زراعت ، کسانوں کی بہبود اور دیہی ترقی کے مرکزی وزیر جناب شیوراج سنگھ چوہان نے آج زراعت اور کسانوں کی فلاح و بہبود اور دیہی ترقی کی دونوں وزارتوں کے صفائی ملازمین، ایم ٹی ایس سے لے کر سکریٹری سطح تک کے ملازمین اور افسران کے ساتھ میٹنگ کی۔ زراعت اور کسانوں کی بہبود کے وزیر مملکت جناب رام ناتھ ٹھاکر اور جناب بھاگیرتھ چودھری اور دیہی ترقی کے وزیر مملکت جناب کملیش پاسوان اور ڈاکٹر چندر شیکھر پیماسانی نے بھی میٹنگ میں شرکت کی۔

جناب شیوراج سنگھ چوہان نے یوم آزادی کے اگلے دن زراعت اور دیہی ترقی کے ساتھ ساتھ آئی سی اے آر کے تمام افسران اور ملازمین سے بات چیت کی۔ جناب چوہان نے یوم آزادی کے موقع پر لال قلعہ سے اپنے خطاب میں زراعت اور دیہی ترقی کے لیے وزیر اعظم جناب نریندر مودی کے دیے گئے ویژن کو پورا کرنے کا عہد کیا۔ انہوں نے کہا کہ ہم 2047 کے روڈ میپ اور ترقی یافتہ ہندوستان کی قراردادوں کو پورا کرنے کے لئے اپنی تمام تر کوششیں اور سخت محنت کریں گے۔ ان کا مزید کہنا تھا کہ وزیراعظم نے کہا کہ تین گنا زیادہ کام کرنے کی ضرورت ہے۔ ہم ان کی رہنمائی میں تین گنا زیادہ محنت کریں گے۔

جناب شیوراج سنگھ نے کہا کہ ہم سب ایک خاندان ہیں، ہم مل کر کام کریں گے۔ انہوں نے پوری ایمانداری اور لگن سے کام کرنے کا عہد کیا۔ جناب چوہان نے تمام ملازمین اور افسران سے عہد بھی لیا۔ انہوں نے عہد لیا کہ ہم زراعت اور کسانوں کی فلاح و بہبود اور دیہی ترقی کے ذریعے ایک ترقی یافتہ ہندوستان کی تشکیل کے لیے اپنا کام پوری محنت، ایمانداری، لگن اور اپنی تمام تر صلاحیتوں کو بروئے کار لاکر کریں گے۔ دیہی ترقی کے محکمے کو ترقی یافتہ ہندوستان کی تشکیل میں بھر پور کردار ادا کرنا چاہیے۔ ہم اپنا کام پوری محنت اور ایمانداری سے کریں گے۔

************

ش ح۔وا۔ق ر

U.No:9907

(Release ID: 2046046) Visitor Counter : 16