مرکزی کابینہ نے 4 جنوری 2023 کو 19,744 کروڑ روپے کی لاگت کے ساتھ نیشنل گرین ہائیڈروجن مشن کو منظوری دی۔ مشن کا بنیادی مقصد 2030 تک گرین ہائیڈروجن کی سالانہ 5 ایم ایم ٹی پیداوار کو ہدف بناتے ہوئے گرین ہائیڈروجن اور اس کے مشتقات کی پیداوار، استعمال اور برآمد کے لیے ہندوستان کو ایک عالمی مرکز بنانا ہے۔ مشن کے تحت مندرجہ ذیل اجزاء کا اعلان کیا گیا ہے:

برآمدات اور گھریلو استعمال کے ذریعے طلب پیدا کرنے میں سہولت فراہم کرنا؛

گرین ہائیڈروجن ٹرانزیشن (ایس آئی جی ایچ ٹی ) پروگرام کے لیے اسٹریٹجک مداخلت، جس میں الیکٹرولائزرز کی تیاری اور گرین ہائیڈروجن کی پیداوار کے لیے مراعات شامل ہیں۔

اسٹیل، نقل و حرکت، شپنگ، ڈی سینٹرلائز توانائی کی ایپلی کیشنز، بائیو ماس سے ہائیڈروجن کی پیداوار، ہائیڈروجن اسٹوریج وغیرہ کے لیے پائلٹ پروجیکٹس؛

گرین ہائیڈروجن ہب کی ترقی؛

بنیادی ڈھانچے کی ترقی کے لیے تعاون؛

ضوابط اور معیارات کا ایک مضبوط فریم ورک قائم کرنا؛

ریسرچ اینڈ ڈیولپمنٹ پروگرام بشمول پبلک پرائیویٹ پارٹنرشپ فریم ورک کے ذریعے آر اینڈ ڈی؛

مہارت کی ترقی کے پروگرام؛ اور

عوامی آگاہی اور آؤٹ ریچ پروگرام۔

نیشنل گرین ہائیڈروجن مشن کے پاس مالی سال 2024 – 25 کے لیے مختلف عنوانات کے تحت 600کروڑ روپے کا تخمینہ ہے۔

گرین ہائیڈروجن کی پیداواری صلاحیت کا 2030 تک تصور کیا گیا ہے جس سے گرین ہائیڈروجن صنعت میں کل سرمایہ کاری میں 8 لاکھ کروڑ روپے سے زیادہ کا فائدہ ہوگا۔ اس سرمایہ کاری سے 2030 تک 6,00,000 ملازمتیں پیدا ہونے کا اندازہ ہے۔

گرین ہائیڈروجن مختلف شعبوں بشمول کھاد کی پیداوار، پیٹرولیم ریفائننگ، نقل و حرکت کے شعبے، اسٹیل کی پیداوار اور شپنگ پروپلشن ایپلی کیشنز میں درآمد شدہ جیواشم ایندھن کے استعمال کو تبدیل کرنے کی صلاحیت رکھتی ہے۔

اس مشن سے 2030 تک جیواشم ایندھن کی درآمدات میں مجموعی طور پر 1 لاکھ کروڑروپے کی کمی متوقع ہے۔

نئی اور قابل تجدید توانائی کے وزیر جناب پرہلاد جوشی نے آج لوک سبھا میں ایک تحریری جواب میں یہ جانکاری دی۔

************

ش ح ۔ ا م    ۔  م ش۔

 (U: 9019)