হকশেল অমসুং য়াইফ-থৌরাংগী কেন্দ্রগী রাজ্য মন্ত্রী শ্রীমতি অনুপ্রিয়া পতেলনা ঙসি বিজ্ঞান হকশেল অমসুং য়াইফ-থৌরাং মন্ত্রালয়গী তোঙান তোঙানবা হেল্থ ইনিসিএতিবশিং মায় পাকহন্নবা হোৎনবদা মখোয়না হোৎনরিবা অদুগীদমক ASHA (এক্রেদিতেদ সোসিএল হেল্থ এক্তিভিস্ত) অমসুং ANM (ওজিলিয়রী নর্স মিদৱাইবস) 75না কত্থোকপা অমসুং চোকথবা লৈতনা হোৎনবগীদমক ইকাই খুম্নবা উৎনবা ওকখ্রে। ASHA অমসুং ANM 75বু মখোয়গী থোইদোক হেন্দোকপা কন্ত্রিব্যুসনশিং শকখঙনবগীদমক, মখোয়গী মপুরোইবশিংগা লোয়ননা 78শুবা নীংতম নুমিৎ থৌরমদা অখন্নবা মীথুংলেন ওইনা কৌখ্রে। মখোয়না হয়েং লাল কিলাদগী 78শুবা নীংতম নুমিৎকী থৌরম অদু য়েংবা ফংগনি।

ASHA অমসু ANMশিংবু “লৈবাক অসিগী হকশেলগী ফীভম ফগৎহন্নবা মখোয়না থোকদোক  হেন্দোক্না অমসুং চোকথবা লৈতনা হোৎনরিবা” অদুগীদমক থাগৎলদুনা শ্রীমতী অনুপ্রিয়া পতেলনা হায়খি মদুদি “হৌজিক হৌজিক ঐখোয়গী লৈবাক অসিদা কম্ম্যুনিতী হেল্থকী য়ুম্ফম ওইদুনা অমসুং গ্রাসরুৎ লেবেলদা হেল্থকেয়র ত্রান্সফোর্মেসন তৌবদা মরুওইবা থৌদাং লৌরিবা ASHA লাখ 10.29 অমসুং ANM 89,000 হেন্না লৈরে। মখোয়গী কন্ত্রিব্যুসনশিংগী মনুংদা কম্ম্যুনিতীশিং মোবিলাইজ তৌবা, হেল্থ সর্ভিসশিং লাইথোকহনবা, কম্ম্যুনিতীগী থাক্তা হেল্থকিয়র পীবা, অমসুং হেল্থ এৱেরনেস প্রমোৎ তৌবা য়াওরি। মখোয়গী থৌনা অসিনা খ্বাইদগী অরাপ্পা অমসুং খুদোংচাদবা মফমশিংদা লৈরিবা মীওইশিংদা মরুওইবা হকশেলগী সর্ভিসশিং ফংহনবদা য়াম্না মরু ওই। ভলনরেবল ওইবা মফমশিংদা মখোয়না পায়খৎলিবা থবকশিংগী ইম্পেক্ত অসি য়াম্না চাউই, অমসুং মখোয়না হেল্থ সর্ভিস অসি মীপুম খুদিংমক্তা ফংহন্নবা হোৎনরিবা অসিদা ঐখোয়না মখোয়বু থাগৎপা ফোংদোকচরি।”

ভারতকী চাবোকপী, অঙাং অমসুং ইনখৎলক্লিবা অঙাংশিংগী হকশেল ফগৎহনবদা ASHA অমসুং ANMশিংনা চাউনা শরুক তম্লিবা অদু পল্লদুনা শ্রীমতী মোদীনা হায়খি মদুদি “ভারতকী নুপীশিং অমসুং ইনখৎলক্লিবা অঙাংশিংগী হকশেল ফগৎহনবদা ASHA অমসুং ANMশিংনা মরুওইবা থৌদাং লৌরি 1990দগী হৌদুনা মেতর্নেল মোর্তেলিতী রেত 82% হন্থরে। য়ুনিভর্সেল ইম্ম্যুনাইজেসন প্রোগ্রামগী খুত্থাংদা ভেক্সিনেসন কভরেজ হেনগৎলকপনা ইনফেন্ত মোর্তেলিতী রেত অসি 2015দা লাইব বর্থ 1000দা 37 ওইরম্বদগী 2020দা লাইব বর্থ 1000দা 28দা হন্থহনবদা মতেং পাংলি। মিসন ইন্দ্রধনুশকী মখাদা ASHA অমসুং ANMশিংগী মতেং পাংদুনা 2014দগী 2023 ফাওবদা অঙাং করোর 5.46 অমসুং মীরোনবী নুপী করোর 1.32 দা ভেক্সিন কাপখ্রে। ভারত অসি 2014গী মার্চ থাদা পোলিও-ফ্রী ওইনা সর্তিফিকেৎ তৌখি অমসুং মেতর্নেল এন্দ নিওনেতেল তেতানস (MNT) অসি 2016গী জুলাইদা মুত্থৎখি। মসি ফ্রন্তলাইন ৱার্করশিং, ASHAশিং অমসুং ANMশিংগী মমল য়াম্লবা থৌদাং অসিনা মরম ওইদুনা হৌজিক ওইথোকপা ঙম্লে।“

