচৎ অসি গ্রেতর নোইদা, নৈ দিল্লীদা পাঙথোকখিবা এস.আই.এ.এল. ২০২৩গী মনুংদা এপেদা পেভিলিয়নদগী হৌখি। মালেমগী লল্লোন ইতীক্কী শোকাস্ত অসিনা পোত্থোক অসিনা মালেমগী কৈথেলদা ইহান হানবা ওইনা খঙহনবা হৌখি। পুরান্দার হায়লেন্দ ফারমর প্রদ্যুসর কম্পেনীনা পুথোকপা থৈবোং মহী অসিনা মীয়ামগী পুক্নিং চিংশিনখি অমসুং থৌরম অদুদা মনা অমা ফংখি, মসিদা ইন্তর্নেসনেল মার্কেতকী শক্তিসু উৎখি।
এপেদাগী লেপ্পা লৈতনা শৌগৎপীবা অমসুং মতেং পাংবনা পোত্থোক অসি পুথোকপা অমসুং মপান্দা থাদোকপদা মরুওইবা মতেং ওইখি। অতেকপা জি.আই. তেগ তৌরবা পুরান্দার থৈবোংশিংনা ইহান হানবা ওইনা ২০২২দা হেম্বর্গদা থাদোকখিবদগী এপেদানা অপীকপা লৌমীশিংগা লোইননা থবক পায়খৎমিন্নরক্লি। প্রোভিজনেল পেতেন্ত পীরবা পোত্থোক অসিনা লৌউশিংউগী সেক্তরদা মশক থোকপা ইন্নোভেসন অমা উৎলি।
থৈবোং মহী অসি রিমিনি ইতলিগী মেকফ্রুত ২০২৪ দা এপেদানা শৌগৎতুনা উৎখি, মসিনা মালেমদা য়ৌবা ঙমহনবদা হেন্না মতেং ওইখি। থৌরম অসিদা ভ্রোক্লো, পোলেন্দদা লৈবা এম.জি. সেল্স এস.পিদগী হংলকপা য়াওনা লৈগদবা কয়াদগী পোজিতিব রেস্পোন্স ফংখি, মসিনা এক্সপোর্তকী লমদা মশক থোকপা হৌখি।
মায় পাকপা অসিনা ভারতকী লৌউশিংউগী পোত্থোকশিংগী শক্তি উৎপদা নত্তনা রিসর্চ অমসুং দিবেলপমেন্তনা লৌউশিংউগী পোত্থোকশিং মপান্দা থাদোক্নবা হোৎনবদা লৌরিবা থৌদাংসু উৎখি। অসিগুম্বা মায় পাকপা অসিনা ভারতকী এগ্রো প্রদক্তশিংগী শক্তি উৎলে অমসুং তুং কোইনা চৎপা য়াবা লৌঊ পথাপ অমসুং এক্সপোর্ত্তা এফ.পি.সি.গী থৌদাং তাক্লে।
***
(Release ID: 2046323)
Visitor Counter : 49