پنچایتی راج کی وزارت نے ڈاکٹر امبیڈکر انٹرنیشنل سنٹر، نئی دہلی میں پنچایتی راج اداروں کی خواتین کے منتخب نمائندوں کی قیادت سے متعلق قومی ورکشاپ کا انعقاد کیا، جس نے ابتدائی سطح پر خواتین لیڈروں کو بااختیار بنانے میں ایک اہم سنگ میل کی نشاندہی کی  ہےاور وکست بھارت کے تئیں اجتماعی کوششوں میں ان کے اہم کردار کو تسلیم کیا۔  اس ورکشاپ کا انعقاد 78ویں یوم آزادی کی تقریبات کے پیش نظر کیا گیا تھا، جہاں پنچایتی راج اداروں (پی آر آئیز) کی تقریباً 400 منتخب خواتین نمائندوں (ای ڈبلیو آرز) اور منتخب نمائندوں (ای آرز) کو بطور مہمان خصوصی مدعو کیا گیا ہے۔

ورکشاپ کا افتتاح سابق لیفٹیننٹ گورنر، پڈوچیری اور بانی نوجیوتی انڈیا فاؤنڈیشن اینڈ انڈیا ویژن فاؤنڈیشن ڈاکٹر کرن بیدی ، پنچایتی راج کی وزارت  میں سکریٹری جناب وویک بھاردواج  ، پنچایتی راج وزارت  کےخصوصی سکریٹری ڈاکٹر چندر شیکھر کمار ، وزارت پنچایت راج  میں جوائنٹ سکریٹری محترمہ  ممتا ورما اور وزارت پنچایتی راج  میں جوائنٹ سکریٹری جناب وکاس آنندنے کیا ۔ تقریباً 400 خصوصی مہمان، بنیادی طور پر پنچایتی راج اداروں (پی آر آئیز) کی منتخب خواتین نمائندے (ای ڈبلیو آرز) اپنی شریک حیات کے ساتھ،  جو دہلی میں یوم آزادی کی تقریبات میں شرکت کررہے ہیں، کے ساتھ ساتھ حکومت ہند اور ریاستی حکومتوں کے سینئر افسران بھی اس موقع پر موجود تھے۔

ڈاکٹر کرن بیدی نے پنچایتوں میں خواتین لیڈروں کی تبدیلی کی طاقت پر اپنی بصیرت کا اشتراک کیا۔ انہوں نے وزیر اعظم کے وکست بھارت (ترقی یافتہ ہندوستان) کے وژن کو عملی جامہ پہنانے میں ،پنچایتی راج اداروں کی اہمیت پر زور دیا۔ ڈاکٹر بیدی نے پنچایت کے نمائندوں پر زور دیا کہ وہ اپنی برادریوں کے ساتھ باقاعدگی سے مشغول رہیں، سرکاری اسکیموں سے باخبر رہیں اور اپنے حلقوں کی بہتری کے لیے کام کرتے رہیں۔ انہوں نے اس ورکشاپ کے انعقاد کے لیے پنچایتی راج کی وزارت کی ستائش کی اور اسے ایک بروقت اور اثر انگیز اقدام قرار دیا، جو ملک بھر میں دیہی علاقوں میں نچلی سطح پر حکمرانی اور پائیدار ترقی میں خواتین کے اہم کردار کو اجاگر کرتا ہے۔

اپنے خطاب میں، ڈاکٹر کرن بیدی نے ترقی یافتہ ہندوستان کے لیے وزیر اعظم کے وژن کو عملی جامہ پہنانے میں، پنچایتی راج اداروں کی تبدیلی کی طاقت پر زور دیا۔ انہوں نے پنچایت کے نمائندوں پر زور دیا کہ وہ سرکاری اسکیموں کے بارے میں باخبر رہنے کے لیے آل انڈیا ریڈیو کے نیوز بلیٹن کو باقاعدگی سے سنیں اور اس معلومات کو اپنے حلقوں کے ساتھ شیئر کریں۔ ڈاکٹر بیدی نے مقامی مسائل کو مؤثر طریقے سے سمجھنے اور ان سے نمٹنے کے لیے فیلڈ وزٹ اور عوام کے ساتھ مسلسل بات چیت کی اہمیت پر بھی زور دیا۔

