ইন্দিয়ন এয়র ফোর্স (আই.এ.এফ.) অমসুং ইন্দিয়ন আর্মীনা পুন্দুনা চাউরাকপা ফীত 15,000গী অৱাংবদগী মখোয়গী খ্বাইদগী অহানবা আরোগ্যা মাইত্রী হেল্থ ক্যুবকী প্রিসাইস পেরা দ্রোপ ওপরেসন পাংথোকখ্রে। হায়রিবা ক্রিতিকেল ত্রোমা কেয়র ক্যুব অসি প্রোজেক্ত ভিসমা (ভারত হেল্থ ইনিসিএতিব ফোর সহয়োগ হিত অমসুং মাইত্রী)গী মখাদা লৈবাক অসিদা শাজবনি। ওপরেসন অসি প্রধান মন্ত্রী শ্রী নরেন্দ্র মোদীনা হ্যুমেতরিয়ন এদ অমসুং দিজাজতর রীলিফ (ঐচ.এ.দি.আর.)কী খুদোংথীবা নংলবা মফমশিংদা তঙাই ফদবা সপ্লাই ফংহনবা হায়বা পান্দমগা মরী লৈননা পাংথোকপনি।

আই.এ.এফ.না পোৎলমশিং নোংথক্তা পুনবা এদভান্স তেক্তিকেল ত্রান্সপোর্ত এয়রক্রাফ সি.-130জে. সুপর হর্ক্যুলিস শিজিন্নখি অমসুং ক্যুব অসিবু চপ চাবা মফমদা পেরা দ্রোপ তৌখি। ইন্দিয়ন আর্মীগী পেরা ব্রিগেদ, মথৌ নীংথিনা পাংথোকপা ঙম্বগীদমক্তা খঙনরিবা, অসিনা মখোয়গী এদভান্স ওইরবা প্রিসিজন দ্রোপ ইক্বিপমেন্তশিং শিজিন্নখি। থৌওং অসিনা মসিগুম্বা অখন্নবা মিলিতরী এসেতশিং অসিনা খ্বাইদগী খুদোংচাদবা মফমশিংদা ঐচ.এ.দি.আর. ওপরেসন্দা নীংথিনা তেংবাংবা ঙম্লে হায়বা উৎলি।

পেরা দ্রোপ মায় পাক্না পাংথোক্রুনা ভিসমা ত্রোমা ক্যুব থাদবা ঙমখিবা অসিনা আর্ম্দ ফোর্সশিংনা পুন্না থবক তৌমিন্নবদা মায় পাকপা পুরকপা ঙম্বগী খুদম অমা ওইনা উৎলি অমসুং ফর্স্ত রেস্পোন্দর অমা ওইনা মরী লৈনবা তেংবাং কয়া মতম চানা অমসুং নীংথিনা পাংবা ঙম্বগী মতৌসু উৎলি।

***