নহারোল অমসুং শান্ন-খোৎনবগী মন্ত্রালয়
দা. মনসুখ মন্দাবিয়ানা পেরিস পেরালিম্পিক্স 2024 য়াওবা চৎকদৌরিবা ভারতকী কন্তিঞ্জেন্তদা য়াইফ-মঙ্গোল পীখ্রে; সেন্দ-ওফ সেরেমোনীদা শরুক য়াখ্রে
পেরা-এথলেৎশিংনা ভারতকী থৌনা-লিংজেল তাক্লি অমসুং ঐখোয়গী প্রজা বিলিয়ন 1.4গী ইথিলগী অচৌবা হৌরকফম অমা ওইরি – দা. মন্দাবিয়া
Posted On:
16 AUG 2024 6:58PM by PIB Imphal
য়ুথ এফিয়র্স অমসুং স্পোর্তস অমদি লেবর অমসুং এমপ্লোইমেন্তকী কেন্দ্রগী মন্ত্রী, দা. মনসুখ মন্দাবিয়ানা ঙসি নই দিল্লীদা পাংথোকখিবা পেরিস পেরালিম্পিক্স 2024দা শরুক য়াগদৌরিবা ভারতকী কন্তিঞ্জেন্তদা মহাক্কী য়াইফ পাউজেল পীখি। য়ুথ এফিয়র্স অমসুং স্পোর্তসকী কেন্দ্রগী রাজ্য মন্ত্রী, শ্রীমতি রক্ষা খাদসেসু থৌরম অদুদা শরুক য়াখি।
![](https://static.pib.gov.in/WriteReadData/userfiles/image/image0012V9I.jpg)
শান্নরোয়শিংবু থাগৎলদুনা, দা. মান্দাবিয়ানা হায়খি, “ঐখোয়গী পেরা-এথলেৎশিংনা অপনবশিংবু মায়োক্নবা ঙম্বগী অমসুং শীংনবশিংবু খুদোংচাবদা ওন্থোকপদা অঙকপা তৌবা ঙম্বগী মতিক লৈ। পেরা-এথলেৎশিংনা ভারতকী থৌনা-লিংজেল অদু উৎলি অমসুং ঐখোয়গী প্রজা বিল্লিয়ন 1.8গী ইথিলগী অচৌবা হৌরকফম অমা ওইরি”।
ঐখোয়গী শান্নরোয়শিংদা তঙাইফদবা রিসোর্সশিং পীনবা অমসুং খ্বাইদগী ৱাংবা থাক্কী কম্পিতিসনদা মায় পাক্নবা তেংবাং পীনবা সরকারনা লেপ্পা লৈতনা হোৎনরি হায়না দা. মান্দাবিয়ানা ফোংদোকখি। মহাক্না খেলো ইন্দিয়া ইনিসিএতিবকী মায় পাকপগী মতাংদা পনখি, মসিনা শান্নরোই কয়া খুমাং চাউশিনহনখ্রে, লোয়ননা তার্গেৎ ওলিম্পিক পোদিয়ম স্কিম (TOPS) গী খুত্থাংদা পেরা-এথলেৎ 50দা তার্গেতেদ সপ্পোর্ত পীরক্লি।
![](https://static.pib.gov.in/WriteReadData/userfiles/image/image002D7QG.jpg)
মহাক্না হায়খি, "হন্দক্তি ভারতকী পেরা-এথলেৎশিংগী হেনগৎলক্লিবা শক্তি অমসুং হৈশিংবা উৎতুনা, ঐখোয়না পেরা-এথলেৎ 84গী খ্বাইদগী চাউবা কন্তিঞ্জেন্ত অমা থাগৎলি মখোয়না গেমস 12দা শরুক য়াগনি।" শান্নরোইশিংনা আর্চরী, এথলেতিক্স, বেদমিন্তন, কেনোইং, সাইক্লিং, ব্লাইন্দ জুদো, পাৱরলিফতিং, রোয়িং, শুতিং, স্বিমিং, তেবল তেনিস অমসুং তাইক্বোন্দো য়াওনা শান্ন-খোৎনবগী মখল 12দা শরুক য়াগনি।
কেন্দ্রগী মন্ত্রীনা খুদোংচাবা অসি লৌদুনা শান্নরোইশিং অসিগী ইমুং-মনুং অমসুং কোচশিংনা পীরিবা মতেং অদুগীদমক থাগৎপা ফোংদোকখি। মহাক্না হায়খি, "ঐহাক্না নখোয়গী ইমুং-মনুং অমসুং নখোয়গী খোঙচৎকী হৌরকপদগী নখোয়গা লোয়ননা লেপখিবা কোচশিংদা ঐহাক্কী য়াইফ-পাউজেল পীজরি।"
কেন্দ্রগী মন্ত্রীনা "মচা ধুম" হায়বা অখন্নবা ঈশৈসু হৌদোকখি। মিনিত 3 অমসুং সেকেন্দ 16 শাংবা ঈশৈ অসি শান্নরোইশিংবু পুনশিন্নবা অমসুং কম্পিতিসনগী ৱাখল্লোন ফাওহন্নবা পান্দম থম্লি।
![](https://static.pib.gov.in/WriteReadData/userfiles/image/image003RLTV.jpg)
য়ুথ এফিয়র্স অমসুং স্পোর্তসকী কেন্দ্রগী রাজ্য মন্ত্রী শ্রীমতী রক্ষা খাদসেনা মহাক্কী ৱারোলদা শান্নরোইশিংবু মখোয়গী শীংথানীংঙাই ওইরবা থৌনা অমসুং অখাং কনবগীদমক থাগৎপা ফোংদোকখি। "ঐখোয়গী শান্নরোইশিংনা শীংথানীংঙাই ওইবা মওংদা মপাঙ্গল কনবা ঙম্বগী মওং উৎখ্রে, অমসুং মখোয়গী খোঙচৎ অসি অশেংবা ইথিল অমনি। ঐখোয়না মখোয়বু য়াম্না চাউথোকচরি," হায়না মহাক্না ফোংদোকখি।
ভারতকী পেরালিম্পিক কমিতীগী প্রসিদেন্ত শ্রী দেবেন্দ্র ঝাজরিয়ানা পেরালিম্পিয়নশিংবু মতেং পাংবগীদমক সরকারদা থাগৎপা ফোংদোকখি। মহাক্না পেরিসতা ভারতকী মহুৎ শিন্দুনা চৎনবা শেম-শারিবা শান্নরোইশিংদা চাউথোকচবা পোকহল্লি। মখোয়না মপাঙ্গল অমসুং অখাং কনবা উৎলি।
***
(Release ID: 2046135)
Visitor Counter : 5