நாடு முழுவதும் உள்ள மத வழிபாட்டுத் தலங்கள் உட்பட, சுற்றுலா தலங்களில் உள்கட்டமைப்பை மேம்படுத்துவதற்காக, சுற்றுலா அமைச்சகம் 2014-15 ஆம் ஆண்டில் 'பிரஷாத்' (புனித யாத்திரை புத்துணர்ச்சி மற்றும் ஆன்மீக பாரம்பரிய விரிவாக்க இயக்கம்) மற்றும் 'ஸ்வதேஷ் தர்ஷன்' திட்டங்களை அறிமுகப்படுத்தியது. புனித யாத்திரை மற்றும் பாரம்பரிய தலங்களில் சுற்றுலா உள்கட்டமைப்பை மேம்படுத்துவதும், யாத்ரீகர்கள் மற்றும் பாரம்பரிய ஆர்வலர்களுக்கு மிகவும் வளமான அனுபவத்தை உறுதி செய்வதும் பிரசாத் திட்டத்தின் முதன்மை நோக்கமாகும். 1,621.14 கோடி ரூபாய் மதிப்பீட்டில், 46 திட்டங்களுக்கு ஒப்புதல் அளிக்கப்பட்டு, இத்திட்டத்தின் கீழ் 29 இடங்கள் அடையாளம் காணப்பட்டுள்ளன. பீகாரில் 'பாட்னா சாஹிப்பில் மேம்பாடு', ஹரியானாவில் உள்ள நதா சாஹேப் குருத்வாரா மற்றும் மாதா மான்சா தேவி கோயிலின் மேம்பாடு', 'அமிர்தசரஸில் கருணா சாகர் வால்மீகி ஸ்தல் மேம்பாடு' மற்றும் பிரசாத்தின் கீழ் 'பஞ்சாபின் ரோபரில் சாம்கவுர் சாஹிப் மேம்பாடு' ஆகியவை இதில் அடங்கும்.

ஸ்வதேஷ் தர்ஷன் திட்டம், நாட்டில் உள்ள தீம் அடிப்படையிலான சுற்றுலா சுற்றுகள் உட்பட, சுற்றுலா தலங்களின் ஒருங்கிணைந்த வளர்ச்சியை நோக்கமாகக் கொண்டுள்ளது. இத்திட்டத்தின் கீழ், சுற்றுலா சுற்றுகளை மேம்படுத்துவதற்காக 15 கருப்பொருள்கள் கண்டறியப்பட்டன. புத்தமத சுற்றுவட்டம், கிருஷ்ணா சுற்றுலா, ராமாயண சுற்றுலா, ஆன்மீக சுற்றுலா, பாரம்பரிய சுற்று மற்றும் தீர்த்தங்கர் சுற்று ஆகியவற்றின் கீழ், மத மற்றும் ஆன்மீக தலங்களில் சுற்றுலா உள்கட்டமைப்பை மேம்படுத்துவதற்கான திட்டங்களுக்கு ஒப்புதல் அளிக்கப்பட்டுள்ளது. அனந்த்பூர் சாஹிப் - ஃபதேஹ்கர் சாஹிப் - சாம்கவுர் சாஹிப் - ஃபெரோஸ்பூர் - கட்கர் கலன் - கலனூர் - பாட்டியாலா ஆகியவை இதில் அடங்கும். நிலையான மற்றும் பொறுப்பான சுற்றுலா தலங்களை உருவாக்கும் பார்வையுடன் இந்த திட்டத்தை அமைச்சகம் சமீபத்தில் ஸ்வதேஷ் தர்ஷன் 2.0 (எஸ்டி 2.0) என மாற்றியமைத்துள்ளதுடன், நீடித்த மற்றும்  பொறுப்பான சுற்றுலாத் தலங்களை உருவாக்கும் நோக்குடன் மேம்பாட்டுப் பணிகளை மேற்கொள்ள நாட்டில் 57 இடங்களை அடையாளம் கண்டுள்ளது. இவற்றில் கபுர்தலா மற்றும் அமிர்தசரஸ் ஆகியவை அடங்கும். மேலும், ஸ்வதேஷ் தர்ஷன் 2.0 இன் துணைத் திட்டமான "சவால் அடிப்படையிலான இலக்கு மேம்பாடு" திட்டத்தின் கீழ் மொத்தம் 42 இடங்கள் அடையாளம் காணப்பட்டுள்ளன.

மாநிலங்களவையில் இன்று கேள்வி ஒன்றுக்கு எழுத்து மூலம் அளித்த பதிலில், மத்திய சுற்றுலா மற்றும் கலாச்சாரத்துறை அமைச்சர் திரு கஜேந்திர சிங் ஷெகாவத் இந்தத் தகவலைத் தெரிவித்துள்ளார்.

***

MM/AG/KR/DL

(Release ID: 2043323)