کیمیکلز اور کھادوں کی مرکزی وزیر مملکت محترمہ انوپریہ پٹیل نے آج راجیہ سبھا میں ایک سوال کے تحریری جواب میں بتایا کہ اقتصادی امور کی کابینہ کمیٹی (سی سی ای اے) نے 28 جون، 2023 کو ’’دھرتی ماں  کی بحالی ، بیداری ، پرورش اور قوت کے لیے وزیر اعظم کا پروگرام  (پی ایم- پرانم)‘‘ کو منظوری دی ہے۔ اس اقدام کا مقصد ریاستوں اور مرکز کے زیر انتظام علاقوں  کی جانب سے   کھادوں کے پائیدار اور متوازن استعمال کو فروغ دے کر، متبادل کھادوں کو اپنا کر، نامیاتی اور قدرتی کھیتی کو فروغ دے کر دھرتی ماں  کی صحت کو بچانے کے لیے  شروع کی گئی کوششوں کی تکمیل کرنا ہے۔

 تمام ریاستیں/ مرکز کے زیر انتظام علاقے پی ایم- پرانم کے تحت آتے ہیں۔ مذکورہ اسکیم کے تحت، پچھلے 3 سال کی اوسط کھپت کے مقابلے میں کیمیائی کھادوں (یوریا، ڈی اے پی، این پی کے، ایم او پی) کی کھپت میں کمی کے ذریعہ ریاست/ مرکز کے زیر انتظام علاقہ کو کسی خاص مالی سال میں ریاست / مرکز کے زیر انتظام علاقوں کے ذریعہ کھاد کی 50 فیصد سبسڈی کی بچت ہوگی۔  ریاستیں/ مرکز کے زیر انتظام علاقے اس مالی مدد کوریاست کے لوگوں بشمول کسانوں کے فائدے کے لیے استعمال کر سکتے ہیں۔

*******

ش ح۔ م ع    ۔ را

U-8979