ASHAশিং অমসুং ANMশিংগী য়াইফনবগীদমক হোৎনরিবশিং অদু পল্লদুনা শ্রীমতি পতেলনা ফোংদোকখি মদুদি “2024গী ফেব্রুৱারীগী মরক্কী বজেৎকী ৱারোলগী মতুং ইন্না, পব্লিক হেল্থতা মখোয়না লৌরিবা মরুওইবা থৌদাং অদু খঙমিন্নদুনা ASHAশিং অমসুং ANMশিংগীদমক মরুওইবা প্রোভিজনশিং লাউথোকখ্রে। ASHA লাখ 6 হেনবনা হৌজিক আয়ুশ্মান ভারত প্রধান মন্ত্রী জন আরোগ্য য়োজনা (AB-PMJAY) গী মখাদা চহিগী ওইনা লুপা লাখ 5গী হেল্থ কিয়র কভরেজ ফংবগী ইলিজিবল ওইরে। রাজ্য অমসুং য়ু.তি.শিংদা প্রধান মন্ত্রী সুরক্ষা বিমা য়োজনা, প্রধান মন্ত্রী জীবন জ্যোতি বিমা য়োজনা অমসুং প্রধান মন্ত্রী শ্রাম য়োগী মান ধন স্কিমশিংগী মখাদা ASHA লাখ 6 হেনবনা কভর তৌরি।“

শ্রীমতী পতেলনা ASHA অমসুং ANM শিংনা লৈবাক অসিগীদমক হোৎনরিবা অসিগীদমক থাগৎপা ফোংদোকখি। মহাক্না মখা তাখি, "2047গী মমাংদা ঐখোয়গী নীংতম্বগী চহি 100 শুরকপদা ভারতপু চাউখৎলবা লৈবাক অমা ওইহন্নবা প্রধান মন্ত্রীগী মঙলান অসি ঐখোয়গী ফ্রন্তলাইন ৱার্করশিংগী মতেংগা লোয়ননা ফংবা ঙমগনি মরমদি হকচাং ফনা লৈবা লৈবাক অমখক্তনা অশেংবা ৱাখল্লোন্দা চাউখৎলবা লৈবাক অমা ওইবা ঙমগনি।"

কেন্দ্রগী হেল্থ সেক্রেতরী শ্রী অপূর্ব চন্দ্রনা হায়খি মদুদি ভারতকী হেল্থকিয়র সিস্তেমগী থৌদাং অসি ফ্রন্তলাইন ৱার্করশিং, ASHA অমসুং ANMশিংদা লৈ। হৌখিবা চহি 10 অসিদা, আয়ুশ্মান আরোগ্য মন্দিরদা লাকপা মীশিংগী মশিং অসি শরুক 10 হেনগৎখ্রে। ফ্রন্তলাইন ৱার্করশিংগী হাউস ভিজিৎশিংনা হেল্থকিয়র ফেসিলিতীশিং ফংহনবদা চাউনা মতেং পাংলি। ASHA অমসুং ANMশিংনা মায়োক্নরিবা শীংনবশিং পল্লদুনা শ্রী চন্দ্রনা মখোয়না মতৌ করম্না তিবি, হাইপরতেন্সন, দাইবেতিস অসিনচিংবা তোঙান তোঙানবা লায়নাশিংগীদমক অনাবশিংগী রেকোর্দ থম্নবগী অহেনবা থৌদাংশিং অসি পাংথোকপগে হায়বগী মতাংদা পনখি। রেকোর্দ থম্নবগী থবক হন্থহন্নবা অমসুং হেল্থকিয়র দেলিভরী সিস্তেমবু হেন্না ইফেক্তিব ওইহন্নবা মহাক্না ৱার্করশিংদগী সজেসনশিং লৌখি।

মখোয় কোনুং য়ৌরকপা মতমদা, ASHA অমসুং ANM 75 অমসুং মখোয়গী ইমুং-মনুংশিং অদু হকশেল অমসুং য়াইফ-থৌরাং মন্ত্রালয়গী ওফিসিএলশিংনা তরাম্না ওকখি। মখোয়না দিল্লীগী মমিং লৈরবা মফমশিং য়েংনবা অখন্নবা মফমশিং য়েংবগী থৌরাং তৌখি। মখোয়না নেহরু প্লানেতরিয়মদা চৎখি। মদুগী মতুংদা কর্তব্য পথতা চৎখি অমসুং ইন্দিয়া গেৎতা চৎখি। মফম অদুদা মখোয়না লৈবাক অসিগী অথৌবশিংদা ইকায় খুম্নবা উৎখি। মসিগী শকখঙবসিনা হকশেলগী থবক তৌরিবশিং অসিগী মোরেল হেনগৎহনবতা নত্তনা মখোয়গী মরুওইবা থৌদাংবু শীংথানবগীদমক্তা ফিদম্নফম ওইবা খুদম অমসু ওইহল্লি। মসিনা ভারত্তা মীয়ামগী পব্লিক হেল্থ ফগৎহনবদা মখোয়না পায়খৎলিবা থবকশিংগী মরুওইবা অদু মপাঙ্গল কনখৎহল্লি।

এদিস্নেল সেক্রেতরী অমসুং মিসন দিরেক্তর (NHM), শ্রমতি অরাধানা পতনাইক আমসুং মন্ত্রালয়গী অতৈ মকোক থোংবা ওফিসিএলশিংসু থৌরম অসিদা শরুক য়াখি।

****