جناب وویک بھاردواج نے ، اس اہم کردار پر زور دیتے ہوئے جو خواتین مقامی گورننس اور نچلی سطح پر عوامی خدمات کی فراہمی میں ادا کرتی ہیں، کلیدی خطبہ دیا ۔ انہوں نے یہ واضح کرتے ہوئے کہ ہندوستان کی دو تہائی آبادی دیہی علاقوں میں رہتی ہے ،پنچایتی راج اداروں کی منتخب خواتین نمائندوں بشمول مہیلا سرپنچوں، بلاک پرمکھوں اور ضلع پنچایت صدور کا خیرمقدم کیا اور پنچایتی راج نظام کو مضبوط بنانے کی اہمیت پر زور دیا۔ اپنے بیان میں، جناب بھاردواج نے پنچایتی راج اداروں میں خواتین کی بڑھتی ہوئی شرکت پر روشنی ڈالی، جس نے وزیر اعظم کے دور اندیش اقدام، "بیٹی بچاؤ، بیٹی پڑھاؤ" کو سہرا دیا ،جس نے ابتدائی سطح پر حکمرانی میں خواتین کی شمولیت کی نمایاں طور پر حوصلہ افزائی کی ہے۔ انہوں نے ڈرون دیدی اور ذاتی مدد کے گروپوں (ایس ایچ جیز) جیسے اختراعی اقدامات میں ، اس بات پر زور دیتے ہوئے کہ ان کی شرکت ایک آتم  نربھر بھارت (خود کفیل ہندوستان) اور وکست بھارت (ترقی یافتہ ہندوستان) کے وژن کو پورا کرنے کے لیے اہم ہے، خواتین کے کردار کی تعریف کی ۔

پنچایتی راج کی وزارت کے سکریٹری جناب وویک بھاردواج نے پنچایتی نمائندوں سے کہا کہ وہ ’’سرپنچ پتی‘‘ یا "پردھان پتی" جیسے طریقوں کو ختم کرنے کے لیے ذاتی پہل کریں۔انہوں نے  ان پر زور دیا کہ وہ اپنی دانشمندی، غیر جانبداری اور اجتماعی ترقی کے عزم کے ساتھ فیصلے کریں۔ .پنچایتی راج کی وزارت کے سکریٹری جناب وویک بھاردواج نے فصاحت کے ساتھ کہا کہ خواتین کی تبدیلی کی طاقت ایک مضبوط، زیادہ جامع ہندوستان کی تعمیر کے لیے ضروری ہے۔

اپنے خطاب میں، جناب وویک بھاردواج نے حکومت ہند کی طرف سے حال ہی میں شروع کی گئی متاثر کن روایت کی ستائش کی، جہاں تین سطحی پنچایتی راج اداروں کے منتخب نمائندوں کو یوم آزادی اور یوم جمہوریہ جیسی باوقار قومی تقریبات میں مدعو کیا جاتا ہے۔ انہوں نے اجاگر کیا کہ اس عمل نے پنچایتوں میں زبردست جوش اور مثبتیت کو جنم دیا ہے، جس سے پنچایت قیادت کو ایک نئی شناخت اور پہچان ملی ہے۔ انہوں نے زور دیا کہ پنچایتوں کی ترقی، ملک کی ترقی کے مترادف ہے، اس بات کو یقینی بنانا کہ کوئی بھی پیچھے نہ رہے۔

