சாலைப் போக்குவரத்து மற்றும் நெடுஞ்சாலைத்துறை அமைச்சகம்
தமிழ்நாட்டில் தேசிய நெடுஞ்சாலை மேம்பாட்டுத் திட்டப் பணிகள்
Posted On:
31 JUL 2024 1:39PM by PIB Chennai
தமிழ்நாட்டில் பாரத்மாலா பரியோஜனா என்னும் தேசிய நெடுஞ்சாலை மேம்பாட்டுத் திட்டத்தின் கீழ், 23,230.90 கோடி ரூபாய் செலவில் 625.80 கிலோ மீட்டர் நீளமுள்ள நெடுஞ்சாலை திட்டங்கள் மேற்கொள்ளப்பட்டு வருவதாக மத்திய சாலைப் போக்குவரத்து மற்றும் நெடுஞ்சாலைத் துறை அமைச்சர் திரு நிதின் கட்கரி கூறியுள்ளார்.
மாநிலங்களவையில் கேள்வி ஒன்றுக்கு எழுத்து மூலம் அளித்த பதிலில் அவர் இதனைத் தெரிவித்துள்ளார்.
இந்தத் திட்டங்களில் 433.54 கிலோ மீட்டர் நீளமுள்ள நெடுஞ்சாலைப் பணிகள், 12,717.88 கோடி ரூபாய் செலவில் முடிவடைந்துள்ளதாக அவர் தெரிவித்தார்.
இது குறித்த விவரம் வருமாறு:
சென்னை-மகாபலிபுரம்-பாண்டிச்சேரி நெடுஞ்சாலையில் 31 கிலோ மீட்டர் நீள சாலைத் திட்டத்தில் சுமார் 12 கிலோ மீட்டர் அளவுக்கு பணிகள் முடிவடைந்துள்ளன.
மதுரை-செட்டிகுளம் பிரிவில் மதுரை – நத்தம் – துவரங்குறிச்சி நெடுங்சாலைப் பணிகள் முற்றிலுமாக முடிவடைந்துள்ளன.
மதுரை – மேலூர் – காரைக்குடி – தஞ்சாவூர் பிரிவில் 45.86 கிலோ மீட்டர் தூர சாலையில் 34.41 கிலோ மீட்டர் தூரத்திற்கு பணிகள் முடிவடைந்துள்ளன.
பெங்களூரு – சென்னை நெடுஞ்சாலையில், காரைப்பேட்டையி லிருந்து வாலாஜாபாத் பிரிவில் 36.08 கிலோ மீட்டருக்கும், சென்னை – ராணிப்பேட்டை இடையேயான தேசிய நெடுஞ்சாலையை 6 வழிச்சாலையாக விரிவாக்கம் செய்யும் பணிகள், மதுரவாயல் - ஸ்ரீபெரும்புதூர், ஸ்ரீபெரும்புதூர் – காரைப்பேட்டை மற்றும் காரைப்பேட்டை – வாலாஜாப்பேட்டை என 3 பிரிவுகளாகப் பிரிக்கப்பட்டு மேற்கொள்ளப்பட்டு வருகிறது.
மதுரை – கன்னியாகுமரி பிரிவில் மதுரை வட்டச்சாலையின் வாடிப்பட்டி – தாமரைப்பட்டி பிரிவில் மேற்கொள்ளப்பட்டு வரும் பணிகள் பாதிக்கு மேல் முடிவடைந்துள்ளன.
பெங்களூரு – கோயம்புத்தூர் பிரிவில், தொரப்பள்ளி அக்ரகாரத்திலிருந்து ஜித்தண்டஹல்லி வரையில் பணிகள் நடைபெற்று வரும் நிலையில், ஜித்தண்டஹல்லியிலிருந்து தர்மபுரி வரையிலும் பணிகள் முடிவடைந்துள்ளன.
சென்னை – பெங்களூரு விரைவுச் சாலை, ரூ.7,525 கோடி மதிப்பீட்டில் மேற்கொள்ளப்பட்டு வருகிறது. குடிபாலாவிலிருந்து வாலாஜாபேட்டை வரையிலும், வாலாஜாபேட்டையிலிருந்து அரக்காணம் வரையிலும், அரக்கோணத்திலிருந்து காஞ்சிபுரம் வரையிலும், காஞ்சிபுரத்திலிருந்து ஸ்ரீபெரும்புதூர் வரையிலும் 4 வழிச்சாலைப் பணிகள் முழுவீச்சில் நடைபெற்று வருகின்றன.
மதுரை – கொல்லம் நெடுஞ்சாலையில், திருமங்கலத்திலிருந்து வடுகப்பட்டி வரையிலும், வடுகப்பட்டியிலிருந்து தெற்கு வேங்கநல்லூர், ராஜபாளையம் வரையிலும் பணிகள் நடைபெற்று வருகின்றன.
பெங்களூரு – கோயம்புத்தூர் நெடுஞ்சாலையில், தொப்பூர் – மேட்டூர் – பவானி பிரிவில் 85 கிலோ மீட்டர் தூரப் பணிகள் முடிவடைந்துள்ளன.
***
(Release ID: 2039507)
PKV/RR/KR
(Release ID: 2039618)
Visitor Counter : 46