পঞ্চায়তি রাজ মন্ত্রালয়না পঞ্চায়তি রাজ ইন্সতিত্যুৎশিংগী নুপী ইলেক্তেদ ওইরবা মীহুৎশিংগী লুচিংগী মতাংদা নেসনেল ৱার্কশোপ অমা ঙসি দা. অম্বেদকর ইন্তর্নেসনেল সেন্তর, নৈ দিল্লীদা পাঙথোক্লদুনা মখোংদগী হৌনা নুপীশিংগী লুচিংদা হেন্না শক্তি পীবগী অচৌবা খোঙথাং অমা থাংজিনখ্রে অমসুং বিক্সিত ভারত অমা ওইহন্নবগী অপুনবা থৌরাংদা মরুওইবা থৌদাং অমা লৌরি হায়বসি শকখঙলে। ৱার্কশোপ অসি ৭৮শুবা নীংতম নুমিৎ পালনগী মাংওইননা পঞ্চায়তি রাজ ইন্সতিত্যুসন (পি.আর.আই.)গী  ইলেক্তেদ ৱিমেন রিপ্রজেন্তেতিব (ই.দব্ল্যু.আর.) অমসুং ইলেক্তেদ রিপ্রজেন্তেতিব (ই.আর.)চাউরাক্না ৪০০ রোম্বু অখন্নবা মীথুংলেন ওইনা চেবাউ পীদুনা পাঙথোকখি।

ৱার্কশোপ অসি হান্নগী লেফতনেন্ত গবর্নর, পুদুচেরী অমসুং নবজ্যোতি ইন্দিয়া ফাউন্দেসন অমসুং ইন্দিয়া ভিজন ফাউন্দেসনগী ফাউন্দর দা. কিরন বেদী, শ্রী বিবেক ভরদ্বাজ, সেক্রেতরী, পঞ্চায়তি রাজ মন্ত্রালয়, দা. চন্দ্র শেখর কুমার, স্পেসল সেক্রেতরী, পঞ্চায়তি রাজ মন্ত্রালয়, শ্রীমতি মমতা ভর্ম, জোইন্ত সেক্রেতরী, পঞ্চায়তি রাজ, অমসুং শ্রী বিকাস অনন্দ, জোইন্ত সেক্রেতরী, পঞ্চায়তি রাজ মন্ত্রালয়না হৌদোকখি। মরুওইনা পঞ্চায়তি রাজ ইন্সতিত্যুসন (পি.আর.আই.)গী ইলেক্তেদ ৱিমেন রিপ্রজেন্তেতিব (ই.দব্ল্যু.আর.) গা মখোয়গী মপুরোইবশিংগা লোইননা দিল্লীদা নীংতম নুমিৎ পালন্দা শরুক য়ারিবা ভারত সরকার অমসুং রাজ্য সরকারগী মকোক থোংবা ওফিসরশিংনা থৌরম অদুদা শরুক য়াখি।

দা. কিরন বেদিনা পঞ্চায়ত্তা নুপী লুচিংবীশিংগী অহোংবা পুরকপা ঙম্বা শক্তিশিংগী মরমদা ৱাখল্লোন ফোংদোকখি। মহাক্না চাউখৎলবা ভারত অমগী মঙলান অমা প্রধান মন্ত্রীনা মঙজরিবসি মঙফাওননবা হোৎনবদা পঞ্চায়তি রাজগী মরুওইবগী মতাংদা ফোংদোকখি। দা. বেদিনা পঞ্চায়তকী মীহুৎশিংবু চাং নাইনা মখোয়গী লমদমদুগী মীওইশিংগা লোইনগদবনি, মখোয়গী কন্সতিত্যুএন্সীশিং চাউখৎনবগীদমক লৈরিবা লৈঙাক্কী থৌশিল অমসুং থবকশিং অসিবু খঙনবা হোৎনগদবনি হায়খি। মহাক্না পঞ্চায়তি রাজপু ৱার্কশোপ অসি শীনবীবগীদমক শিংথাখি, মসিবু মতম চাবা অমসুং লৈবাক অসিগী খুঙ্গংশিংদা তুং কোইনা চাউখৎপা পুরক্নবা হোৎনবদা নুপীশিংগী মরুওইবা থৌদাংশিং পুখৎলিবা অফবা ফল লৈগদবা থৌরাং অমনি হায়খি।

দিরন বেদিনা মহাক্কী ৱারোলদা মহাক্না চাউখৎলবা ভারত অমগী মঙলান অমা প্রধান মন্ত্রীনা মঙজরিবসি মঙফাওননবা হোৎনবদা পঞ্চায়তি রাজগী মরুওইবগী মতাংদা ফোংদোকখি। মহাক্না পঞ্চায়ৎকী মীহুৎশিংবু চাং নাইনা ওল ইন্দিয়া রেদিওগী পাউ তাদুনা লৈঙ্গাক্কী থৌশিলশিং খঙনবা অমসুং মখোয়গী কন্সতিত্যুএন্সীদা পাউশিং অসি শন্দোক্নবা পুক্নিং চিংশিনখি। দা. বেদিনা ফীল্দদা চৎপগী মরুওইবা অমসুং লোকেলগী ওইবা সমশ্যাশিং কোকহন্নবা অমসুং খঙদোক্নবা মীয়ামগা ৱারী লেপতনা শাবগী মরুওইবশিংগী মতাংদা থমখি।

