وزارت دفاع (ایم اوڈی ) نے 30 جولائی 2024 کو اتر پردیش ڈیفنس انڈسٹریل کوریڈور (یوپی ڈی آئی سی ) کے تحت تین جدید ترین جانچ کی سہولیات قائم کرنے کے لیے مفاہمت کے ایک اقرارنامے پر دستخط کیے۔اس مفاہمت نامے کے تحت ایم او یو کے تحت لکھنؤ میں مکینیکل اینڈ میٹریل (ایم اینڈ ایم) ڈومین میں ایک اور کانپور میں ایک ، دو سہولیات قائم کی جائیں گی۔ ایک بغیر پائلٹ کے فضائی نظام (یو اے ایس) اور کمیونیکیشن ڈومینز میں ڈیفنس ٹیسٹنگ انفراسٹرکچر اسکیم (ڈی ٹی آئی ایس) کے تحت مفاہمت نامے کا تبادلہ وزارت دفاع اور اتر پردیش ایکسپریس ویز انڈسٹریل ڈیولپمنٹ اتھارٹی (یو پی ای آئی ڈی اے) کے درمیان نئی دہلی میں کیاگیا۔

ڈی ٹی آئی ایس کو مئی 2020 میں وزیردفاع  جناب راج ناتھ سنگھ نے 400 کروڑ روپے کی لاگت کے ساتھ شروع کیا تھا، تاکہ نجی صنعت اور مرکزی/ریاستی حکومت کے ساتھ مل کر مقامی دفاعی پیداوار کو فروغ دینے کی خاطر جدید ترین جانچ کی سہولیات قائم کی جا سکیں، درآمدات کو کم  کیاجاسکے  اور خود انحصاری کو بڑھایاجاسکے۔ دفاعی صنعتی راہداریوں کے اندر دفاع اور ایرو اسپیس کے شعبوں کو تحریک فراہم کرنے کے لیے۔ تمل ناڈو میں چار اور اتر پردیش میں تین کل سات ٹیسٹنگ سہولیات کو منظوری دی گئی جبکہ یو پی ڈی آئی سی میں تین جانچ کی سہولیات کے قیام کے مفاہمت نامے پر آج دستخط کیے گئے ، جبکہ چنئی میں یو اے ایس، الیکٹرانک وارفیئر اور الیکٹرو آپٹکس کے ڈومینز میں تمل ناڈو ڈیفنس انڈسٹریل کوریڈور کے تحت تین سہولیات قائم کرنے کے معاہدے پر 02 جولائی 2024 کو دستخط کئے  گئےتھے۔

ڈی ٹی آئی ایس 75فیصد تک حکومت سے ملنے والے  فنڈکو‘گرانٹ ان ایڈ’ کے طور پر فراہم کرتا ہے، بقیہ 25فیصد خصوصی مقصد کی گاڑی (ایس پی ویز) کے ذریعے فراہم کی جاتی ہے، جس میں ہندوستانی نجی اداروں اور ریاستی/مرکزی حکومتیں شامل ہیں۔

ایم اینڈ ایم  سہولت کے لیے، میدھانی  ایک کلیدی ایس پی وی  ممبر ہےجبکہ  کچھ نجی شعبے کی کمپنیاں کنسورشیم کی ممبر ہیں۔ ہندوستان ایروناٹکس لمیٹڈ اور بھارت الیکٹرانکس لمیٹڈ بالترتیب یواے ایس اور مواصلات کی جانچ کی سہولیات میں سرفہرست ایس پی وی ممبر ہیں۔

پروجیکٹ کی تکمیل پر، یہ سہولیات سرکاری اور نجی اداروں دونوں کو جدید جانچ کے آلات اور خدمات فراہم کریں گی، جس میں ٹیسٹنگ کی صلاحیتوں اور عمل کو بڑھانے کے لیے دوبارہ سرمایہ کاری کی جائے گی، اس طرح دفاع میں خود کفیل ہونے سے بھارت کو فروغ حاصل ہو گا۔

**********

 (ش ح ۔ش   م ۔ع آ)

U-9003

(Release ID: 2039200) Visitor Counter : 35