حکومت ہند نے ماحولیات (تحفظ) ایکٹ 1986 کی دفعات کے تحت مورخہ 14 ستمبر 2006 ایس او 1533 (ای) کے ذریعے ماحولیاتی اثرات کی تشخیص (ای آئی اے) نوٹیفکیشن جاری کیا ہے۔ اس نوٹیفکیشن کے شیڈول میں درج تمام نئے منصوبوں اور/یا سرگرمیوں یا موجودہ منصوبوں کی جدید کاری کے لیے پیشگی ماحولیاتی منظوری درکار ہے۔ ای آئی اے نوٹیفکیشن 2006، جیسا کہ وقتاً فوقتاً ترمیم کی جاتی ہے، ماحولیاتی کلیئرنس (ای سی) دینے کے عمل کا تصور کرتی ہے، جس میں اسکریننگ، اسکوپنگ، عوامی سماعت اور تشخیص شامل ہے۔ اس میں ای آئی اے کا مطالعہ کرنا شامل ہے، جس میں ماحولیاتی نظام کی حساسیت، اخراج اور ممکنہ ماحولیاتی اثرات، جو کہ سماجی، اقتصادی، ثقافتی اور انسانی صحت سے جڑے ہوئے ہیں، کو مدنظر رکھا جاتا ہے۔

اس طرح کے مطالعات کی بنیاد پر، ایک انوائرمنٹ مینجمنٹ پلان (ای ایم پی) تیار کیا جاتا ہے، جس میں دیگر چیزوں کے ساتھ ساتھ ممکنہ آفات کے لیے سائٹ کے لیے مخصوص تباہی کے تخفیف کے منصوبے شامل ہوتے ہیں جن میں فلیش فلڈ، شہری سیلاب، برفانی جھیلوں سے آنے والے سیلاب (جی ایل او ایف)، خشک سالی، طوفان اور دریائی/ ساحلی کٹاؤ شامل ہے۔

مرکزی اور ریاستی حکومتیں قدرتی آفات کے اثرات کو کم کرنے کے لیے مختلف اقدامات کر رہی ہیں۔ نیشنل ڈیزاسٹر مینجمنٹ اتھارٹی (این ڈی ایم اے) نے انتہائی موسم سے متعلق آفات جیسے طوفان، سیلاب، خشک سالی، سونامی، لینڈ سلائیڈنگ، گرمی کی لہر وغیرہ کے انتظام کے لیے کئی آفات سے متعلق رہنما خطوط جاری کیے ہیں، جو این ڈی ایم اے کی ویب سائٹ (www.ndma.gov) پر دستیاب ہیں۔

اس کے علاوہ، 15ویں مالیاتی کمیشن کی سفارشات پر، حکومت نے 2021 تا 2026 کی مدت کے لیے نیشنل ڈیزاسٹر مٹیگیشن فنڈ (این ڈی ایم ایف) کے لیے 13693 کروڑ روپے اور اسٹیٹ ڈیزاسٹر مٹیگیشن فنڈ (ایس ڈی ایم ایف) کے لیے 32031 کروڑ روپے مختص کرنے کی منظوری دی ہے۔ حکومت نے تخفیف کے منصوبوں کو شروع کرنے اور ان کی نگرانی کے لیے فنڈ فراہم کرنے کے مقصد سے 'ایس ڈی ایم ایف/این ڈی ایم ایف کے آئین اور انتظامیہ' پر رہنما خطوط بھی جاری کیے ہیں۔ یہ رہنما خطوط اس وزارت کی ویب سائٹ (www.ndmindia.mha.gov.in) پر دستیاب ہیں۔

ماحولیات، جنگلات اور موسمیاتی تبدیلی کے وزیر مملکت جناب کیرتی وردھن سنگھ نے آج راجیہ سبھا میں ایک تحریری جواب میں یہ معلومات دی۔

***********

ش ح۔ ف ش ع- م ر

U: 9561