শ্রী বিবেক ভরদ্বাজনা থৌরম অদুগী মরুওইবা ৱারোল পীরদুনা লোকেল গবর্নান্স অমসুং মীয়ামগী থবক মখোংদগী হৌনা য়ৌহন্নবা হোৎনবদা নুপীশিংনা লৌরিবা থৌদাংগী মতাংদা থমখি। মহাক্না পঞ্চায়তি রাজ ইন্সতিত্যুসনগী ইলেক্তেদ ৱিমেন রিপ্রজেন্তেতিবশিং, মহিলা সর্পঞ্চ, ব্লোক প্রমুখ অমসুং দিস্ত্রিক্ত পঞ্চায়ত প্রেজিদেন্তশিং য়াওনা তরাম্না ওকখি অমসুং ভারতকী মীশিংগী অহুম্থোকপগী অনিদি খুঙ্গংগী মফমশিংদা লৈ হায়রদুনা পঞ্চায়তি রাজগী পথাপ অসিবু মপাঙ্গল কলহনবগী মরুওইবগী মতাংদা থমখি। মহাক্কী ৱারোলদা, শ্রী ভরদ্বাজনা পঞ্চায়তি রাজ ইন্সতিত্যুসন্দা নুপীশিংনা শরুক য়াবা হেনগৎলকপগী মতাংদা পনলদুনা মসি প্রধান মন্ত্রীগী মঙম শাল্লবা থৌরাং, "বেতি মচাও, বেতি পদাও"না ওইহল্লকপনি হায়রদুনা মসিনা নুপীশিংবু গ্রাসরুত গবর্নান্সতা শরুক য়াহন্নবা পুক্নিং থৌগৎলি হায়খি। মহাক্না দ্রোন দিদি অমসুং সেল্ফ হেল্প গ্রুপশিংগুম্বা অনৌবা থৌরাংশিংদা নুপীশিংনা লৌরিবা থৌদাংবু শিংথারদুনা মখোয়না শরুক য়ারিবা অসি  আত্মনির্ভর ভারত (ইরোমদোম লেপচবা ভারত) অমসুং বিকশিত ভারত (চাউখৎলবা ভারত) অমগী মঙলান্দা য়াম্না মরু ওই হায়খি।

সেক্রেতরী পঞ্চায়তি রাজ মন্ত্রালয় শ্রী বিবেক ভরদ্বাজনা পঞ্চায়তকী মীহুৎশিংবু "সর্পঞ্চ প্তি" নত্ত্রগা "প্রধান পতি"গী থবক লোইশিন্দুনা মশাগী লৌশিং, মান্দবগী মাইয়োক্তা ৱারেপ লৌনবা অমসুং পুন্না চাউখৎমিন্ননবা ফিরেপ লেপনবা পুক্নিং চিংশিনখি। সেক্রেতরী পঞ্চায়তি রাজ মন্ত্রালয় শ্রী বিবেক ভরদ্বাজনা নুপীশিংগী অহোংবা পুরকপা ঙম্বা শক্তি অসি মপাঙ্গল লৈরবা ভারত অমা ওইহন্নবা হোৎনবদা য়াম্না তঙাইফদবা ওইরি হায়খি।

মহাক্কী ৱারোলদা, শ্রী বিবেক ভরদ্বাজনা ভারত সরকারনা হন্দক্তা হৌদোকখিবা থাক অহুম লৈবা পঞ্চায়তি রাজগী খল্লবা মীহুৎশিংবু নীংতম নুমিৎ অমসুং গনতন্ত্র দিবস পালনগুম্বা তাঙলবা ভারতকী জাতিগী থৌরমশিং অসিদা বার্তোন তৌবগী চৎনবী অসিবু শিংথাখি। অসিগুম্বা থবক অসিনা পঞ্চায়তশিংদা ইনোৎ হাপ্পী, মসিনা লুচিংবগী মওংদা অনৌবা মশক অমা পীরি হায়খি। মহাক্না পঞ্চায়ত চাউখৎপা হায়বসি লৈবাক অসিনা চাউখৎপগা মান্নৈ অমসুং মসিনা কনা অমত্তবু নাথৈবীরমদে।

শ্রী বিবেক ভরদ্বাজ, সেক্রেতরী পঞ্চায়তি রাজ মন্ত্রালয়না ই.দব্ল্যু.আর.গী চাদা লৈবা শরুক অসি পি.আর.আই.দা য়ামখৎতুনা হেন্না ফবা লুচিংবগী মশক অমা পুরকপগী অপাম্বা ফোংদোক্লদুনা মহাক্কী ৱারোল লোইশিনখি। মহাক্না মীহুৎশিংবু মখোয়গী থৌদাংশিং অচেৎপা ফিরেপ অমগা লোইননা পাঙথোক্নবা হায়রদুনা খুঙ্গংগী লম্না চাউখৎপা হায়বসি লৈবাক অসিগী মপুং ওইবা চাউখৎপদা মরুওইবা অমনি হায়খি।

