প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ঙসি মহারাস্ত্রগী থানে ইন্তিগ্রেল রিং মেত্রো রেল প্রোজেক্ত কোরিদোর অয়াবা পীখ্রে‍। কি.মি. ২৯ শাংবা কোরিদোর অসিনা স্তেসন ২২গা লোয়ননা থানে ময়োল্লমগী নোংচুপথংবা নাকলগী পরিংদা চেনগনি‍। নেতৱর্ক অসি নাকল অমদা উলহাস তুরেলনা অদুগা নাকল নাম্মদনা সঞ্জয় গান্ধী নেস্নেল পার্ক (এস.জি.এন.পি.)না কোয়শিল্লি‍।

কন্নেক্তিবিতী অসিনা তুং কোইগদবা অমসুং অফবা মওংগী চত্থোক চৎশিনগী পাম্বৈ অমা পীদুনা ময়োল্লম অসিবু মাগী শেন্মিৎলোনগী মতিং ফুদোকহন্বদা মতেং ওইহনগনি অমদি লম্বীদা মী চিনবগী চাং হন্থহনগনি‍। প্রোজেক্ত অসিনা গ্রীনহাউস গ্যাস থাদোকপগী চাংসু হন্থহনগনি হায়না পানরি‍।

প্রোজেক্ত কোস্ত অমসুং ফন্দিং:

প্রোজেক্ত অসিগী চাউরাকপা শেঞ্জং লুপা করোর ১২,২০০.১০ ওইদুনা ভারত লৈঙাক অমসুং মহারাস্ত্র লৈঙাক অনিমক্তগী মান্নবা ইকুইতী লৈগনি লোয়ননা বাইলেতরেল এজেন্সীশিংদগী ফন্দিং শরুক খরা য়াওগনি‍।

স্তেসন মমিং য়োন্বা অমসুং কোর্পোরেতশিংগী এক্সেস রাইত, এসেতশি মোনিতাইজ তৌবা, ভেল্যু কেপচরিং ফাইনান্সিং রুতনচিংবা ইনোভেতিব ওইবা ফাইনান্সিংগী থৌওংশিংগী খুত্থাঙদগীসু ফন্দ খোমগৎকনি‍।

অচৌবা বিজিনেস হবশিং শম্নহল্লিবা কোরিদোর অসিনা য়াম্লবা শিন্মী কাঙলুপশিংগী মফমদা অফবা মখলগী চত্থোক চৎশিনগী পাম্বৈ অমা পীগনি‍। প্রোজেক্ত অসি ২০২৯ ফাওবদা লোইশিল্লবা য়াই‍।

হেন্না মরু ওইবা ৱাফম অমনা, মেত্রো লাইন অসিনা নুমিৎ খুদিং চত্থোক চৎশিন তৌবা মীওই লিশিং কয়াদা, মরুওইনা মহৈরোয় অমসুং নুমিৎ খুদিং ওফিস অমদি থবক মফমশিংদা চত্থোক চৎশিন তৌরিবা মীওইশিংদা হেন্না খোঙজেল য়াঙবা অমদি মমল হন্থবা চত্থোক চৎশিনগী পাম্বৈ অমা ফংহন্দুনা কান্নহনগনি‍। প্রোজেক্ত অসিনা ২০২৯, ২০৩৫, অমসুং ২০৪৫দা মথঙশিৎনা নুমিৎ খুদিংগী পেসেঞ্জর লাখ ৬.৪৭, লাখ ৭.৬১ অমসুং লাখ ৮.৭দা চত্থোক চৎশিনগী খুদোংচাবা ফংহনগদৌরি‍।

মহা মেত্রোনা, সিভিল, ইলেক্ত্রোমেকানিকেল, অতৈ মরী লৈনবা ফেসিলিতীশিং, থবকশিং অমসুং মরী লৈনবা এসেতশিংগা লোয়ননা প্রোজেক্ত অসি পায়খৎকনি‍। মহা মেত্রোনা হান্ননা প্রি-বিদকী থবক থৌওংশিং অমসুং তেন্দরগী চে-চাংশিং শেম শাবা হৌখ্রে‍। কন্ত্রেক্তশিং বিদ্দিংগীদমক খুদক্তগী থারগনি‍।

***