পি.এম.ও., পর্সোনেল, পব্লিক গ্রিভেন্স, পেন্সন, এতোমিক ইনর্জী অমসুং স্পেস অমদি সাইন্স অমসুং তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ), দাঃ জিতেন্দ্র সিংহনা ঙসি নীংতম নুমিৎকী থৌরমগী শরুক অমা ওইনা নাগরিকশিংগী মরক্তা লৈবাক নীংবা অমসুং লৈবাক্কীদমক্তা চাউথোকচবা ফাওবগী ৱাখল্লোন পোকহন্নবা হর ঘর তিরঙ্গা কেম্পেনগী মখাদা চাউরবা তিরঙ্গা বাইক রেলী অমা লমজিংখি।

রেলী অসি ভারত জনতা য়ুভা মার্চ (বি.জে.ৱাই.এম.)না মখোয়গী প্রসিদেন্ত, অরুন প্রভাত সিংহনা লুচিংদুনা শীনবনি। মীওই কয়া, মরু ওইনা নহাশিংনা কেম্পেন অসিদা শরুক য়াখি।

রেলী অদু লোইরবা মতুংদা, দাঃ জিতেন্দ্র সিংহনা দাঃ শ্যামা প্রসাদ মুখর্জীগী মীতমদা হৈকৎ লৈকৎ তমদুনা ইকায় খুম্নবা উৎখি অমসুং দাঃ শ্যামা প্রসাদ মুখর্জীগী কত্থোকপা অমসুং ৱাখল্লোন অসিনা "এক বিধান এক নিশান এক প্রধান" ইহৌগী ইথিল পীখিবনি হায়না পাউদমখি। মন্ত্রীনা হৌজিক চত্থরিবা স্বচ্ছতা কেম্পেনগী শরুক অমা ওইনা মীতম অদুগী অকোইবদা লম তু শেংবগী থবক্তা শরুক য়াখি। সংবিধানগী আর্তিকল 370 মুথত্তুনা জম্মু অমসুং কশ্মিরবু ভারতকা অমুক হন্না পুনশিলহনবা অমসুং ‘লৈবাক অমা সংবিধান অমা’ হায়বা দাঃ শ্যামা প্রসাদ মুখর্জীগী মঙলান মঙফাওনহনবগীদমক্তা মহাক্না প্রধান মন্ত্রী নরেন্দ্র মোদীবুশু থাগৎপা ফোংদোকখি।

“প্রধান মন্ত্রী মোদীনা আর্তিকল 370 লৌথোকখিবা অসি দাঃ মুখর্জীগী অৱাংবা থাক্কী কত্থোকপা অমসুং মহাক্কী মতম শাংনা লৈহৌরগদবা লিগেসিদা পীবা ইকাই খুম্নবা অমনি” হায়না মহাক্না ফোংদোকখি। মহাক্না হায়খি, “মীতম অসি নহারোলশিংগী ইথিলগী হৌরকফম অমনি, মসিনা লৈবাক অসিগীদমক্তা লৈবাক অসিগী মচাশিংনা কত্থোকখিবা থৌনা অদু তাক্লি”।

মহাক্না কাথুৱা অসি অশেংবা লমদম অমনি হায়না পল্লদুনা, দাঃ মুখর্জীবু মফম অসিদা ফাখিবা অমসুং মফমসিদগী মহাকপু শ্রীনগরদা পুখিবা, অদুবু চীংননীংঙাই ওইবা ফিভমদা মহাক কোন্না লৈখিদবা, ওইবনা, মফম অসিদা মহাক্কী মীতম অমা থম্নবা ৱারেপ লৌখিবনি হায়না ফোংদোকখি। "মোদীনা আর্তিকল 370 মুত্থত্তুনা দাঃ মুখর্জীগী কত্থোকপবু শকখঙখি, অমসুং মসিগী অৱাংবা মীতম অসিনা অমত্তা ওইবা ভারত অমগীদমক মহাক্না লান্থেংনখিবা অদুগী মগুন তাক্লি", দাঃ সিংহনা মখা তাখি।

মতুং তারকপদা, কেন্দ্রগী মন্ত্রীনা মীয়ামগী শিংনবশিং অথুবা মতমদা লোইশিন্নবা অমসুং মখোয়গী অপাম্বশিং পীবা ঙম্নবগীদমক্তা জিলাগী লৈঙাক্লোইশিংগা লোয়ননা চাউরাকপা পুং অনিমুক্কী ওইবা মীয়ামগী দর্বার অমা ফমখি। লৈঙাক্লোইগী সেনিয়র ওফিসরশিংশু দর্বার অদুদা শরুক য়াখি।

দাঃ সিংহনাথৌরম অদুদা ৱা ঙাংবদা মীয়ামদগী মখোয়গী শিংনবশিংগী হকথেংননা খঙদোক্তুনা মরী লৈনবা ৱারোইশিন অথুবা মতমদা লোইশিন্নবা হোৎনবা হায়বসি মহাক্না লেপ্তনা পায়খৎপা থবক্কী শরুক অমনি হায়খি। মশিং য়াম্লবা মীওইশিংনা থোক্লক্তুনা মখোয়গী অৱাবা ফোঙদোক্নখি অমসুং মখোয়গী শিংনবশিং অথুবা মতমদা লোইশিন্নবা হায়জখি।

মহাক্না দিস্ত্রিক্ত ওফিসরশিংদা মীয়ামগী দিমান্দশিংগী মরী লৈনবা থবকশিং অথুবা মতমদা পাংথোক্নবা অমসুং লৌখৎখিবা থবকশিংগী রিপোর্তশিং মহাক্কী মফমদা অথুবা মতমদা পীনবা মন্ত্রীনা খঙহনখ্রে। মহাক্না হায়খি, “মীয়ামগী ওইবা ৱাফমশিং কোকহন্নবা অমসুং লৈঙাক্লোনদা ত্রান্সপরেন্সী পুরক্নবা পুম্নমক হোৎনরি”।

***