سکریٹری، پنچایتی راج جناب وویک بھاردواج کی وزارت نے پی آر ائیز میں ای ڈبلیو آرز کے فیصد کو مضبوط، موثر اور موثر قیادت کی علامت بننے پر زور دیتے ہوئے اپنے خطاب کا اختتام کیا۔ انہوں نے اس بات پر زور دیتے ہوئے کہ دیہی علاقوں کی خوشحالی ملک کی مجموعی ترقی کی کلید ہے،تمام منتخب نمائندوں پر زور دیا کہ وہ عزم اور عہد کے ساتھ اپنے فرائض سرانجام دیں۔

ڈاکٹر چندر شیکھر کمار نے اجتماع سے خطاب کرتے ہوئے تمام خصوصی مہمانوں اور دیگر شرکاء کو 78 ویں یوم آزادی کے لیے اپنی نیک خواہشات کا اظہار کیا۔ انہوں نے ترقی یافتہ ہندوستان کے لئے قوم کی خواہش کو پورا کرنے کے ذریعہ پنچایتوں میں خواتین کی شرکت کی اہمیت کو اجاگر کیا۔ ڈاکٹر کمار نے تمام پنچایتوں میں بہترین طریقوں کو پھیلانے کے لیے وزارت کی مسلسل کوششوں پر زور دیا، جس کا مقصد ایک مضبوط، کارگر اور موثر قیادت پیدا کرنا ہے جو ابتدائی سطح پر پائیدار ترقی کو آگے بڑھاتی ہے۔

کرناٹک سرکار میں دیہی ترقی اور پنچایت راج کے محکمہ کی  ایڈیشنل سکریٹری محترمہ اوما مہادیون،  میزروم سرکار  کےڈائریکٹوریٹ آف لوکل ایڈمنسٹریشن ڈپارٹمنٹ میں   سکریٹری محترمہ ٹریسی ونللہروئی،  کیرالہ سرکار میں  ڈائریکٹوریٹ آف لوکل ایڈمنسٹریشن ڈپارٹمنٹ میں   پرنسپل سکریٹری ڈاکٹر شرمیلا میری جوزف،  گجرات  سرکار  کے  راجکوٹ ضلع پنچایت کی صدر محترمہ پروین بین سنجے بھائی رنگانی،  بہار کے بکسر ضلع کے نوانگربلاک میں  آتھر گرام پنچایت کی مکھیا  محترمہ ریکھا دیوی اور   اترپردیش  کے لکھنو ضلع کے مال بلاک کی اٹاری گرام پنچایت کی گرام پردھان محترمہ سنیوگیتا سنگھ چوہان نے پنچایتوں میں خواتین کی قیادت کے سامنے چیلنجز اور مواقع پر پینل مباحثہ میں حصہ لیا۔

پنچایتی نمائندوں کے قومی راجدھانی کے دورے کو ایک بھرپور تجربہ کے طور پر ڈیزائن کیا گیا ہے۔ اس میں پردھان منتری سنگھرالیہ (پی ایم میوزیم) کا دورہ شامل تھا، جس میں ہندوستان کے جمہوری سفر اور موجودہ اور سابق وزرائے اعظم کے تعاون کے بارے میں بصیرت کی پیشکش کی گئی تھی۔ اس دورے کا عروج لال قلعہ میں یوم آزادی کی مرکزی تقریب میں شرکت ہوگی، اس کے بعد ڈی اے آئی سی، نئی دہلی میں ظہرانے کی تقریب ہوئی، جس میں پنچایتی راج کی وزارت کے سینئر افسران نے شرکت کی۔

پنچایتوں میں خواتین کی قیادت سے متعلق قومی ورکشاپ کی لائیو ویب کاسٹنگ ،وزارت کے یوٹیوب چینل اور سوشل میڈیا کے صفحات پر دستیاب ہے:

https://webcast.gov.in/mopr; X (Twitter): https://x.com/MoPR_GoI; Facebook: https://www.facebook.com/MinistryOfPanchayatiRaj; Instagram: https://www.instagram.com/MinistryOfPanchayatiRaj; YouTube: https://www.youtube.com/@MinistryOfPanchayatiRaj

 ************

ش ح۔  ع ا    ۔ م  ص

 (U: 9882)