দা. চন্দ্র শেখর কুমারনা তিল্লিবা মীয়ামদা মহাক্কী ওইবা ৱারোল পীরদুনা অখন্নবা মীথুংলেনশিং অমসুং অতৈ শরুক য়ারিবা ময়াবু ৭৮শুবা নীংতম নুমিৎ পালনগীদমক য়াইফ পাউজেল পীখি। মহাক্না নুপীশিংনা পঞ্চায়ৎতা শরুক য়াবা হায়বসি লৈবাক অসিনা চাউখৎলবা ভারত অমা ওইনবা হোৎনরিবা অসিবু মঙাওননবগী পাম্বৈ অমনি হায়খি। দা. কুমারনা মন্ত্রালয় অসিনা পঞ্চায়ত খুদিংদা খ্বাইদগী ফবা থবক পায়খৎনবা হোৎনরি, হেন্না মপাঙ্গল লৈবা, শক্তি লৈবা লুচিংবগী মশক পুরক্তুনা মখোঙদগী হৌনা তুং কোইনা চাউখৎপা পুরক্নবা হোৎনরি হায়খি।

শ্রীমতি উমা মহাদেবন, এদিসনেল চীফ সেক্রেতরী, দিপার্তমেন্ত ওব রুরেল দিবেলপমেন্ত & পঞ্চায়তি রাজ কর্নাতাকা লৈঙাক, মিস তেরেসী ভনলালহুরাই, সেক্রেতরী, দিরেক্তোরেত ওব লোকেল এদমিনিস্ত্রেসন দিপার্ত্মেন্ত, মিজোরম সরকার, দাআ. শরমিলা  মেরী জোসেফ, প্রিন্সিপাল সেক্রেতরী, লোকেল সেল্ফ গবর্নমেন্ত দিপার্ত্মেন্ত, কেরলা সরকার, শ্রীমতি প্রভিনাবেন সঞ্জয়ভাই রঙ্গানি, প্রেজিদেন্ত, রাজকোত দিস্ত্রিক্ত পঞ্চায়ত, গুজরাত, শ্রীমতি রেখা দেবী, মুখিয়া, আথর গ্রাম পঞ্চায়ত, নৱানগর ব্লোক, বক্সার দিস্ত্রিক্ত, বিহার অমসুং শ্রীমতি সনয়োগিতা সিংহ চৌহন, গ্রাম প্রধান, অতারি গ্রাম পঞ্চায়ত, মাল ব্লোক, লখনৌ দিস্ত্রিক্ত, উত্তর প্রদেশনা পঞ্চায়ত্তা নুপী লুচিংবীশিংনা থেংনরিবা শিংনবা অমসুং খুদোংচাবশিংগী পেনেল দিস্কসন্দা শরুক য়াখি।

পঞ্চায়তকী মীহুৎশিংনা নেসনেল কেপিতেলদা চৎখিবা খোঙচৎ অদু য়াম্না নুংঙাইবা ওইখি। মদুদা প্রধান মন্ত্রী সঙ্গ্রহলয় (পি.এম. ম্যুজিয়ম)গী খোংচৎ অমা য়াওখি, মদুদা ভারতকী গনতন্ত্রগী খোঙচৎ অমসুং হান্নগী শক্নাইরবা প্রধান মন্ত্রীশিংনা তৌবীরম্বশিং উবা ফংখি। খোংচৎ অদুগী ক্লাইমেক্স অসিনা লাল কিলাদা মরুওইবা নীংতম নুমিৎকী পালন্দা শরুক য়ারবা মতুংদা দি.এ.আই.সি., নৈ দিল্লীদা চাক্লেন য়াওবা থৌরম অমা, পঞ্চায়তি রাজ মন্ত্রালয়গী মকোক থোংবা ওফিসিএলশিং য়াওনা চাবনা ওইরগনি।

 পঞ্চায়ততা নুপীগী লুচিংগী মতাংদা নেসনেল ৱার্কশোপ অসিগী লাইব ৱেবকাস্তিং অসি মন্ত্রালয় অসিগী য়ুত্যুব চেনেল অমসুং সোসিএল মীদিয়া পেজশিংদা ফংগনিঃ এন.আই.সি.

ৱেবকাস্তঃ https://webcast.gov.in/mopr; X (ত্বীতর): https://x.com/MoPR_GoI; ফেসবুক: https://www.facebook.com/MinistryOfPanchayatiRaj; ইন্সতাগ্রাম: https://www.instagram.com/MinistryOfPanchayatiRaj; য়ুত্যুব: https://www.youtube.com/@MinistryOfPanchayatiRaj.

***************