ভারত্তা সেমিকন্দক্তর মেনুফেকচরিং ইকোসিস্তেম অমা শেমগৎনবা মরুওইবা খোঙথাং অমা ওইনা, অসামদা তাতাগী সেমিকন্দক্তর য়ুনিৎ অমা শানবা হৌদোকপগী থৌরম অমা ঙসি অসামগী মুখ্য মন্ত্রী শ্রী হিমন্ত বিশ্ব শর্মা অমসুং তাতা সন্স লিমিতেদকী চেয়রমেন এন চন্দ্রশেখরনগা লোয়ননা পাংথোকখ্রে। ঙসি অথেঙবদা, রেলৱেজ, ইলেক্ত্রোনিক্স অমসুং ইনফোর্মেসন তেক্নোলোজী অমসুং ইনফোর্মেসন অমসুং ব্রোদকাস্তিংগী কেন্দ্রগী মন্ত্রী, শ্রী অশ্বিনি ভৈষ্ণোনা মিদিয়াগা ৱারী শানবদা হায়খি মদুদি ভারতকী প্রধান মন্ত্রীনা মতম পুম্নমক্তা এক্ত ইস্ত পোলিসীদা মীৎয়েং থম্লি অমসুং মসিগী ফেসিলিতী অসি শাবগী থবক হৌরকপগা লোয়ননা ঙসি অসামদা য়াম্না মরু ওইবা মাইলস্তোন অমা ফংলে। মহাক্না হায়খি মদুদি প্রোজেক্ত অসি ফেব্রুৱারী 29, 2024দা কেন্দ্রগী মন্ত্রীমন্দলনা অয়াবা পীখি।

ভারত্তা সেমিকন্দক্তরশিং অমসুং দিসপ্লে মেন্যুফেকচরিং ইকোসিস্তেম চাউখৎহন্নবা প্রোগ্রাম অসি লুপা করোর 76,000 গী অপুনবা শেনফমগা লোয়ননা 21.12.2021দা নোতিফাই তৌখি। জুন, 2023দা, ভারতকী প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা গুজরাতকী সানন্দদা সেমিকন্দক্তর য়ুনিৎ অমা লিংখৎনবা মাইক্রোনগী প্রপোজেল অদু অয়াবা পীখি। মসিগী কন্সত্রক্সন অসি খোঙজেল য়াংনা চত্থরি।

সেমিকন্দক্তর য়ুনিৎকী মরমদা

কেন্দ্রগী মন্ত্রীনা হায়খি মদুদি য়ুনিৎ অসি লুপা করোর লিশিং 27গী ইনভেস্তমেন্তগা লোয়ননা লিংখৎকনি অমসুং মসিনা হকথেংননা থবক লিশিং 15 অমসুং নাকোইননা থবক লিশিং 11-13 পীগনি হায়না পানরি। সেমিকন্দক্তর ইন্দস্ত্রী অসি ফাউন্দেস্নেল ইন্দস্ত্রী অমা ওইবগী মরুওইবা অদু পল্লদুনা মহাক্না হায়খি মদুদি তোঙান তোঙানবা অপস্ত্রিম অমসুং দাউস্ত্রিম ইন্দস্ত্রীশিংদা থবক ফংহন্নবগী খুদোংচাবশিং শেম্লগনি।

য়ুনিৎ অসিগী প্রপোজ তৌরিবা কেপাসিতী অসি নোংমদা সেমিকন্দক্তর চিপ করোর 4.83 ওইগনি। মহাক্না মসিমসু পনখি মদুদি হায়রিবা য়ুনিৎ অসি ৱায়র বোন্দ, ফ্লিপ চিপ অমসুং I-SIP (ইন্তিগ্রেতেদ সিস্তেম ইন পেকেজ) তেক্নোলোজীশিং য়াওনা ইন্দিজেন এদভান্স সেমিকন্দক্তর পেকেজিং তেক্নোলোজীশিং দিবেলপ তৌনবগী মফম অমা ওইগনি অমসুং হায়রিবা প্লান্ত অসিদা শিজিন্নগদবা মরুওইবা তেক্নোলোজী অহুম অসি ভারত্তা দিবেলপ তৌরি। অসিগুম্বা তেক্নোলোজীশিং অসি ওতোমোতিভ (মরুওইনা ইলেক্ত্রিক ভেহিকলশিং), কম্ম্যুনিকেসন, নেৎৱার্ক ইনফ্রাস্ত্রকচর অমসুং অতৈ মরুওইবা এপ্লিকেসনশিংদা য়াম্না মরু ওই।

তেলেন্ত দিবেলপমেন্ত প্লান্ত

সেমিকন্দক্তর চিপ দিজাইনদা বি.তেক, এম.তেক অমসুং পি.ঐচ.দি.গী থাক্তা ইন্দস্ত্রীগীদমক শেম-শারবা শিন্মী 85,000না লৈবাক শিনবা থুংনা লৈরিবা একাদেমিক ইন্সতিত্যুসন 113দা ত্রেনিং পীরক্লি হায়নসু কেন্দ্রগী মন্ত্রীনা পনখি। মসিগী মনুংদা 9দি অৱাং-নোংপোক্কীনি, মখোয়গী অকুপ্পা মরোল মখাদা পীরি:

ঙসিগী লাউথোকপা অসিনা অৱাং-নোংপোক্কী চাউখৎ খোঙজেল য়াংশিনহনবদা অমসুং ভারতকী প্রধান মন্ত্রীগী ভিজন ‘ভিকসিৎ ভারত, ভিকসিৎ নোর্থইস্ত’কী মঙফাওনহনবদা অচৌবা মাইলস্তোন অমা ওইরি।

*****