زراعت اور کسانوں کی فلاح و بہبود كے علاوہ دیہی ترقی کے مرکزی وزیر شیوراج سنگھ چوہان نے کہا کہ آزادی کے بعد سے ہی وزیر اعظم لال قلعہ کی فصیل سے پرچم لہراتے آ رہے ہیں لیکن پہلے كبھی کسی بھی حکومت نے یوم آزادی پر کسانوں کو مدعو نہیں کیا تھا کیونکہ کسان کبھی بھی  سابقہ حکومتوں کی ترجیحات كا حصہ ںنہیں تھے۔ جناب چوہان نے وزیر اعظم جناب نریندر مودی کا شکریہ ادا کیا اور مبارکباد دی جنہوں نے کسانوں کو یوم آزادی پر مدعو کیا۔ جناب چوہان یوم آزادی کے پروگرام اور نیشنل پیسٹ سرویلنس سسٹم (این پی ایس ایس) کے آغاز میں مدعو کسانوں کے ساتھ بات چیت کے پروگرام سے خطاب کر رہے تھے۔ اس پروگرام میں زراعت اور کسانوں کی بہبود کے وزیر مملکت جناب رام ناتھ ٹھاکر اور جناب بھاگیرتھ چودھری اور سکریٹری ڈی اے آر ای اور ڈی جی، آئی سی اے، آر ڈاکٹر ہمانشو پاٹھک بھی موجود تھے۔

لافانی انقلابیوں کو خراج عقیدت پیش کرتے ہوئے جناب چوہان نے کہا کہ ہم سب جانتے ہیں کہ آزادی ہمیں چاندی کے تھال میں پیش نہیں کی گئی۔ ہزاروں لوگ مسکراتے ہوئے پھانسی پر چڑھ گئے۔ ان کے دل میں پختہ عزم تھا اور انہوں نے اس سرزمین پر دوبارہ جنم لینے کی دعا کی تاکہ وہ بھارت ماں کے کام آسکیں۔ ہمارے لافانی انقلابی آزادی کے گیت گاتے تھے۔ آج وزیر اعظم جناب نریندر مودی نے کہا کہ آج ملک کے لیے مرنے کی نہیں بلکہ جینے کی ضرورت ہے۔ یوم آزادی کی تقریبات میں ملک کے ہر گاؤں سے کسان بھائی آئے ہیں۔ کسان ملک کے دلوں کی دھڑکن اور عوام کے دلوں کی دھڑکن ہیں۔ کسانوں کی پیداوار کی وجہ سے سب کا دل دھڑک رہا ہے۔ کسان ہمارے لیے بھگوان ہیں۔ ہمیں خوراک فراہم کرنے والوں کو خوش اور خوشحال بنانا ہے۔ جب وزیر اعظم جناب نریندر مودی وزیر اعظم بنے تو انہوں نے ہر تقریر میں کسانوں کو خراج عقیدت پیش کیا۔

مرکزی وزیر زراعت نے کہا کہ ہم پیداوار میں اضافہ كے لیے وزیر اعظم کی قیادت میں 6 قسم کے کام کریں گے ۔ ہمیں پیداوار بڑھانے کی ضرورت ہے، اس کے لیے ہمیں بیجوں کی ضرورت ہے۔ حال ہی میں وزیر اعظم نے کسانوں کو 109 اقسام کے زیادہ پیداوار دینے والے بیج وقف کیے ہیں۔ کسانوں کو سائنسدانوں کی تحقیق سے آگاہ ہونا چاہیے۔ ہمارا کام کسانوں اور سائنسدانوں کو جوڑنا ہے۔ کئی بار کسانوں کے پاس معلومات نہیں ہوتی ہیں اس لیے وہ غلط کیڑے مار ادویات کا استعمال کرتے ہیں۔ اس بارے میں جاننا ضروری ہے۔ اس بات کو یقینی بنانے کے لیے کہ کسانوں کو سائنس کے فوائد فوری طور پر ملیں ہم مہینے میں ایک بار کسانوں کی بات کے نام سے ایک پروگرام شروع کریں گے۔

یہ پروگرام ریڈیو پر ہوگا اس میں سائنس دان بیٹھیں گے، محکمہ زراعت کے افسران بیٹھیں گے اور وہ خود  بھی بیٹھیں گے اور کسانوں کو جو بھی ضروری ہوگا اس کی معلومات فراہم کی جائیں گی۔ کرشی وجین کیندر کو کسانوں کے ساتھ پوری طرح سے جوڑنے کی ضرورت ہے۔ کسانوں کو سائنسی فوائد فوری طور پر پہنچانے کے لیے کام کیا جائے گا۔ اب جلد ہی سائنسدانوں کے ساتھ بات چیت اور کسانوں کے درمیان بات چیت ہوگی تاکہ ہم زراعت کے ذریعے فوڈ باسکٹ بننے کا معجزہ سامنے لا  سکیں۔

جناب چوہان نے بتایا کہ پہلے کسانوں کے لیے بجٹ صرف 27 ہزار کروڑ روپے تھا۔ وزیر اعظم نے اس بجٹ کو بڑھا کر  1.52 لاکھ کروڑ روپے کر دیا۔ کسانوں کو سبسڈی پر کھاد ملتی ہے۔ آج کل وہ لوگ کسانوں کی بات کرتے ہیں جن کا کاشتکاری سے کوئی تعلق نہیں ہے۔

مرکزی وزیر زراعت نے کہا کہ حکومت وہ تمام تور، مسور اور اُڑ خریدے گی جو کسان اگاتے ہیں۔ پہلے دور میں  کوئی خریداری نہیں ہوتی تھی۔ اس سے پہلے کی حکومت میں صرف 6 لاکھ میٹرک ٹن دال خریدی گئی تھی جبکہ مودی حکومت نے 1.70 کروڑ میٹرک ٹن دال خریدی تھی۔ پی ایم کسان سمان ندھی کے تحت اب تک 3.24 لاکھ کروڑ روپے کسانوں کے کھاتوں میں  جمع ہو چکے ہیں۔ پی ایم فصل بیمہ یوجنا آج دنیا کی سب سے بڑی فصل بیمہ اسکیم ہے۔

جناب چوہان نے کسانوں سے درخواست کی کہ وہ اپنے کھیتوں کے کچھ حصے میں قدرتی کاشتکاری کریں تاکہ مٹی کی صحت کو بہتر بنایا جا سکے۔ اس پر ایک مشن بہت جلد آنے والا ہے۔ اس کا خاکہ تیار کر لیا گیا ہے۔ مزید ایف پی اوز بنائے جائیں۔ اس کے ذریعے ہم کئی طرح کے کام کر کے اپنی آمدنی میں اضافہ کر سکتے ہیں۔ جناب چوہان نے کسانوں پر زور دیا کہ وہ  وزیر اعظم جناب نریندر مودی کی قیادت میں ایک نئے عہد  کا آغاز کریں۔

***

ش ح۔ع س۔ ک ا